Galathiko lạgitʼ Pạul Apostolakʼ ciṭhi 5:7 - Santali Common Language New Testament

⁷ Ape ma besge coṅpe dạṛetʼ tahẽkan; enḍekhan sạriakʼre gobolokʼ lạgitʼ do okoeye tạkicʼketʼpea?

সান্তালী বাইবেল

⁷ Ape ma besge coṅpe dạṛetʼ tahẽkan; enḍekhan sạriyakʼre gobolokʼ lạgitʼ do okoeye tạkicʼketʼpea?

Galathiko lạgitʼ Pạul Apostolakʼ ciṭhi 5:7 Referans Kwoze

1 Korinthiko 9:24

Ape do cetʼ bape baḍaea ńir enecʼre sanamkogeko seledokʼa, menkhan eken mitʼ hoṛge kuṛại doe ńama? Onate ape hõ nonka dạṛpe jemon kuṛạipe ńam daṛeakʼ.

Galathiko lạgitʼ Pạul Apostolakʼ ciṭhi 3:1

E bebuj Galatiko, okoeye ahaketʼpea? Ape ma coṅ pusṭạutegeń porcar akatʼpe, Jisu Mạsi doe krus ocolena mente.

Ibriko 12:1

Enḍekhan ńelokʼ kana, Isorre biswạs reakʼ goha lekate aema hoṛ do abo beṛhaeteko ṭhạurạ akana. Onate dela bon, mitʼke mitʼ tạkicʼakʼ ar oka kại abore laṭkao akan ona do sạṅgiń secʼ bon ṭhelao giḍikakʼte sombhuri salakʼ laha secʼ bon ńir calakʼma.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onate biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

2 Korinthiko 10:5

Ale do manwawakʼ eṛeakʼle nosṭoyeda ar Isor baḍaeye horre tạkicʼakʼ leka oka hudis bundisko usulokʼe menjoṅ onale dhaṅ dhasereda; ar mon reakʼ mimitʼ hudis bundisko Mạsi ṭhenle gobol ocoyeda.

Romiko lạgitʼ Pạul Apostolakʼ ciṭhi 2:8

Menkhan okoe akoakʼ sana lekako senokʼ, ar sạriakʼ baṅ bataokate bedhoromakʼko bataoetʼkan, Isor do onko ạḍi bạṛicʼe sạjạikoa.

Mathae 13:21

menkhan onkore mońjte baṅ rehedokʼ kante thoṛa ghuṛi lạgitʼko ṭarhao tahen kana. Ar ona katha khạtirte tinre santao ar khedreko paṛaokʼkana unre onko doko pạcokʼkana.

Romiko lạgitʼ Pạul Apostolakʼ ciṭhi 6:17

Menkhan Isorakʼ sarhao hoyokʼma, ente ape do kạiren golampe tahẽkanre hõ, okaṭakʼ sikhạunape ńamakatʼ ona reakʼ do goṭa ontortepe batao akada.

Ibriko 5:9

Nonkate tinreye sạbit ocoyena unre acʼakʼko bataotae sanamko lạgitʼ jaejug bańcaokʼ reakʼ hore hoyena.

Romiko lạgitʼ Pạul Apostolakʼ ciṭhi 16:26

menkhan ńitokʼ bhage sombat hotete ona do sodor akana ar ona lekage iń hõń porcareda. Ar jaejugicʼ Isorakʼ hukum leka nạbikoakʼ olakʼ hotete sanam jạtren hoṛko ṭhen ona do baḍae ocoakana, jemon onko do Mạsireko pạtiạukʼte Isorren bataokoko hoedaṛeakʼ.

Romiko lạgitʼ Pạul Apostolakʼ ciṭhi 15:18

Iń hotete Mạsi okaṭakʼe kạmiakatʼ ona bahre jãhãn katha roṛ do ohoń dil daṛekea. Unige ińakʼ katha ar kạmite, hahaṛa kạmi ar cinhạko hotete ar sonot Jiu reakʼ daṛete boṅgan hoṛ jạtrenko do Isorreye tabe ocoakatʼkoa. Onate iń do Jerusalem khon ehopʼkate Illurikum hạbicʼ sanam jaegare Mạsiakʼ bhage sombat purạteń lại jạhirakada.

Romiko lạgitʼ Pạul Apostolakʼ ciṭhi 10:16

Menkhan sanamko ona bhage sombat do bako luturada. Jesaea nạbiye menakada, “E Probhu, alele porcarakatʼ bhage sombat do okoeye pạtiạuada?”

Ibriko 11:8

Isor do Abrahame hohoade tahẽkanre biswạs iạtege Isorakʼ kathareye gobolena ar ạidạṛi lekate okaṭakʼ jaega ńam reakʼ katha tahẽkantae ona jaegateye calaolena. Unre bae bujhạu akatʼ tahẽkana okateye calakʼkana mente ar enhõ uni doe monḍhalena.

Aposkạmi 6:7

Nonkate Isorakʼ katha do pasnao idiyena, ar Jerusalemre celako do lekhare ạḍi usạrako saṅge idiyena ar ạḍi utạr naekeko hõ Mạsiakʼ dhoromreko pạtiạuena.

Galathiko lạgitʼ Pạul Apostolakʼ ciṭhi 2:2

Isorakʼ monejoṅakʼ sodoren khan iń do onḍeń rakapʼ calaoena. Ar oka bhage sombat boṅgan hoṛ jạtrenko ṭheniń porcaretʼ tahẽkan onań lạiatʼkoa. Manḍerren manotan hoṛko do oko okote ona jotoń lạiatʼkoa, enteń botorokʼkan tahẽkana, hoedaṛeakʼa iń do ạuṛiakʼ iń khaṭao akana.

Galathiko lạgitʼ Pạul Apostolakʼ ciṭhi 5:10

Ape reaṅ Probhure noa pạtiạu menakʼtińạ, ape do okaṭakʼ reakʼ hõ bape eṭakʼ monokʼa. Menkhan okoeye ạulạuetʼpe, uni doe jãhãe kange, uni do acʼakʼ kuṛạiye ńamgea.