Galathiko lạgitʼ Pạul Apostolakʼ ciṭhi 4:9 - Santali Common Language New Testament

⁹ Menkhan ńitokʼ do Isorpe baḍae akadea; ar hẽ, Isorge apeye baḍaeketʼpea. Enḍekhan cekate arhõ dhạrti reakʼ ạḍi lekan nijor ar ạuṛiakʼ ạri-cạli secʼpe ạcur ruạṛokʼ kana? Ape do cetʼ arhõ onkoren golam hoyokʼpe menjoṅ kana?

সান্তালী বাইবেল

⁹ Menkhan ńitokʼ do Isorpe baḍae akadea; ar hẽ, Isorge apeye baḍaeketʼpea. Enḍekhan cekate arhõ dhạrti reakʼ ạḍi lekan nijor ar ạuṛiyakʼ ạri-cạli secʼpe ạcur ruạṛokʼ kana? Ape do cetʼ arhõ onkoren golam hoyokʼpe menjoṅ kana?

Galathiko lạgitʼ Pạul Apostolakʼ ciṭhi 4:9 Referans Kwoze

1 Korinthiko 8:3

Menkhan okoe Isore dulạṛedekan, Isor do eken unigeye baḍaeyede kana.

Galathiko lạgitʼ Pạul Apostolakʼ ciṭhi 3:3

Ape do cetʼ nunạkʼgepe bebujgea? Sonot Jiu hotete nawa jion ehopʼkate ńitokʼ do cetʼ apnarakʼ kurumuṭute sạbit utạrokʼpe ńamjoṅkana?

Romiko lạgitʼ Pạul Apostolakʼ ciṭhi 8:3

Manwawakʼ kại gunạkʼte ạnko do nijor akan tahẽkana, ona iạte ạn oka bae daṛeakʼkan tahẽkan, Isor ona do acʼgeye onka akada. Uni do kại meṭao lạgitʼ acʼren bin-dusạn Hopon manwa muṭhạn emkateye kolkedea ar acʼren Hoponakʼ gujukʼ hotete kại reakʼe bicạrketʼte ona reakʼ daṛeye ocokʼkeda.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼ bona jemon sạri Isor bon baḍae orom daṛeae. Okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.

2 Patras 2:20

Aboren Probhu ar babańcaoicʼ Jisu Mạsi reaṅ baḍae khạtirte dhạrti reakʼ bạṛicʼakʼ khonko ńir pharakokʼkanre hõ onko do inạ bạṛicʼakʼregeko jhạlikʼkante arhõko bhagao ocokʼkana, ar onkoakʼ mucạtʼ dosa do pạhilakʼ khon artetʼ bạṛicʼ hoeakana.

Ibriko 7:18

Moseakʼ ạn-ạri do okaṭakʼge bae sạbit oco daṛeakada, onate pạhil teakʼ naeke kạmi reakʼ oka ạn tahẽkan ona do nijor ar bin porho iạteye bạtil akada. Ar ńitokʼ do ona jaegare uni khon maraṅ mitʼṭen as emakana. Ona as hotete abo do Isor ṭhen bon sen seṭer daṛeakʼa.

2Timothi 2:19

Enrehõ Isorakʼ gathaoakʼ kajak rehetʼ do teṅgo akana, ar ona cetanre mohor chapakatʼ leka noa kathako ol menakʼa, “Probhu do acʼrenkoe baḍaeyetʼkoa, ar okoe do Mạsi Probhu menteko hohoaekan onko do sanam bedhorom kạmi khonko sahaṛokʼma.”

Ephesiko lạgitʼ Pạul Apostolakʼ ciṭhi 1:17

Ar koejoṅ jokhecʼ apeakʼ katha do bạń hiṛińeda. Iń doń koejoṅ kana jemon aboren Probhu Jisu Mạsiren Isor, metakʼme uni ṭhonokren Baba do jiu reakʼ akel ar bujhạu lạgitʼ daṛeye danape, jemon uni do arhõ bạ̃ṛtipe baḍae daṛeae.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniakʼ mạhima bujhạu lạgitʼ marsal sodorokʼ. Ar noa mạhimage Mạsiakʼ mẽtʼãhãre menakʼa.

1 Korinthiko 13:12

Abo do ńitokʼ ạrsire pusṭạute babo ńeleda, menkhan unre samna sạmni bon ńel ńama. Iń do ńitokʼ okań baḍaekan ona do purạute bạń baḍaea, menkhan Isor do cetʼleka purạteye baḍaeyediń kan, unre onkage purạteń baḍaea.

Romiko lạgitʼ Pạul Apostolakʼ ciṭhi 8:29

Isor do okoeko lahareye bachao akatʼko onko do acʼren hopon hoyokʼ lạgitʼ laha khongeye ṭhik doho akatʼko tahẽkana, jemon uni Hopon do ạḍi utạr boehako modre maraṅicʼe hoyokʼ.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Johan 10:27

Ińren bhiḍiko do ińakʼ aṛaṅko ańjomeda. Ar iń doń baḍae oromakatʼkoa ar onko do ińko pańjayediń kana.

Johan 10:14

“Ińge boge gupiyicʼ. Baba do cetʼleka ińe baḍaeyediń onkage iń hõ Babań baḍaeyedea ar ińren bhiḍiko hõń baḍaeyetʼkoa ar onko hõ ińko baḍaeyediń kana. Iń do ińren bhiḍiko lạgitʼ ińakʼ jiwiyiń alayetʼtińạ.

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍaeyedea, Hopon okoe ṭhen Baba sodoreye menjoṅkan unige uni doe baḍaeyea.

1 Korinthiko 15:34

Onate ape do apeakʼ monre cetaokʼpe ar alope kạiya. Ente ape modre adomko do Isor bako oromakadea; iń do lajao ocope lạgitʼge noa katha doń roṛeda.

2 Korinthiko 11:20

Ar eken ona do baṅ, jãhãege golame benaolepere, jãhãegeye jom reṅgecʼlepere, jãhãegeye sapʼlepere, jãhãege acʼteye maraṅlenre ar jãhãege mẽtʼãhareye thapalepere, ape do sanamakʼpe sahaoetʼtakoa.

Galathiko lạgitʼ Pạul Apostolakʼ ciṭhi 4:3

Onka leka gidrạ bon tahẽkanre abo hõ dhạrti reakʼ ạḍi lekan ạri-cạliren golam bon tahẽkana.

Luk 5:38

Onate nawa darkha rasa do nawa kumrege dul dohoe jạruṛa.