Galathiko lạgitʼ Pạul Apostolakʼ ciṭhi 3:22 - Santali Common Language New Testament

²² Menkhan sonot sostor do sanamkoge kại iạte dusi menteye ṭarhao akatʼkoa, jemon Jisu Mạsire pạtiạukʼko do akoakʼ ona biswạs hotete gokʼ akawatʼko reakʼ bhorko ńam daṛeakʼa.

সান্তালী বাইবেল

²² Menkhan sonot sostor do sanamkoge kại iạte dusi menteye ṭarhao akatʼkoa, jemon Jisu Mạsire pạtiạukʼko do akoakʼ ona biswạs hotete gokʼ akawatʼko reakʼ bhorko ńam daṛeakʼa.

Galathiko lạgitʼ Pạul Apostolakʼ ciṭhi 3:22 Referans Kwoze

Romiko lạgitʼ Pạul Apostolakʼ ciṭhi 11:32

Isor jemon sanamkoe mãyãwako onate uni do sanamkoge bebataoreye bondi esetʼ akatʼkoa.

Ibriko 9:15

Isor do okoeko hohokate jaejug ạidạri emako lạgitʼe gokʼatʼko tahẽkan onko jemon onako ńam onate Mạsi do mitʼṭen nawa bondobos reakʼ dene banar secʼrene hoyena. Noa ạidạri ńam do manwa lạgitʼ leṭejokʼakʼ hoeakana, ente pạhil bondobos bahal tahẽkanre manwa okako kại akatʼ onako kại khon chaḍao reakʼ dam lekate Mạsi do jiwiye emleda.

Galathiko lạgitʼ Pạul Apostolakʼ ciṭhi 3:23

Biswạs ạuri hijukʼre abo do ạn-ạrite bon esetʼ ạcur akan tahẽkana ar biswạsiko mente ạuri bon sodorokʼ hạbicʼ bon bond esetʼ ocoakan tahẽkana.

1 Johan 2:25

Noa kangea jaejug jion, one okaṭakʼ Mạsi do abo emabon lạgitʼe gokʼakatʼ.

Johan 3:36

Hoponre pạtiạukʼicʼ do jaejug jion menakʼtaea, menkhan Hopon reakʼ bebataoicʼ do jion ohoe ńamlea, bickom Isorakʼ edre uni cetanre paṛaokʼa.

Johan 12:46

Iń do noa dhạrtire marsal lekań hecʼakana, jemon ińre okoeye pạtiạukʼ uni do ńutre aloe tahen.

Johan 5:24

“Sạrigeń metapekana, Ińakʼ katha okoeye ańjom ar kol akadińicʼreye pạtiạukʼ uni do jaejug jion menakʼtaea. Uni do dusi mente bae lekhakʼa, ente uni do moron khon jionteye parom akana.

2 Patras 3:13

Menkhan abo do Isorakʼ gokʼakʼ lekate nawa serma ar nawa dhạrti lạgitʼ bon koyokʼ horeda. Onḍe do sanamakʼge Isorakʼ monejoṅakʼ leka hoyokʼa.

2 Patras 1:4

Uni do acʼakʼ ṭhonok ar soros gunte abo ṭhen ạḍi damanakʼ ar maraṅakʼe gokʼakada. Noa reakʼ monsubạ do hoyokʼ kana, manwakoakʼ bạṛicʼ sana khạtirte dhạrtire okako bạṛicʼakʼ perecʼ akan ona khonpe ńir pharakokʼte Isorakʼ boge colonren bhạgiạdarpe hoyokʼ.

2Timothi 1:1

Mạsi Jisu hotete jaejug jion reakʼ gokʼakʼ lekate Isorakʼ monejoṅ leka iń Pạul do Mạsi Jisuren mitʼṭen apostoliń hoeakana.

Galathiko lạgitʼ Pạul Apostolakʼ ciṭhi 3:29

Mạsirenpe hoeakante Abraham bõsren hoponko hõpe hoeakana. Isor do Abraham oka emae reakʼe gokʼade tahẽkan ape hõ ona sanamakʼren ạidạrikope hoeakana.

Romiko lạgitʼ Pạul Apostolakʼ ciṭhi 10:9

Ona katha do hoyokʼkana, Jisu do Probhu kanae mente amakʼ mocatem aṅgoce ar ontortem pạtiạukʼ baṅma, Isor do gocʼko khone jiwetʼ beretʼ akadea enḍekhan am do kại khon bańcaoem ńama;

Romiko lạgitʼ Pạul Apostolakʼ ciṭhi 5:12

Mitʼṭen manwa hotete dhạrtire kại boloyena ar ona kại hotete gujukʼ hõ boloyena. Ente sanam manwako kại akatʼte sanamko ṭhenge gujukʼ hõ boloyena.

Romiko lạgitʼ Pạul Apostolakʼ ciṭhi 3:23

ente sanamkogeko kại akada ar Isorakʼ sarhao ńam lạgitʼko be lekgea.

Aposkạmi 16:31

Adokin metadea, “Am ar amakʼ gharońjrenko Probhu Jisure pạtiạukʼpe, enḍekhan kại khon bańcaope ńama.”

Johan 20:31

Menkhan noako olena jemonpe pạtiạukʼ, Jisu do Mạsi, Isorren Hopon kanae mente, arpe pạtiạukʼte uni hotete jion tahentape.

Johan 6:40

Ińren Babawakʼ sana do nõkʼõe jemon Hoponko beṅgetʼae ar unire pạtiạukʼ mitʼke mitʼko do jaejug jion tahentako. Ińge onko do mucạtʼ dinreń jiwetʼ beretʼkoa.”

Galathiko lạgitʼ Pạul Apostolakʼ ciṭhi 3:17

Ińakʼ katha reakʼ mane do noage, Isor do Abraham oktere mitʼṭen kajak bondobose dohoakatʼ tahẽkana. Ar pon sae pe gel bochor tayom ạn-ạrikoe emena, ar onate laha reakʼ bondobos do baṅ bạtil lena; menkhan uniakʼ gokʼakʼ do bahal tahẽyena.

Galathiko lạgitʼ Pạul Apostolakʼ ciṭhi 3:14

Isor do Abraham oka bhore emade tahẽkan ona bhorge Jisu Mạsi hotete boṅgan hoṛ jạtrenko hõko ńam daṛeakʼa, ar abo hõ jemon biswạs hotete gokʼ akawatʼbon sonot Jiubon ńam daṛeae, onate Mạsi do ona sarap acʼreye ladeana.

Mark 16:16

Ar jãhãegeye pạtiạukʼ are bạptis ocokʼ unige kại khon bańcaoe ńama; menkhan okoe bae pạtiạukʼ uni do sạjạiyokʼ lạgitʼe bicạr ocokʼa.

Romiko lạgitʼ Pạul Apostolakʼ ciṭhi 3:22

Okoe Jisu Mạsireko pạtiạukʼkan onkoakʼ ona biswạs hotetege Isor do dhorom mente onkoe ataṅkoa. Jihudi ar boṅgan hoṛ jạtrenko sanamgeko somangea,