Galathiko lạgitʼ Pạul Apostolakʼ ciṭhi 2:9 - Santali Common Language New Testament

⁹ Onko manotan hoṛ, metakʼme Jakob, Kephas ar Johan do noako ńelteko bujhạu daṛeatʼ tahẽkana, Isor ṭhen khon dayań ńamakada mente. Onko ar ạliń talare oka helmel menakʼ ona udug lạgitʼ onko do Barnabas ar iń tulucʼ jojomtiko milạukeda. Arko rạjiyena, ạliń do boṅgan hoṛ jạtrenko ṭhenliń calakʼa ar onko do Jihudiko ṭhenge.

সান্তালী বাইবেল

⁹ Onko manotan hoṛ, metakʼme Jakob, Kephas ar Johan do noako ńelteko bujhạu daṛeatʼ tahẽkana, Isor ṭhen khon dayań ńamakada mente. Onko ar ạliń talare oka helmel menakʼ ona udug lạgitʼ onko do Barnabas ar iń tulucʼ jojomtiko milạukeda. Arko rạjiyena, ạliń do boṅgan hoṛ jạtrenko ṭhenliń calakʼa ar onko do Jihudiko ṭhenge.

Galathiko lạgitʼ Pạul Apostolakʼ ciṭhi 2:9 Referans Kwoze

Romiko lạgitʼ Pạul Apostolakʼ ciṭhi 12:3

Iń do Isor ṭhen khon oka dayań ńamakatʼ onate ape mimitʼkoń metapekana, apnar reaṅ okaṭakʼ lek kan ona khon bạ̃ṛti do alope hudisokʼa, bickom tinạkʼ lek mentepe bujhạukʼkan inạkʼge hudisokʼpe. Isor do okoe tinạkʼgan pạtiạukʼ reakʼ daṛeye emakawade ona khon bạ̃ṛti do okoe hõ jemon apnarte aloe hudisokʼma.

Johan sodor 3:12

Ar okoeye jitạukʼa unige ińren Isorakʼ oṛakʼ reakʼ mitʼṭen khũnṭiń teṅgoyea; uni do tisge bahrete bae calakʼa. Iń do unire ińren Isorakʼ ńutum ar ińren Isorakʼ nagraha reakʼ ńutumiń ola. Ona nagraha do nawa Jerusalemge. Serma khon ińren Isor ṭhen khon noa nagraha do pheḍ hijukʼa. Ar okoeye jitạukʼa, iń do unire ińakʼ ńutumiń ola.

Galathiko lạgitʼ Pạul Apostolakʼ ciṭhi 2:2

Isorakʼ monejoṅakʼ sodoren khan iń do onḍeń rakapʼ calaoena. Ar oka bhage sombat boṅgan hoṛ jạtrenko ṭheniń porcaretʼ tahẽkan onań lạiatʼkoa. Manḍerren manotan hoṛko do oko okote ona jotoń lạiatʼkoa, enteń botorokʼkan tahẽkana, hoedaṛeakʼa iń do ạuṛiakʼ iń khaṭao akana.

Romiko lạgitʼ Pạul Apostolakʼ ciṭhi 1:5

Uni hotete ar uniakʼ ńutum iạte ale do daya ar apostol hudạle ńamakada, jemon sanam jạtren hoṛko pạtiạukʼte Isorakʼko bataotae.

1 Johan 1:3

Okoe alele ńṭoṭhade ar okoeakʼ moca reakʼ kathale ańjomakatʼ uni reaṅgele baḍae ocoyetʼpea. Ale do onale baḍae ocoyetʼpea jemon ape ar ale talare mitʼṭen helmel benao rakabokʼ. Noa do hoyokʼ kana Baba ar uniren Hopon Jisu Mạsi ar abo tala reakʼ helmel.

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye emakadińạ.

Kolossiko lạgitʼ Pạul Apostolakʼ ciṭhi 1:29

Ar noa monsubạge Isorakʼ oka maraṅ daṛe ińreye kạmikan ona daṛe lekate iń do ạḍitetʼiń khaṭaokʼ kana.

Ephesiko lạgitʼ Pạul Apostolakʼ ciṭhi 2:20

Apostol ar nạbiko do rehetʼ kanako, ar ona rehetʼren konac dhiri do Jisu acʼtetʼ kangeae. Ar ona rehetʼ cetanrege ape dope gathao ocoakana.

2 Korinthiko 8:4

Onko do ạḍi jid salakʼ ale ṭhenko nehõrlena jemon Isorren okoeko hoṛ reṅgecʼre menakʼko, onkoakʼ reṅgecʼ meṭaotako reakʼ kạmire jemon seledokʼ reakʼ ạtko ńam.

1 Korinthiko 15:10

Menkhan ńitokʼ okań hoeakan ona do Isorakʼ dayategeń hoeakana. Iń cetanre uniakʼ daya do baṅ ạuṛiakʼ akana; ar eṭakʼ sanam apostolko khon iń do ḍheriń khaṭao akana; ar eken ińiń khaṭao akan ona do baṅ bickom ińre Isorakʼ daya hõ tahẽkana.

Romiko lạgitʼ Pạul Apostolakʼ ciṭhi 15:15

Enrehõ iń do mitʼ bar katha disạ ocope lạgitʼ dilkate noań olape kana, ente Isor do boṅgan hoṛ jạtrenko ṭhen Mạsi Jisuren sapʼ dapʼicʼ hoyokʼ reakʼ ạsirbade dan akawạdińa.

Aposkạmi 15:13

Adokin roṛ mucạtʼketʼ khan Jakobe menkeda, “E boehako, ańjompe.

Aposkạmi 15:7

Ado aemako galmaraoketʼ khan Patras do teṅgoyenteye metatʼkoa, “E boehako, ape mape baḍaege, ḍher din lahare apeko tala khon Isor do ińe bachao akadińạ jemon boṅgan hoṛ jạtrenko hõ ińakʼ moca khon bhage sombat reakʼ katha ańjomkateko pạtiạukʼ.

Aposkạmi 4:36

Lewi bõsren Joseph ńutuman mitʼṭen hoṛe tahẽkana. Uni do Kupriko metakʼ dipre oṛakʼ tahẽkantaea. Apostolko do Barnabasko bahnakedea torjomate do jiwi raṛecʼren hoponko hohoaekan tahẽkana.

Mathae 16:18

Ińiń metam kana, am dom Patras kana, ar noa dhiri cetanrege ińakʼ manḍereń benao rakaba. Norok reakʼ oka daṛege onare bae jitạu daṛeakʼa.

Johan 1:42

Ar Andreas do Jisu ṭhen Simone ạgukedea. Jisu do Simon beṅgetʼ adeteye metadea, “Am do Johan hopon Simon kanam, menkhan am do kephasem hoho ocokʼa.” Noa ńutum reakʼ mane do Patras, metakʼme dhiri.

Aposkạmi 12:17

Patras do thirokʼ lạgitʼ titeye isạrawatʼkoa ar hajot khon Probhu cetʼlekateye oḍok ạgukede onae baḍae ocoketʼkoa. Ar mucạtʼreye metatʼkoa, “Noa khobor do Jakob ar eṭakʼ boehako hõ lạiyakope.” Noa katha menkate uni doe oḍokente eṭakʼ jaegateye calaoena.

2 Korinthiko 11:5

Menkhan ińakʼ bujre onko “Soros utạr” apostolko khon do oka secʼte hõ bạń komaoa.

2 Korinthiko 12:11

Iń do bebujgeń hoeakana, menkhan apegepe jormoṭkedińa; ente apege sarhaoiń reakʼ lek tahẽkantapea. Ar cele hõń baṅkanre hõ enhõ aperen onko “Soros utạr” apostolko khon cetʼte hõ bạń komaoa.

Galathiko lạgitʼ Pạul Apostolakʼ ciṭhi 1:16

Jemon boṅgan hoṛ jạtrenko ṭhen Mạsi reaṅ bhage sombatiń porcar, onate Isor do acʼakʼ monejoṅ leka acʼren Hopon iń ṭhene sodorkedere okoe tulucʼ hõ bạń solhawana.

Galathiko lạgitʼ Pạul Apostolakʼ ciṭhi 1:18

Ado pe bochor tayom pạhil dhao Patras sãote ńapamokʼ lạgitʼ Jerusalemteń senlena, ar uni tulucʼ onḍe gel mõṛẽ din iń tahẽkana.

Galathiko lạgitʼ Pạul Apostolakʼ ciṭhi 2:1

Gelpon bochor tayom iń do Barnabas sãote arhõ Jerusalemteń calaoena, ar Titus hõń soṅge torakedea.

Galathiko lạgitʼ Pạul Apostolakʼ ciṭhi 6:3

Jãhãe jãhãnicʼe baṅkanre hõ apnartetʼ jãhãnicʼ menteye hudisokʼkan khan uni do apnartegeye bulạukʼ kana.