Galathiko lạgitʼ Pạul Apostolakʼ ciṭhi 1:7 - Santali Common Language New Testament

⁷ Ona do jãhãn bhage sombatge baṅkana. Enrehõ adom hoṛ menakʼkoa one okoe do sulukte bako tahẽ ocoape kan, ar Mạsi reaṅ bhage sombat bodolko monejoṅkan.

সান্তালী বাইবেল

⁷ Ona do jãhãn bhage sombatge baṅkana. Enrehõ adom hoṛ menakʼkoa one okoe do sulukte bako tahẽ ocowape kan, ar Mạsi reaṅ bhage sombat bodolko monejoṅkan.

Galathiko lạgitʼ Pạul Apostolakʼ ciṭhi 1:7 Referans Kwoze

Aposkạmi 15:24

“Alele ańjomkeda je, aleko mod khon adom hoṛ do senkate ạḍi lekan kathate apeakʼ monko ạulạuetʼte kosṭoko emapekana, menkhan ale do nonkan kạmi bale menakatʼkoa.

Galathiko lạgitʼ Pạul Apostolakʼ ciṭhi 5:10

Ape reaṅ Probhure noa pạtiạu menakʼtińạ, ape do okaṭakʼ reakʼ hõ bape eṭakʼ monokʼa. Menkhan okoeye ạulạuetʼpe, uni doe jãhãe kange, uni do acʼakʼ kuṛạiye ńamgea.

2 Korinthiko 11:13

Ente onkanko hoṛ do eṛe apostol ar phạsiara kạmiyạko kanako. Ar Mạsiren apostolko mente udugokʼ lạgitʼ onko do apnartetʼko bodolokʼ kana.

Galathiko lạgitʼ Pạul Apostolakʼ ciṭhi 5:12

Okoe apeko ạulạuetʼpe, onkore ińakʼ monejoṅ do noage, onko do apnarge jemonko getʼ begarokʼ.

2 Korinthiko 2:17

Apnarakʼ lab lạgitʼ okoe Isorakʼ kathako bạnijetʼkan onko lekanko dole baṅkana; bickom Mạsi tulucʼle mitʼ akante ale do Isor samaṅre Isorren kol ocoakan hoṛko lekage sạri ontor khon kathale roṛeda.

Johan sodor 20:3

Tayomte kulup oṭokate ona cetanreye chapada, jemon ona mitʼ hajar bochor ạuri mucạdokʼ hạbicʼ dhạrtire jạt jạtrenko eṭakʼ bhul horte bae idi daṛeako; ona tayom thoṛa din lạgitʼ uni doe aṛakʼ ocokʼa.

2 Johan 1:10

Ar jãhãe hoṛ ape ṭhen hecʼkate ona sikhnạt bae emokʼ enḍekhan apeakʼ oṛakʼre uni do alope ataṅ daramea ar johar hõ alope joharaea.

1 Johan 4:1

E dulạṛiạ gidrạkotiń, joto Jiu do alope pạtiạu akoa, bickom biḍạu aṭkarkope onko do Isor khonko hecʼakana se baṅ, ente dhạrtire aema eṛe nạbikoko oḍok akana.

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.

Johan sodor 13:14

Ar okako hahaṛa kạmi lạgitʼ ektiạriye emocolen onako kạmikate hoṛko bhul horte idikoe ehopʼkeda. Ar Pạhilicʼ janwar okoe do tarwaṛeteye ghạl ocolenre hõ jiwetʼe tahẽkan, uni dosaricʼ janwar do hoṛkoe metatʼkoa jemon onko do uniakʼ muṭhạnko benaotae.

Johan sodor 12:9

Unre uni maraṅ okocʼ biń ar uniren soṅgeten goḍetko do dhạrtiteko lebda ńur ocoyena. Nui biń doe hoyokʼ kana uni mare bińge okoe do Diabol Soetanko metaekan. Uni do dhạrtiren sanam hoṛko bhul horteye idiyetʼkoa.

Johan sodor 2:20

Enhõ am birudre ińakʼ noa katha roṛ reakʼ menakʼtińạ. Am do Jesebel ńutuman uni maejiuakʼ bedhoromem sahao akatʼa. Nui Jesebel do acʼte nạbiye ńumogokʼ kana. Ar acʼakʼ cecetʼakʼte uni do ińren gutikoe bulạuetʼkoa, jemon onko do laṭghaṭko kạmi ar boṅga ṭhen samaṅakʼko jom.

Johan sodor 2:6

Menkhan mitʼṭen gun menakʼtama ona do, Nikolạitiko okaṭakʼko cekayetʼkan ona dom hirkhạwakʼ kana, ar iń hõń hirkhạwakʼ kana.

Johan sodor 2:2

Iń do amakʼ kạmi, mehnot ar sobori doń baḍaegea. Baḍaegeạń am do bạṛicʼ hoṛko bam ńel sahao daṛeakoa, ar okoe do apostolko baṅkanre hõ apnarte apostolko ńumugokʼkan onko dom biḍạu aṭkar akatʼkoa ar phạsiạra kanako mente hõm sạbud akatʼkoa.

Jihudạwakʼ ciṭhi 1:4

Noa do jạruṛgea, ente sedaere okoe hoṛkoakʼ sạjại reaṅ katha sostorre olakan onko do ape talare hape hapeteko bolo akana. Noko hoṛkore Isor bhokti do bạnukʼanaṅ; ar aboren Isorakʼ daya do lucạ lamoṭ menteko ạnḍuṅeda ar okoe aboren mitʼ goṭen mạlik are Probhu kan uni Jisu Mạsi do bako aṅgoc edekana.

2 Johan 1:7

Dhạrtire nonkan aema hoṛko oḍok akana okoe doko bulạuko kan. Ente Jisu Mạsi manwa lekateye hecʼlen ona do bako aṅgoceda. Ar nonkan bulạukan hoṛge Mạsiren do bạiri kanako.

1 Johan 2:26

Okoe bạṛicʼ horte idipe lạgitʼko kurumuṭuyetʼkan, onko reaṅ iń do noakoń olatʼpea.

2Timothi 2:18

Nukin do Isorakʼ sạriakʼ khonkin sạṅgiń akana. Unkin dokin meneda, biswạsiko do gocʼko khon laharegeko beretʼakana. Nukin do adomkoakʼ biswạskin nosṭoyetʼtakoa.

Galathiko lạgitʼ Pạul Apostolakʼ ciṭhi 6:17

Mucạtʼreń menkea, okoe hõ aloko duk ocoyińma, ente Jisuakʼ ghạl dagko reakʼ cinhạkoge ińakʼ hoṛmoreń asen baṛayeda.

Galathiko lạgitʼ Pạul Apostolakʼ ciṭhi 4:17

Onko eṭakʼ hoṛ do ape lạgitʼko ãṭokʼkana, menkhan bhage monsubạ iạte do baṅ. Onko do iń khon ạcur ruạṛpeko khojkana, jemon onko lạgitʼpe ãṭokʼ.

Galathiko lạgitʼ Pạul Apostolakʼ ciṭhi 2:4

Adom eṛe boehako oko okoteko bololente katha do rakapʼlena. Jisu Mạsire biswạsiko lekate aboakʼ oka sạdhintetʼ menakʼ ona sạdhintetʼ reakʼ dosko sapʼ lạgitʼ onko do oko okoteko bololena jemon golamko benao daṛeabon.

2 Korinthiko 4:2

Ar hoṛko danaṅre oka lajao paṛaoakʼko kạmikan ona do ekaltege bale kạmikana. Ale do okaṭakʼ kạmirege bale eṛeya, ar Isorakʼ kathare jãhãnakʼ ạuṛiakʼ hõ bale mesaletʼ kana. Bickom Isorakʼ sạriakʼtetʼ sodorkate uni samaṅre sanam hoṛkoakʼ bibek ṭhen ataṅokʼ lek mente apnarle sodorokʼ kana.

Aposkạmi 20:30

Ape bhitriko khon hõ hoṛko teṅgonte Isorakʼ sạriakʼtetʼ do eṛeteakʼ benaoko kurumuṭuya jemon pạtiạu akanko ako secʼko or idi daṛeako.

Aposkạmi 13:10

“Am do Soetanren hopon ar joto bhageakʼren bạiri kanam. Amre do joto lekan phạsiara ar bedhorom menakʼa. Probhuakʼ sojhe horko konḍeae do cetʼ bam bạgiya?

Mathae 24:24

ente aema eṛe Mạsi ar eṛe nạbikoko hijukʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

Galathiko lạgitʼ Pạul Apostolakʼ ciṭhi 1:6

Mạsiakʼ dayate okoe do acʼren hoṛ hoyokʼ lạgitʼe hohowatʼpe tahẽkan, uni bạgikate usạra eṭakʼ lekan bhage sombat secʼpe ạwil akan ńelte iń doń hahaṛakʼ kana.