Galathiko lạgitʼ Pạul Apostolakʼ ciṭhi 1:21 - Santali Common Language New Testament

²¹ Ona tayom iń do Suriạ ar Kilkiliạ reakʼ eṭakʼ eṭakʼ ṭoṭhakoteń senlena.

সান্তালী বাইবেল

²¹ Ona tayom iń do Suriạ ar Kilkiliạ reakʼ eṭakʼ eṭakʼ ṭoṭhakoteń senlena.

Galathiko lạgitʼ Pạul Apostolakʼ ciṭhi 1:21 Referans Kwoze

Aposkạmi 15:41

Pạul do Siriạ ar Kilikiạ talateye parom calao idiyente sanam manḍerkore pạtiạukoe keṭecʼketʼtakoa are daṛe ocoketʼkoa.

Aposkạmi 9:30

Ado biswạsi boehako noako ańjomketʼ khan Kạisạriạ nagrahateko idikedea ar tayomte Tạrsus nagrahateko kolkadea.

Aposkạmi 6:9

Ar okaṭakʼ sunạgog do sạdhin hoṛkoakʼ sunạgogko metakʼkan tahẽkan ona sunạgogren adom hoṛko do Stephan birudreko teṅgoyena. Onko do Kureni ar Alekasndriạ nagraharen ar Kilikiạ ar Asiạ disạmren Jihudikoko tahẽkana.

Aposkạmi 15:23

Ado onko hotete noa ciṭhiko kolkeda: Antiokiạ, Siriạ ar Kilikiạren biswạs akan boṅgan hoṛ jạtren boehako ṭhen ale apostolko ar manḍerren murubiko, metakʼme aperen boehako do noa ciṭhile olape kana. Apeakʼ suluk hoyokʼma.

Aposkạmi 13:1

Antiokiạ manḍerre do thoṛa nạbi ar cecetʼkoko tahẽkana. Onkoakʼ ńutum do Barnabas, Nigerko metaekan Simeon, Kurene nagraharen Lukius, disạm cakʼlaoicʼ Herod sãoteye ạsul haralen Manaen ar Sạul.

Aposkạmi 23:34

Disạm cakʼlaoicʼ do ciṭhiye paṛhaoketʼ khan Pạul oka jaegaren hoṛ kanae menteye kulikedea. Ar Pạul do Kilikiạ disạmren hoṛ kanae menteye baḍaeketʼ khan uni doe menkeda,

Aposkạmi 22:3

“Iń doń Jihudi hoṛ kana. Kilikiạ reakʼ Tạrsus nagrahareń janamlena, menkhan noa nagraharegeń hara akana. Gamalielakʼ jaṅga pheḍre duṛupʼkate aboren hapṛamkoakʼ ạn-ạriko mońjteń cetʼakada. Isor reaṅ teheń ape cetʼ lekape gagojokʼkan onkage iń hõń gagojokʼkan tahẽkana.

Aposkạmi 21:39

Unre Pạule roṛ ruạṛkeda, “Iń do Kilikiạ Prodes reakʼ Tạrsus nagraharen mitʼṭen Jihudi hoṛ kạnạń. Jãhãlekan nagraharen hoṛ doń baṅkana. Dayakate onko hoṛ sãote katha roṛ ocoạńme.”

Aposkạmi 21:3

Kupros diple ńel ńamketʼ khan ona dạkhin secʼte ạcurkate Siriạ Prodes reakʼ Tur nagrahate senkate jahaj khonle pheḍena. Onḍege aleakʼ jahaj reakʼ bojha do pheḍ reakʼ katha tahẽkantalea.

Aposkạmi 18:18

Pạul do ḍher din Korinthreye khemaoketʼ khan biswạsi boehako ṭhen khon bidạye hataokeda ar Akuilạ ar Priskillạ sãote jahajte Siriạ disạme hecʼena. Pạul do mitʼṭecʼe goṭa dohoakatʼ tahẽkante mohnḍakʼ lahare Kenkhreare uni doe hoyo munḍrạyena.

Mathae 4:24

Uniakʼ katha do Siriạ disạm reakʼ sanam jaegakore pasnao idiyena. Ar hoṛko do ạḍi lekan rog bighinte sasetokʼkanko, bhut capaṛ akatʼko, mirgi ar mitʼ kaṛ gocʼ rogteko jạbun akanko Jisu ṭhenko ạguketʼkoa. Ar uni do onko sanamkoe bogeketʼkoa.