Ephesiko lạgitʼ Pạul Apostolakʼ ciṭhi 6:12 - Santali Common Language New Testament

¹² Aboakʼ noa lạṛhại do jãhãe manwa birudre do baṅkana, bickom ona do ńut rajosṭi reakʼ joto lekan cakʼlaoko ar ektiạrianko birudre, ńut dhạrtiren daṛean jiuko birudre, ar coṭren joto bạṛicʼ jiuko birudre.

সান্তালী বাইবেল

¹² Aboakʼ noa lạṛhại do jãhãe manwa upạrte do baṅkana, bickom ona do ńut rajosṭi reakʼ joto lekan cakʼlaoko ar ektiạrianko upạrte, ńut dhạrtiren daṛean jiuko upạrte, ar coṭren joto bạṛicʼ jiuko upạrte.

Ephesiko lạgitʼ Pạul Apostolakʼ ciṭhi 6:12 Referans Kwoze

Kolossiko lạgitʼ Pạul Apostolakʼ ciṭhi 1:13

Ente uni do ńut reakʼ rajosṭi khone bańcaoketʼbonte acʼren dulạṛiạ Hoponakʼ rajosṭiteye ucạṛ ạguketʼbona.

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.

Ephesiko lạgitʼ Pạul Apostolakʼ ciṭhi 2:2

Dhạrti reakʼ cạli leka ape hõ pạhil do bebatao ar kạirepe dãṛãnkan tahẽkana. Ar okoe jiu do hoe reakʼ etkiạriren rajkan uni bạṛicʼ jiuge Isorren bebatao hoṛko talareye kạmikana, ar ape do uni jiugepe pańjayedekan tahẽkana.

Kolossiko lạgitʼ Pạul Apostolakʼ ciṭhi 2:15

Uni do sanam bạṛicʼ rajosṭiko ar ektiạriankoakʼ daṛeye cabaketʼa. Nonkate uni do Mạsiakʼ krus hotete onko cetanreye jitạuena ar jotoko samaṅre onkoe bemanot ocoketʼkoa.

Ephesiko lạgitʼ Pạul Apostolakʼ ciṭhi 1:21

Uni do serma reakʼakʼ sanam lekan ektiạri, daṛe ar mạlikiko Mạsi gobolreye dohokeda. Ar mitʼke mitʼ ńutum cetanre baṅ do nahakʼ jugre baṅ do darakan jugre, ona sanam cetanre Mạsiakʼ ńutume dohokeda.

Romiko lạgitʼ Pạul Apostolakʼ ciṭhi 8:38

Iń do noa katha bes okocʼtegeń baḍaea, moron se jion, serma goḍet se Soetanren goḍet, menakʼakʼko se darakanakʼko se eṭakʼ jãhãn daṛeko,

Ephesiko lạgitʼ Pạul Apostolakʼ ciṭhi 3:10

Uni doe onkaleda jemon Mạsiakʼ manḍer hotete sermaren sanam cakʼlaoko ar ektiạrianko ṭhen aema lekate sodor akan Isorakʼ akel ńitokʼ sodorokʼ.

Ephesiko lạgitʼ Pạul Apostolakʼ ciṭhi 1:3

Aboren Probhu Jisu Mạsiren Baba ar Isorakʼ sarhao hoyokʼtae ma. Abo do Mạsi tulucʼ bon kolom mitʼ akante Isor do serma reakʼ mitʼke mitʼ jiuanakʼ bhore dan akatʼbona.

1 Korinthiko 15:50

E boehako, okań menetʼkan ona do noage, manwa do acʼakʼ jel ar mãyãmte Isorakʼ raj bae ạidạri daṛeakʼa; ar oka seakʼ ona do nonkanakʼ reakʼ ạidạri bae hoedaṛeakʼa one okaṭakʼ baṅ seakʼ.

1 Patras 3:22

Jisu do sermateye calao akana ar ńitokʼ Isorakʼ jojomsa aṛere menaea, ar sermaren goḍetko, ar ektiạrianko ar daṛeanko do uniakʼ gobolre menakʼkoa.

Ibriko 12:1

Enḍekhan ńelokʼ kana, Isorre biswạs reakʼ goha lekate aema hoṛ do abo beṛhaeteko ṭhạurạ akana. Onate dela bon, mitʼke mitʼ tạkicʼakʼ ar oka kại abore laṭkao akan ona do sạṅgiń secʼ bon ṭhelao giḍikakʼte sombhuri salakʼ laha secʼ bon ńir calakʼma.

Johan 14:30

Iń do ape tulucʼ ar ḍher ghạṛicʼ bạń galmaraoa, ente noa dhạrtiren raje hijukʼkana. Ińre uniakʼ jãhãn ektiạri do bạnukʼtaea.

Johan 12:31

Noa dhạrtiren hoṛkoakʼ bicạr reakʼ okte do seṭer akana, ar dhạrtiren rajakʼ ti khon ńitokʼ do recʼ ocokʼa.

Johan 16:11

Bicạr reaṅ hõ cehaonae emokʼa, ente dhạrtiren rajakʼ bicạr do hoeakana.

Luk 22:53

Iń do mundilre dinke din ape samaṅreń tahẽkana, menkhan unre ma bacope sapʼlediń. Menkhan ńitokʼ do apeakʼ okte kangea; ar ńut reakʼ ektiạri hõ ńelokʼ kana.”

Luk 13:24

“Sakṛa duạrte bolokʼ lạgitʼ lạgiạ paṛaokʼpe. Ińiń metapekana, ḍher hoṛge bolokʼ lạgitʼko kurumuṭuya, menkhan bako bolo daṛeakʼa.

2Timothi 2:5

Onkage haparaokʼ enecʼre seletʼkate jãhãege niạm lekate bae enecʼ khan uni do jid ṭupri bae ńama.

Mathae 16:17

Jisui roṛ ruạṛadea, “Jona hopon Simon, am dom bhạgangea, ente okoe manwa hõ am ṭhen noa do bae sodorakada; menkhan ińren sermaren Babageye sodor akatʼmea.

Ibriko 12:4

Kại birudre lạṛhại lạṛhạite mãyãm jorokʼ hạbicʼ okte do apere ńithõ baṅ hoeakana.

Galathiko lạgitʼ Pạul Apostolakʼ ciṭhi 1:16

Jemon boṅgan hoṛ jạtrenko ṭhen Mạsi reaṅ bhage sombatiń porcar, onate Isor do acʼakʼ monejoṅ leka acʼren Hopon iń ṭhene sodorkedere okoe tulucʼ hõ bạń solhawana.

Mark 4:19

menkhan gharońj reakʼ dạndi, ar dhon reakʼ mãyã ar emanteakʼ laloc hecʼakokante onko do onako ten loṭomkakʼ kana;

2 Korinthiko 11:14

Noate hahaṛakʼ reakʼ cetʼge bạnukʼa, ente Soetan hõ marsalre do serma goḍet leka udugokʼ lạgitʼ apnartetʼe bodolokʼ kana.