Ephesiko lạgitʼ Pạul Apostolakʼ ciṭhi 5:5 - Santali Common Language New Testament

⁵ Khạṭigepe baḍaea, okoeko laṭghaṭetʼkan, okoeko bin napaege ar okoekoko lalociạkokan, metakʼme okoe do boṅga sewakoko ńumogokʼkan onko do Mạsi ar Isorakʼ rajre jãhãn ạidạri bạnukʼtakoa.

সান্তালী বাইবেল

⁵ Khạṭigepe baḍaea, okoeko laṭghaṭetʼkan, okoeko bin napaege ar okoekoko lalociạkokan, metakʼme okoe do boṅga sewakoko ńumogokʼkan onko do Mạsi ar Isorakʼ rajre jãhãn ạidạrige bạnukʼtakoa.

Ephesiko lạgitʼ Pạul Apostolakʼ ciṭhi 5:5 Referans Kwoze

Galathiko lạgitʼ Pạul Apostolakʼ ciṭhi 5:21

bhinạ bhini, dola duli, hiskạ, ńu bulokʼ, rij roṅ, arhõ onkanakʼko. Iń do cetʼ leka noa lahareń sontorletʼpe ńitokʼ hõ onkageń metapekana, ar nonka kạmikanko do Isorakʼ raj baṅgeko ạidạri joṅa.

Johan sodor 22:15

Setako lekan bạṛicʼ hoṛko, jạdu udukʼko, laṭghaṭko, khũniạhiko, murhutʼ sewako, eṛeakʼ dulạṛko ar eṛeakʼ kạmiko, onko sanamkoge bahrereko tahena.

Kolossiko lạgitʼ Pạul Apostolakʼ ciṭhi 3:5

Onate apeakʼ jel reakʼ sana oka menakʼ ona marao giḍikakʼpe. Ente onare joto lekan loṭghuṭi, bin napaeakʼ, bạṛicʼ sana, bạṛicʼakʼ reakʼ laloc ar dhon reakʼ laloc menakʼa, one oka do boṅga sewakan.

Ephesiko lạgitʼ Pạul Apostolakʼ ciṭhi 5:3

Jãhãlekan loṭghuṭi, bin napaeakʼ se laloc reakʼ kathako ape talare jemon alo ańjomokʼ, ente noako katha do Isorren hoṛkoakʼ baṅ sajaokʼa.

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sewako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

Galathiko lạgitʼ Pạul Apostolakʼ ciṭhi 5:19

Jel reakʼ kạmiko do pusṭạutege ńel ńamokʼ kana. Onako do hoyokʼ kana, laṭghaṭ, bin napae, lucạ lamoṭ,

Ibriko 13:4

Sanamkoge bapla do manot salakʼko beṅgetʼakʼma. Jãwãe ar bạhu talare bapla tonol do sonot dohoe lek kana, ente jãhãlekan laṭghaṭge, ar jãhãe ona dusireko dusige khan Isor do onkoe sạjạikogea.

1Timothi 6:10

Ente sanam lekan bạṛicʼakʼ reakʼ rehetʼ do ṭaka-poesa bạ̃ṛti dulạṛ khonge. Ḍher hoṛge ona reakʼ lalocte Mạsiakʼ dhorom pạtiạu khonko ocokʼ akante apnarre ạḍi okocʼ dukteko sobokʼ tapʼakana.

1Timothi 6:17

Noa puriren kisạ̃ṛko hukumakome jemon onko do aloko usul monokʼ ar nasaokʼ dhonre aloko bhorsakʼma, menkhan Isorrege bhorsa akaeko tahenma. Unige mạṅgnite jotowakʼe kulạu anṭao abon kana rạskạte beohar joṅ lạgitʼ.

Aposkạmi 8:21

Ạlińakʼ noa kạmire amakʼ bakhra se ạidạri do bạnukʼtama, ente Isor samaṅre amakʼ ontor do baṅ sojhetama.

Aposkạmi 20:32

‘‘Menkhan ńitokʼ do Isor ar uniakʼ kathareń jimạkape kana. Isorakʼ katha do uniakʼ daya reaṅe roṛa, ar apeko benao rakapʼpe reakʼ daṛe hõ ona katharege menakʼa. Ona chaḍa Isor do acʼren hoṛko lạgitʼ okae dohoakatʼ ona katha do apeko hõe em daṛeapea.

Kolossiko lạgitʼ Pạul Apostolakʼ ciṭhi 1:13

Ente uni do ńut reakʼ rajosṭi khone bańcaoketʼbonte acʼren dulạṛiạ Hoponakʼ rajosṭiteye ucạṛ ạguketʼbona.