Ephesiko lạgitʼ Pạul Apostolakʼ ciṭhi 5:3 - Santali Common Language New Testament

³ Jãhãlekan loṭghuṭi, bin napaeakʼ se laloc reakʼ kathako ape talare jemon alo ańjomokʼ, ente noako katha do Isorren hoṛkoakʼ baṅ sajaokʼa.

সান্তালী বাইবেল

³ Sanam lekan loṭghuṭi, bin napaeakʼ se laloc reakʼ kathako ape talare jemon alo ańjomokʼ, ente noako katha Isorren hoṛkoakʼ do baṅ sajaokʼa.

Ephesiko lạgitʼ Pạul Apostolakʼ ciṭhi 5:3 Referans Kwoze

Kolossiko lạgitʼ Pạul Apostolakʼ ciṭhi 3:5

Onate apeakʼ jel reakʼ sana oka menakʼ ona marao giḍikakʼpe. Ente onare joto lekan loṭghuṭi, bin napaeakʼ, bạṛicʼ sana, bạṛicʼakʼ reakʼ laloc ar dhon reakʼ laloc menakʼa, one oka do boṅga sewakan.

Ephesiko lạgitʼ Pạul Apostolakʼ ciṭhi 5:5

Khạṭigepe baḍaea, okoeko laṭghaṭetʼkan, okoeko bin napaege ar okoekoko lalociạkokan, metakʼme okoe do boṅga sewakoko ńumogokʼkan onko do Mạsi ar Isorakʼ rajre jãhãn ạidạri bạnukʼtakoa.

1 Thessalonikikko 4:3

Isorakʼ monejoṅakʼ do noage, jemon sonotkope hoyokʼ, metakʼme sanam lekan loṭghuṭi khon sahaṛ akae tahenpe,

1 Korinthiko 6:18

Sanam lekan loṭghuṭi khon ńir joṅpe. Ente manwa okakoe kạiyetʼkan ona do acʼakʼ hoṛmo bahrereye onkayeda; menkhan okoeye loṭghuṭiyetʼkan uni do acʼakʼ hoṛmo birudregeye kạiyeda.

1 Thessalonikikko 4:7

ente Isor do be sapha lekate calakʼ lạgitʼ do baṅ, menkhan sonot lekate senokʼ lạgitʼgeye hohoakatʼ bona.

1 Korinthiko 6:13

Ar noa katha hõ roṛakana, “Jomakʼ do lacʼ lạgitʼ, ar lacʼ do jomakʼ lạgitʼge.” Menkhan mitʼ din Isor do noakin banargeye maraoa. Hoṛmo hõ loṭghuṭi lạgitʼ do baṅkana bickom ona do Probhu lạgitʼge ar Probhu do hoṛmo lạgitʼge.

Ephesiko lạgitʼ Pạul Apostolakʼ ciṭhi 5:12

ente manwakoakʼ oko danaṅre kạmi akatʼ reakʼ noako katha roroṛ hõ lajao paṛaoakʼ kana.

Mathae 15:19

Ente ontor khonge bạṛicʼ cintạ, khũn, laṭghaṭ, kombṛo, eṛe goha, ar opomanko do oḍok hijukʼa.

Johan sodor 2:21

Loṭghuṭi khon mon ạcurtae lạgitʼ iń do ạtiń emade tahẽkana, menkhan uni do mon bae ạcurletʼtaea.

1 Korinthiko 10:8

Onko modre ḍher hoṛgeko laṭghaṭletʼte mitʼ dinre bargel pe hajar hoṛko gocʼlena. Abo do onka alo bon loṭghuṭiyma.

Johan sodor 22:15

Setako lekan bạṛicʼ hoṛko, jạdu udukʼko, laṭghaṭko, khũniạhiko, murhutʼ sewako, eṛeakʼ dulạṛko ar eṛeakʼ kạmiko, onko sanamkoge bahrereko tahena.

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sewako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

Johan sodor 2:14

Menkhan enhõ am birudre ińakʼ roṛ reakʼ thoṛa menakʼtińạ. Onḍe am ṭhen nonkan hoṛko menakʼkoa okoe do Balamakʼ sikhnạt lekateko calakʼkan. Balak raj do Balame cetʼade tahẽkana jemon uni do boṅga samaṅakʼkoe jom ocoko ar laṭghaṭ kạmikote Israelko kại secʼe idiko.

1 Korinthiko 5:1

Ańjomokʼ kana, ape talare loṭghuṭi hoyokʼ kana, ar ona loṭghuṭi do nunạkʼ hirkhạge je, boṅgan hoṛ jạtrenko talare hõ onkanakʼ do bạnukʼanaṅ. Ente mitʼṭen hoṛ do kạki eṅgattetʼ acʼren bạhu menteye dohoakadea.

Johan sodor 9:21

Ona chaḍa khũn, jạdu, laṭghaṭ ar kombṛo, noako khon hõ mon bako ạcurleda.

2 Patras 2:3

Lalocte eṛeteakʼ katha menkate akoakʼ porho lạgitʼ onko do kạmireko lagaopea. Onkoakʼ sạjại do ḍher din khonge jhulạu akana, ar onkoakʼ nosṭokʼ do bae duṛupʼ thirakana.

Ibriko 12:16

Ńelpe, okoe hõ jemon Esau leka bedhoromicʼ aloe hoyokʼ se Isor bebhoktiyicʼ aloe hoyokʼ ma. Esau do mitʼ sańj jomakʼ lạgitʼ pạhil janam hoke ạkhrińletʼtaea.

2 Korinthiko 12:21

Iń doń botorokʼ kana, pase ape ṭhen arhõń senlenre ińren Isor do ape samaṅreye lajao ocoyiń, ar okoeko lahateko kạiletʼ tahẽkan onko do pase loṭghuṭi, lucạ lamoṭ bin napaeakʼ khon mon bako ạcurakatʼtako, ar onko ḍherko iạte iń do dukiń ńama.

Titus lạgitʼ Pạul Apostolakʼ ciṭhi 2:3

Onkage buḍhikohõ Isor bhoktikoko hoyokʼma ar bhage sikhnạtkoko emokʼma. Ente eṭakʼko oktawako ar ńu bulokʼ do lek baṅkan takoa.

2Timothi 3:2

Manwa do eken apnargeko dulạṛokʼa, onko do ṭaka-poesako dulạṛa, usul monan ar nindạukoko hoyokʼa, durnamko gahaoa, ar eṅga apa bebataokoko hoyokʼa. Onko do bebatao ar bebhoktikoko hoyokʼa,

Aposkạmi 15:20

Bickom onko ṭhen noa katha bon olma, jemon boṅga tulucʼ jopoṛao sanamakʼ ar joto lekan loṭghuṭi khon sahaṛ akanko tahen, ar limbạtʼ gocʼ janwarakʼ jel ar mãyãm jemon aloko jom.

2 Patras 2:14

Onkoakʼ mẽtʼ do loṭghuṭite perecʼgea ar tisge kạkại do bako bạgiya. Onko do dhoromre nijor monanko lalocko udukʼakote bhul horteko idikoa. Onkoakʼ ontor do eken lalocgeye cetʼakada. Onkore sarap menakʼa. Onko do sojhe hor bạgikate bhul hor secʼko ghańjeṛ akana.

2 Patras 2:10

Ona chaḍa okoe Isor bhoktikoko baṅkan, asokaete okoe do akoakʼ sanalekako calakʼkan ar ḍanṭao bako moneakʼkan, onko sạjạiko lạgitʼ uni do bicạr din hạbicʼ dohoko hõe baḍaegea. Noko eṛe cecetʼko do ạḍi dilanko kanako. Onko do akoakʼ kusi sana lekako calakʼa ar ṭhonokanko birudre bemanot katha roroṛ hõ bako botorokʼa.

1 Patras 5:2

Ape talare menakʼ Isorakʼ palren gupiko hoyokʼpe. Ńel todarotkope hoyokʼkante onkope ńelkoa ona do baṅ, bickom apnarakʼ monejoṅ lekatege gupikope, ente Isor do ape ṭhen onageye khojkana. Porho ńam lạgitʼ do alope kạmiya, menkhan gagoj monte kạmipe;

Titus lạgitʼ Pạul Apostolakʼ ciṭhi 1:11

Noko hoṛkoakʼ moca do tubetʼkatako jạruṛa, ente lab joṅ lạgitʼ baṅ ganokʼakʼko cetʼako kana; ar nonkate onko do gharońjkoko ạulạueda.

Titus lạgitʼ Pạul Apostolakʼ ciṭhi 1:7

Isor ṭhen khon dạyike ńamakatʼ manḍer ạyuricʼ lekate nonka hoyokʼ jạruṛtaea jemon uni do okoe hõ aloko neṅghaoe. Uni do ḍiṭhạ̃uicʼ do alo, edre godokʼicʼ hõ alo, ńu bulokʼicʼ hõ alo, dalalicʼ hõ alo, lalocikʼ hõ aloe hoyokʼma.

1Timothi 3:3

Uni do ńu bulokʼicʼ ar dadalicʼ aloe hoyokʼma, jhogṛayicʼ ar ṭaka-poesa lalocicʼ hõ alo, bickom mạ̃hiranicʼe hoyokʼma.

1Timothi 2:10

Ona bodol bhage kạmikoteko sajaokʼma. Okoe maejiu apnar do Isor bhokti kanako menteko monejoṅkan onko maejiu lạgitʼ do onka hoyokʼge lek kana.

Philipiko lạgitʼ Pạul apostolakʼ ciṭhi 1:27

Joto khon maraṅ katha do hoyokʼ kana, ape do nonka leka jion khemaope one okaṭakʼte Mạsi reaṅ bhage sombat reakʼ lek kan. Enḍekhan iń apnarte hecʼkateń ńelpe se sạṅgiń khon apeakʼ kathań ańjom, ar iń baḍae baṅma, ape do mitʼ Jiurepe teṅgo ṭak akana mente ar bhage sombat hotete okaṭakʼ biswạs hijukʼkan ona lạgitʼ mitʼtepe khaṭaokʼ kana.

Romiko lạgitʼ Pạul Apostolakʼ ciṭhi 16:2

Ar cetʼleka Isorren hoṛko ataṅ daram lek kan onkage Probhu ńutumte ataṅepe. Ape ṭhen jãhãn goṛoye khoj khan goṛoaepe, ente uni do aema hoṛe goṛo akatʼkoa ar iń hõe goṛowạdiń tahẽkana.

Romiko lạgitʼ Pạul Apostolakʼ ciṭhi 6:13

Hoṛmo reakʼ oka hạṭiń hõ behokakʼ kạmi reakʼ hạtiạr lekate kại reakʼ tire alope jimạkakʼa. Gocʼko khon jiwetʼ akan hoṛko lekate ape do Isor ṭhen gobolokʼpe ar dhorom kạmi reakʼ hạtiạr lekate apeakʼ goṭa hoṛmoge Isor emaepe.

Romiko lạgitʼ Pạul Apostolakʼ ciṭhi 1:29

Jotolekan bedhorom, dusṭạmi, laloc, nicạṛakʼ, hiskạ, khũn, kạphạriạu, eṛe ar eṭakʼkoakʼ loksan tako reakʼ sanateko perecʼ akana. Onko do eṭakʼ hoṛ reaṅko cuglia,

Aposkạmi 20:33

Jãhãekoakʼ sona, rupạ se kicricʼ khạnḍwạkʼ cetanre iń do bạń lalocakana.

Luk 16:14

Ado noako katha ańjomkate Phạrusiko do Jisu siṛogaeko ehopʼena, ente onko do ṭaka-poesage bạ̃ṛtiko dulạṛetʼ tahẽkana.

1Timothi 6:10

Ente sanam lekan bạṛicʼakʼ reakʼ rehetʼ do ṭaka-poesa bạ̃ṛti dulạṛ khonge. Ḍher hoṛge ona reakʼ lalocte Mạsiakʼ dhorom pạtiạu khonko ocokʼ akante apnarre ạḍi okocʼ dukteko sobokʼ tapʼakana.

Luk 12:15

Ona tayom Jisu do gadel hoṛkoe metatʼkoa, “Men cehaokʼpe! Ar sanam lekan lob-laloc khon sontor akae tahenpe, ente manwakoakʼ jionre ḍher sompotti tahen do sanam khon jạruṛteakʼ do baṅkana.”