Ephesiko lạgitʼ Pạul Apostolakʼ ciṭhi 4:15 - Santali Common Language New Testament

¹⁵ Bickom dulạṛ monte Mạsi reaṅ sạri kathako bon roṛma ar sanamakʼre hara burukʼte Mạsi leka bon hoyokʼma. Uni kangeae hoṛmo reakʼ matha do.

সান্তালী বাইবেল

¹⁵ Bickom dulạṛ monte Mạsi reaṅ sạri katha bon roṛma ar sanamakʼre hara burukʼte Mạsi leka bon hoyokʼma. Uni kangeae hoṛmo reakʼ matha do.

Ephesiko lạgitʼ Pạul Apostolakʼ ciṭhi 4:15 Referans Kwoze

1 Johan 3:18

E gidrạko, abo do eken moca kathate dulạṛ baṅ udukʼkate kạmi hotete sạriakʼ reakʼ dulạṛ bon udugma.

Ephesiko lạgitʼ Pạul Apostolakʼ ciṭhi 4:25

Onate eṛeakʼ do bạgi giḍiyakʼpe ar ape apere sạri kathako roṛpe, ente jotokoge mimitʼko sãote bon jopoṛaogea.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onate biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

2 Patras 3:18

Ape do aboren Probhu ar babańcaoicʼ Jisu Mạsiakʼ daya ar uni reaṅ akelte hara rakabokʼpe. Ńit ar jaejug hạbicʼ uniakʼge ṭhonok hoyokʼtae ma. Amen.

Ephesiko lạgitʼ Pạul Apostolakʼ ciṭhi 2:21

Mạsi tulucʼ kolom mitʼ akante dolan reakʼ goṭa hĩs do mitʼ sãote jopoṛao akante Probhuakʼ tahen lạgitʼ mitʼṭen sonot oṛakʼ benao rakabokʼ kana.

Ephesiko lạgitʼ Pạul Apostolakʼ ciṭhi 1:22

Isor do sanamakʼge Mạsiakʼ jaṅga latarreye dohoakada ar jotowakʼre ektiạriye emakawadea, ar unige manḍerren matha menteye dohokedea.

1 Patras 2:2

Nawa janam bale gidrạ leka apeakʼ jiure hara rakabokʼ lạgitʼ khạṭi toa ńam reakʼ gagojokʼpe, jemon onatepe hara rakabokʼte purạ puri bańcaokʼ secʼpe laha idikʼ.

Romiko lạgitʼ Pạul Apostolakʼ ciṭhi 12:9

Dulạṛre phạsiạra do alo tahenma. Okaṭakʼ bạṛicʼakʼkan ona do hirkhạwakʼpe; ar bhageakʼre jamaṛ akae tahenpe.

Johan 1:47

Jisu do Nathanael acʼ ṭhen hijukʼkane ńelkede khane menkeda, “Hạni ńelepe, mitʼṭen sạri Israel. Uniakʼ monre jãhãn phạsiạratetʼge bạnukʼ anaṅ.”

Ephesiko lạgitʼ Pạul Apostolakʼ ciṭhi 5:23

ente Mạsi do cetʼleka manḍerren mathakane, metakʼme acʼakʼ hoṛmo reakʼ mathakane, onkage herel hõ maejiuren matha kanae. Ona chaḍa noa hoṛmoren babańcaoicʼ do Mạsige.

2 Korinthiko 4:2

Ar hoṛko danaṅre oka lajao paṛaoakʼko kạmikan ona do ekaltege bale kạmikana. Ale do okaṭakʼ kạmirege bale eṛeya, ar Isorakʼ kathare jãhãnakʼ ạuṛiakʼ hõ bale mesaletʼ kana. Bickom Isorakʼ sạriakʼtetʼ sodorkate uni samaṅre sanam hoṛkoakʼ bibek ṭhen ataṅokʼ lek mente apnarle sodorokʼ kana.

2 Korinthiko 8:8

Noań hukumape kana ona do baṅa, menkhan eṭakʼkoakʼ jid reakʼ katha baḍae ocopeteń biḍạu aṭkaretʼpe kana apeakʼ dulạṛ do tinạkʼgan khạṭi tapea mente.

1 Korinthiko 11:3

Iń doń menjoṅ kana jemonpe baḍae baṅma, mitʼ ke mitʼ herelkoren matha do Mạsige, ar maejiuren matha do jãwãetetʼ, ar Mạsiren matha do Isorge.

Ephesiko lạgitʼ Pạul Apostolakʼ ciṭhi 1:4

Isorakʼ mẽtʼãhã samaṅre sonot ar niphuṭko jemon bon hoyokʼ onate Isor do dhạrti ạuriye sirjạurege Mạsi hoteteye bachao akatʼbon tahẽkana. Uni do acʼakʼ dulạṛ ar kusite apnarakʼ monejoṅ leka laharegeye ṭhik dohoakatʼ tahẽkana je, Jisu Mạsi hotete acʼren hoponko lekateye ataṅ bona.