Ephesiko lạgitʼ Pạul Apostolakʼ ciṭhi 4:14 - Santali Common Language New Testament

¹⁴ Bạṛicʼ bulạuakʼte eṭakʼko bhul horte idiko lạgitʼ oka bhul sikhnạtko emakokan, ona bhul sikhnạt iạte abo do hoete sokojokʼkan ḍheoko leka hante nate alo bon sokojokʼma.

সান্তালী বাইবেল

¹⁴ Bạṛicʼ bulạuakʼte eṭakʼko bhul horte idiko lạgitʼ oka bhul sikhnạtko emakokan, ona bhul sikhnạt iạte abo do hoete sokojokʼkan ḍheoko leka hante nate alo bon sokojokʼma.

Ephesiko lạgitʼ Pạul Apostolakʼ ciṭhi 4:14 Referans Kwoze

Ibriko 13:9

Aema lekan nawa nawa cecetʼakʼte bhul horte jemon aloko bulạu idipe. Aboakʼ mon do dãṛẽ samaṅ akatʼ jomakʼre tahẽ baṅkate Isorakʼ dayare jemon kajakte ṭarhao akae tahen. Okoe ona jomakʼreko ṭehãḍokʼkan tahẽkan, onko do ona jomakʼ khon jãhãn porho baṅ hoelentakoa.

1 Korinthiko 14:20

E boehako, bujre gidrạko leka do alope hoyokʼa. Ar bạṛicʼakʼre apeakʼ mon do bale gidrạko leka hoyokʼtape ma, menkhan bujre do sẽṛã hoṛ lekankoge hoyokʼpe.

1 Johan 4:1

E dulạṛiạ gidrạkotiń, joto Jiu do alope pạtiạu akoa, bickom biḍạu aṭkarkope onko do Isor khonko hecʼakana se baṅ, ente dhạrtire aema eṛe nạbikoko oḍok akana.

2 Korinthiko 2:17

Apnarakʼ lab lạgitʼ okoe Isorakʼ kathako bạnijetʼkan onko lekanko dole baṅkana; bickom Mạsi tulucʼle mitʼ akante ale do Isor samaṅre Isorren kol ocoakan hoṛko lekage sạri ontor khon kathale roṛeda.

Jakob 1:6

Menkhan begor digdhạte pạtiạukʼ salakʼ koejoṅ hoyokʼtaea, ente okoeye digdhạkʼ uni do hoete sokojokʼkan jalapuri reakʼ ḍheo lekanae; hoege uni doe ṭhelao idiyea.

Ephesiko lạgitʼ Pạul Apostolakʼ ciṭhi 6:11

Lạṛhại lạgitʼ Isorakʼ sanam saj-bajko horokʼ joṅpe, jemon Soetanakʼ joto lekan phor phundikorepe teṅgo daram daṛeakʼ.

Mathae 24:24

ente aema eṛe Mạsi ar eṛe nạbikoko hijukʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

2Timothi 4:3

Nonkan okteko hijukʼa tinre hoṛko do sạriakʼ reakʼ sikhnạt bako sahaoa, bickom akoakʼ sana purạu lạgitʼ nonkan aema gurukoko ḍạṅjoṅa okoe do onko kusi ocoko leka sikhnạtko emokʼ.

Jihudạwakʼ ciṭhi 1:12

Noko hoṛ do dilkate apeakʼ helmel bhojkoreko seletʼ emanlen khan ona bhojre mạilạ lekako hoyokʼa. Noko do eken ako reaṅakʼgeko dạndikʼa. Noko do hoete oṭaṅ calakʼkan bin dakʼan rimil leka kanako. Jo tiokʼ jokhecʼ bin joanakʼ dare kante rehetʼ sudhạ pạṭupʼ giḍi akatʼ leka noko do banar secʼ tegeko gocʼgea.

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.

Galathiko lạgitʼ Pạul Apostolakʼ ciṭhi 3:1

E bebuj Galatiko, okoeye ahaketʼpea? Ape ma coṅ pusṭạutegeń porcar akatʼpe, Jisu Mạsi doe krus ocolena mente.

Mathae 24:11

Ạḍi utạr eṛe nạbikoko hijukʼa ar aema hoṛko bulạukoa.

1 Johan 2:26

Okoe bạṛicʼ horte idipe lạgitʼko kurumuṭuyetʼkan, onko reaṅ iń do noakoń olatʼpea.

2Timothi 3:13

Menkhan bạṛicʼko ar bhõnḍko do din din artetʼgeko bạṛicʼ idikʼa. Onko do eṭakʼko bhul horteko idikoa ar apnarhõ bhul horteko calakʼa.

2 Korinthiko 4:2

Ar hoṛko danaṅre oka lajao paṛaoakʼko kạmikan ona do ekaltege bale kạmikana. Ale do okaṭakʼ kạmirege bale eṛeya, ar Isorakʼ kathare jãhãnakʼ ạuṛiakʼ hõ bale mesaletʼ kana. Bickom Isorakʼ sạriakʼtetʼ sodorkate uni samaṅre sanam hoṛkoakʼ bibek ṭhen ataṅokʼ lek mente apnarle sodorokʼ kana.

Mathae 11:7

Ado Johanren celakoko ruạṛ calakʼkan tahẽkanre, Jisu do gadel hoṛko Johan reaṅ lạiakoe ehopʼena, “Hahaṅkarte do cetʼ ńeńelpe oḍok senlena? Hoete hilạukʼkan chuchi?

1 Korinthiko 12:2

Baḍaegeape, Isor bape sewawaekan tahẽkanre ape do nonkan muṭhạnko secʼpe ạyur ocokʼkan tahẽkana one okoe doko guṅgạge.

Aposkạmi 23:21

Am do onkoakʼ katha alom senakʼa, ente pongel khon hõ bạ̃ṛti hoṛ Pạul lạgitʼ tãṛãkʼ akan menakʼkoa. Noko hoṛ do Pạul ạuriko goje hạbicʼ cetʼge bako joma menteko kiriyạ akana. Arko sapṛao akana ar am ṭhen khon kathako ńel hohorkana.”

1 Johan 2:19

Mạsiren noko bạiriko do abo tala khonko oḍok akana. Menkhan onko do aboren hoṛ bako tahẽkana. Ente aborengeko tahẽlen khan, enḍekhan abo sãotegeko tahẽkokʼa honaṅ, menkhan onko doko oḍok sen akante bujhạukʼ kana okoe hõ aboren doko baṅkana.

2 Patras 2:18

Onko do ạuṛi sạuṛi ar lạṭu lạtu kathako roṛa ar manwakoakʼ jel reakʼ bạṛicʼ sanako rakapʼ ocoyetʼtakote onko do nonkan hoṛko bhul horteko idiyetʼkoa, okoe do bạṛicʼko talare menakʼko khonko oḍok hijukʼkan.

Jakob 3:4

Arhõ ńelpe, jahaj do maraṅgere hõ ar kajak hoete ṭhelao idikʼkanre hõ calaoicʼ do eken mitʼṭen huḍiń paṭwarte jãhãsecʼge monae ontegeye idi daṛeakʼ kana.

1Timothi 3:6

Manḍerren ạyuricʼ do nawa biswạsi hoṛ hõ alo jemone hoyokʼ, ente nawa biswạsicʼ do bạḍạiteye phulạukʼa ar Soetan reakʼ bicạrreye khańjo botecʼkokʼa.

2Timothi 1:15

Noa dom baḍaegea, Ạsiạ disạmren sanamkoge ińko dea giḍiakadińa. Onko modre Phugelus ar Hermogenes hõ menakʼkinạ.

1 Korinthiko 3:19

ente Isor samaṅre noa dhạrti reakʼ akel do eken lelhawakʼ kana. Sonot sostorre ol menakʼa, “Isor do akelanko akoakʼ seantetʼreye sapʼetʼkoa.”