Ephesiko lạgitʼ Pạul Apostolakʼ ciṭhi 3:19 - Santali Common Language New Testament

¹⁹ Mạsiakʼ dulạṛ do budte oho baḍaelena; enhõ iń doń koejoṅ kana jemon ona dulạṛpe bujhạu daṛeakʼ, ar Isorakʼ goṭa perecʼakʼtepe perejokʼ.

সান্তালী বাইবেল

¹⁹ Mạsiyakʼ dulạṛ do budte oho baḍaelena; enhõ iń doń koejoṅ kana jemon ona dulạṛpe bujhạu daṛeakʼ, ar Isorakʼ goṭa perecʼakʼtepe perejokʼ.

Ephesiko lạgitʼ Pạul Apostolakʼ ciṭhi 3:19 Referans Kwoze

Ephesiko lạgitʼ Pạul Apostolakʼ ciṭhi 1:23

Noa manḍer do Mạsiakʼ hoṛmo kana. Ar okoe sanam secʼ khon jotowakʼe perecʼetʼkan uni Mạsiakʼ perecʼtetʼge hoyokʼ kana noa manḍer do.

Kolossiko lạgitʼ Pạul Apostolakʼ ciṭhi 1:10

Onate boge kạmikote bhage jope jokʼte Isor do arhõ jemon mońjtepe baḍae daṛeae; ar nonkate jotowakʼre Probhupe kusi ocoyete unire lek lekape colon.

2 Korinthiko 5:14

Mạsiakʼ dulạṛge ale doe gobol akatʼlea, ente khạṭigele bujhạuakada je, sanamko lạgitʼ mitʼ hoṛe gocʼena, ar ona iạte sanamkogeko gocʼena.

Johan 1:16

Abo jotokoge uniakʼ ona perecʼakʼ khon daya cetan daya bon ńam akada.

Philipiko lạgitʼ Pạul apostolakʼ ciṭhi 4:7

Ona iạte, Isorakʼ okaṭakʼ suluk reakʼ katha manwa do hudiskate hõ bako bujhạu daṛeakʼkan, ona suluk do Mạsi Jisu hotete apeakʼ mon ar ontore rukhiyạitapea.

Galathiko lạgitʼ Pạul Apostolakʼ ciṭhi 2:20

Iń do Mạsi tulucʼ iń krus ocoakana. Onate jiwetʼ do bạnuńa, menkhan Mạsige ińre jiwetʼ menaea. Ar okaṭakʼ hoṛmote jioniń khemaokan ona do Isorren Hoponre pạtiạu hotetegeń khemaoeda. Uni do ińe dulạṛkedeńte acʼ apnartetʼe emena.

Ephesiko lạgitʼ Pạul Apostolakʼ ciṭhi 5:2

Mạsi cetʼlekae dulạṛaketʼ bon ar abon lạgitʼ Isor ńutumte jut so lạgitʼ samaṅokʼakʼ lekate acʼtetʼgeye emen, ṭhik onkage ape hõ dulạṛ horte taṛampe.

Ephesiko lạgitʼ Pạul Apostolakʼ ciṭhi 3:18

ar Isorren sanam hoṛko sãote ape hõpe bujhạu daṛeakʼ baṅma, Mạsiakʼ dulạṛ reakʼ jãhãn mucạtʼtetʼ, osartetʼ, jeleńtetʼ, usultetʼ, ar khạndritetʼ do bạnukʼa.

2 Patras 3:18

Ape do aboren Probhu ar babańcaoicʼ Jisu Mạsiakʼ daya ar uni reaṅ akelte hara rakabokʼpe. Ńit ar jaejug hạbicʼ uniakʼge ṭhonok hoyokʼtae ma. Amen.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Mathae 5:6

Mon ar ontorte Isorakʼ sanaleka calakʼkogeko bhạgana, ente onkoakʼ monejoṅakʼ do purạukʼtakoa.

Ephesiko lạgitʼ Pạul Apostolakʼ ciṭhi 5:25

E jãwãeko, Mạsi cetʼ leka manḍere dulạṛletʼ ar ona lạgitʼ apnare emen ṭhik onkage ape hõ aperen bạhuko dulạṛkope.

Philipiko lạgitʼ Pạul apostolakʼ ciṭhi 1:7

Ape sanamko lạgitʼ ińakʼ monejoṅakʼ do nonka leka hoyokʼge lek kana, ente ape do ińren dulạṛiạko kanape. Iń do hajotreń tahen se bhage sombatreń roṛ dogokʼre hõ ona reakʼ sạritetʼ iń gohayeda, ar onate ape sanamko iń tulucʼ Isorakʼ dayaren bhạgiạdarkope hoyokʼ kana.

Romiko lạgitʼ Pạul Apostolakʼ ciṭhi 8:35

Nonkanakʼ cetʼ menakʼa one onate Mạsiakʼ dulạṛ khone begar daṛeabon? Saset? Mon reakʼ kosṭo? Santao? Reṅgecʼ? Kicricʼ khạnḍwạkʼ reakʼ okulạn? Muhin? Se gujukʼ?

Romiko lạgitʼ Pạul Apostolakʼ ciṭhi 8:39

se serma cetan se dhạrti latar reakʼ jãhãnakʼ sirjạukʼge okoe hõ Isorakʼ dulạṛ khon ohoko begar daṛelebona. Isorakʼ noa dulạṛ do aboren Probhu Mạsi Jisurege menakʼa.

1 Patras 1:8

Mạsi bape ńṭoṭhadere hõ enhõ ape do unipe dulạṛede kana; ar ńit bape ńel ńamekanre hõ unirepe pạtiạu akana, ar okaṭakʼ rạskạ lạite baṅ sodorokʼ ar okaṭakʼ do serma reakʼ ṭhonokte perecʼge, ona rạskạtepe rạskạkʼ kana;