Ephesiko lạgitʼ Pạul Apostolakʼ ciṭhi 2:19 - Santali Common Language New Testament

¹⁹ Onate bin opromko dope baṅkana, ar bedisiạ hõpe baṅkana; menkhan Isorren hoṛkoakʼ oka ạidạri menakʼ ape hõ onko sãote ona ạidạripe ńam akada ar Isor gharońjrenpe hoeakana.

সান্তালী বাইবেল

¹⁹ Onate bin opromko dope baṅkana, ar bedisiạko hõpe baṅkana; menkhan Isorren hoṛkoakʼ oka ạidạri menakʼ ape hõ onko sãote ona ạidạripe ńam akada ar Isor gharońjrenpe hoyakana.

Ephesiko lạgitʼ Pạul Apostolakʼ ciṭhi 2:19 Referans Kwoze

Philipiko lạgitʼ Pạul apostolakʼ ciṭhi 3:20

Menkhan aboakʼ rajosṭi do sermare; one onḍe khon abo do aboren babańcaoicʼ Probhu Jisu Mạsiakʼ hijukʼ bon ńel hohorkan.

1 Johan 3:1

Ma ńeltabonpe, Isor Baba do tinạkʼe dulạṛetʼ bon kana, uni do acʼren gidrạko menteye hohowabon kana, ar sạrige bon onka kangea. Onate dhạrti do bae baḍae akatʼ bona, ente dhạrti do Isor hõ bae baḍae akadea.

Galathiko lạgitʼ Pạul Apostolakʼ ciṭhi 6:10

Ạt bon ńamle khan sanamko lạgitʼ bhageakʼ bon kạmima, bạ̃ṛtikaete Isorren gharońjren hoṛko bhạlạiko lạgitʼ jemon bon kạmi.

Ephesiko lạgitʼ Pạul Apostolakʼ ciṭhi 2:12

Disạipe, lahate ape do Mạsi khon begargepe tahẽkana; jạt lekate Israelkoakʼ oka ạidạri menakʼ ona ạidạri khon bahrerepe tahẽkana; Isor do Israel jạtko lạgitʼ okae gokʼ dohoakatʼ tahẽkan ona sãote apeakʼ jãhãn bondobos baṅ tahẽkana; ar noa dhạrtire ape do Isor chaḍagepe tahẽkana.

Ephesiko lạgitʼ Pạul Apostolakʼ ciṭhi 3:6

Ar ona okoakʼ monsubạ do hoyokʼ kana, bhage sombat hotete boṅgan hoṛ jạtrenko Jisu Mạsi tulucʼko midokʼte Jihudiko sãote inạ mitʼ ạidạri, mitʼ hoṛmo hạṭińko, ar mitʼ gokʼakʼren bhạgiạdarkoko hoyokʼ.

Ibriko 11:13

Noko hoṛko do pạtiạu talate jion khemao kateko gocʼena. Isor okaṭakʼ emokʼ reakʼe gokʼatʼko tahẽkan ona do bako ńamleda, menkhan sạṅgiń khon onako ńelleda ar kusi hõko kusiyada. Noa dhạrtire bedisiạ ar upriạ lekako tahẽkan ona doko aṅgocletʼgea.

Mathae 10:25

Cela lạgitʼ do niạge ḍhera acʼren guru lekae hoyokʼ ar golam hõ acʼren kisạ̃ṛ leka. Oṛakʼren kisạ̃ṛge Beelsebulko metaekan khan gharońjrenko do tinạkʼ artetʼgeko metakoa.

Ibriko 13:14

ente nonḍe do jaejug hạbicʼ jãhãn nagraha bạnukʼ tabona; menkhan okaṭakʼ nagraha daraekan ona lạgitʼ bon koyokʼ horakada.

1 Patras 2:11

E gateko, noa dhạrtire ape do upriạko kanape ar eṭakʼ disạmre thoṛa dinpe tahẽnkante iń do asokaeteń nehõrape kana, jel reakʼ sana khon sahaṛ akan tahenpe,