Ephesiko lạgitʼ Pạul Apostolakʼ ciṭhi 2:1 - Santali Common Language New Testament

¹ Bebatao ar kại iạte ape do gocʼgepe tahẽkana.

সান্তালী বাইবেল

¹ Bebatao ar kại iạte ape do gocʼgepe tahẽkana.

Ephesiko lạgitʼ Pạul Apostolakʼ ciṭhi 2:1 Referans Kwoze

Kolossiko lạgitʼ Pạul Apostolakʼ ciṭhi 2:13

Kại ar bin khatna iạte ape do gocʼgepe tahẽkana, menkhan Isor do Mạsi sãoteye jiwetʼketʼpea. Uni do aboakʼ joto ghạṭkoe ikạketʼ tabona,

Romiko lạgitʼ Pạul Apostolakʼ ciṭhi 8:2

Jionren mạlik sonot Jiu reakʼ niạmge Jisu Mạsi hotete kại ar gujukʼ reakʼ niạm khone chaḍao akadińạ.

Ephesiko lạgitʼ Pạul Apostolakʼ ciṭhi 4:18

Onkoakʼ mon do ńutre menakʼtakoa. Ar ontor keṭecʼgetakote Isor reaṅ cetʼge bako baḍaekana, ar onate onko do Isorakʼ emakʼ jion khon ạḍi sạńgińre menakʼkoa.

Johan 5:21

Baba do cetʼleka gocʼko jiwi emkateye beretʼetʼko onkage Hopon hõ jãhãerege sanayede unigeye jiwetʼ edekana.

1 Johan 3:14

Abo do boehako bon dulạṛetʼkote, moron khon jionte parom hecʼakana mente bon bujhạu daṛeakʼ kana. Ar okoe bako dulạṛkan onko do gocʼko talareko tahenkana.

Johan 14:6

Jisu do Thomae metadea, “Ińge hortetʼ, sạriakʼtetʼ ar jion. Iń hotete baṅkhan okoe hõ Baba ṭhen ohoko calao daṛelena.

Ephesiko lạgitʼ Pạul Apostolakʼ ciṭhi 5:14

ente marsalge jotowakʼe sodoreda. Onate sonot sostorre olakana, “Ebhenokʼme E jạpitʼ akatʼicʼ, ar gocʼko khon beretʼme; khan Mạsiye marsalama.”

1Timothi 5:6

Menkhan okoe rạnḍi maejiu acʼakʼ kusi leka jione khemaoetʼkan uni do jiwetʼ menaere hõ gocʼicʼ lekae hoeakana.

Johan 5:25

Sạrigeń metapekana, nonkan okte hijukʼ kana, bickom ńitokʼkangea, tinre gocʼko do Isorren Hoponakʼ aṛaṅko ańjoma ar tinạkʼko ańjom onko doko jiwedokʼa.

1 Korinthiko 15:45

Sostorre nonkage olakana, “Pạhil manwa Adam do jiwetʼ jiwiyanicʼe hoyena.” Ar sesicʼ Adam do jiwetʼ Jiugeye hoyena.

Johan 10:10

Kombṛo do eken kombṛo, khũn ar nonosṭo lạgitʼe hijukʼa. Iń doń hecʼakana jemon jionko ńam, ar ona jion jemon sareṛokʼtako.

Johan sodor 3:1

“Sạrdis nagraha reakʼ manḍerren goḍet ṭhen noa katha olme, Isorren eae goṭen Jiu ar eae goṭecʼ ipilko okoeye sapʼ akatʼko uni do noa kathae meneda: iń do amakʼ kạmi reakʼ kathań baḍaegea. Ar jiwetʼ menamte am do ạḍi namḍak menakʼtama, menkhan am dom gocʼgea.

Luk 15:32

Menkhan hesecʼ sekrejokʼ ar rạskạkʼ do lek kan tabona, ente amren nui boeha do gocʼgeye tahẽkana arhõe jiwetʼ akana; atʼgeye tahẽkana arhõe ńam ruạṛ akana.’ ”

Luk 15:24

ente nui ińren hopon do gocʼgeye tahẽkana menkhan arhõe jiwetʼ beretʼ akana; atʼgeye tahẽkana are ńam ruạṛ akana.’ Ona tayom onko do hesecʼ sekrejokʼko ehopʼena.

Mathae 8:22

Jisu do uniye metadea, “Gocʼkoge akoren gocʼko topa ocoakome, menkhan am do iń pańjańme.”

2 Korinthiko 5:14

Mạsiakʼ dulạṛge ale doe gobol akatʼlea, ente khạṭigele bujhạuakada je, sanamko lạgitʼ mitʼ hoṛe gocʼena, ar ona iạte sanamkogeko gocʼena.