Ephesiko lạgitʼ Pạul Apostolakʼ ciṭhi 1:7 - Santali Common Language New Testament

⁷ Isorakʼ bin mucạtʼ dayate Mạsi tulucʼ bon jopoṛao akante uniakʼ mãyãm hotete bon chaḍao ocoakana, metakʼme kại reakʼ ikạ bon ńam akada.

সান্তালী বাইবেল

⁷ Isorakʼ bin mucạtʼ dayate Mạsi tulucʼ bon jopoṛao akante uniyakʼ mãyãm hotete bon chaḍao ocoakana, metakʼme kại reakʼ ikạ bon ńam akada.

Ephesiko lạgitʼ Pạul Apostolakʼ ciṭhi 1:7 Referans Kwoze

1 Patras 2:24

Krus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼ kate Isorakʼ monejoṅ leka senakʼ lạgitʼbon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

Romiko lạgitʼ Pạul Apostolakʼ ciṭhi 3:24

Menkhan Jisu Mạsi do manwa kại khon chaḍaoko reakʼe bondobos akada ar ona chaḍao hotete pạtiạukʼko do daya dan lekate dhorom menteye ataṅetʼkoa.

Kolossiko lạgitʼ Pạul Apostolakʼ ciṭhi 1:14

Hopon tulucʼ bon kolom mitʼakante abo dobon chaḍao ocoakana, metakʼme kại ikạ bon ńam akada.

Ibriko 9:22

Moseakʼ ạn-ạri lekate sanam jiniskoge mãyãmte saphakʼ kana ar begor mãyãm jorote kại do oho ikạlena.

Mathae 26:28

ente noa do bondobos reakʼ ińakʼ mãyãm kana, oka do ạḍi hoṛko ńutumte jorokʼkan kại ikạkʼ lạgitʼ.

Johan sodor 5:9

Onko do noa nawa sereńko sereńetʼkan tahẽkana: “Amge ona puthi hataokate mohor chapako raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsiko, disạmrenko ar jạtko mod khon Isor lạgitʼ hoṛkom kiriń akatʼkoa.

1 Johan 2:12

E gidrạko, Mạsi iạte apeakʼ kại ikạ akante ape ṭheniń oleda.

Philipiko lạgitʼ Pạul apostolakʼ ciṭhi 4:19

ar noate Isor doe kusikʼ kana. Ińren Isor do acʼakʼ ṭhonokte perecʼ dhon lekate Mạsi Jisu hotete apeakʼ joto ṭonṭae cabaetapea.

Ephesiko lạgitʼ Pạul Apostolakʼ ciṭhi 2:7

Uni do noae kạmikeda jemon acʼakʼ bin mucạtʼ daya darakan jugkoreye udukʼ daṛeakʼ. Uni do Mạsi Jisu hotete aboreye dayayente okaṭakʼe kạmiakatʼ onatege uniakʼ noa daya do sodor akana.

1 Korinthiko 1:30

Jisu Mạsi tulucʼpe mitʼakan ona do Isor khonge hoeakana. Jisu Mạsige abo lạgitʼ Isor ṭhen khone emakan akel do; unige aboren dhoromicʼ, sonoticʼ ar chaḍaoicʼ.

Ephesiko lạgitʼ Pạul Apostolakʼ ciṭhi 3:16

Iń doń koejoṅ kana jemon Isorakʼ asambheṛ ṭhonok lekate uni do nonkan daṛeye emape, jemon sonot Jiu hotete apeakʼ ontor daṛeanakʼ hoyokʼ,

2 Korinthiko 8:9

Ape do aboren Probhu Jisu Mạsiakʼ daya dan reakʼ kathape baḍaegea, uni do apnartetʼe kisạ̃ṛgere hõ ape khạtirteye reṅgecʼena, jemon uniakʼ reṅgejokʼ hotete apepe kisạ̃ṛ daṛeakʼ.

Romiko lạgitʼ Pạul Apostolakʼ ciṭhi 2:4

Am do Isorakʼ asambheṛ daya, sahao daṛe ar soborim neṅghaoetʼtaea. Am dom hiṛiń akada, Isorakʼ noa daya do kại khone ạcur ruạṛetʼmea mente.

1 Johan 2:2

Aboakʼ kạiko ocokʼgiḍiy tabon lạgitʼ Mạsi do acʼakʼ jiwi alaekate Isore kusi ocokedea. Eken aboakʼ kại iạte do baṅ, menkhan sanam manwakoakʼ kại ńutumte uni doe onkakeda.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạte saphakote eken acʼrengeko hoyokʼte eṭakʼko bhạlại lạgitʼko ahkaokʼ.

Aposkạmi 2:38

Patrase roṛ ruạṛatʼkoa, “Kại khon mon ạcurtape ar Jisu Mạsi ńutumte bạptisokʼpe. Ar ape do dan lekate sonot Jiupe ńamea.

Mathae 20:28

Manwa Hopon do sapʼsor ocokʼ do bae hecʼakana, bickom sapʼsosor lạgitʼge, ar ạḍi uṭạr hoṛko bodolte chaḍao reakʼ dam menkate acʼakʼ jiwi emokʼgeye hecʼakana.”

1 Johan 4:10

Isor do aboge bon dulạṛ akadea ona do baṅ, menkhan unigeye dulạṛketʼ bonte acʼren Hopone kolkedea, jemon Hopon do acʼakʼ jiwiye alaete aboakʼ kạiko meṭaokate Isore kusi ocoye. Ar noa kangea dulạṛ do.

Aposkạmi 20:28

Ape do apnar lạgitʼ sontor akae tahenpe, ar okoe sonot Jiu biswạsikoren horhoyicʼ lekate ape cetanreye emakan onko lạgitʼ hõ sontor akae tahenpe. Gupiyicʼ do cetʼleka acʼakʼ palren bhiḍikoe ńel todarotetʼko onkage ape hõ Isorakʼ manḍerko ńel todarotpe. Ente Isor do acʼakʼ mãyãmte onako manḍerre kirińakada.

1 Patras 3:18

Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye emakadińạ.

Aposkạmi 10:43

Ar sanam nạbikoge uni reaṅ noa gohako emetʼkana, unire pạtiạukʼ mitʼke mitʼ hoṛ do uniakʼ ńutumte kại reakʼ ikạko ńama.”

Johan 20:23

Ape do jãhãekoakʼ kạipe ikạitako, enḍekhan onkoakʼ do ikạkʼtakoa. Ar jãhãekoakʼpe tahẽ ocoetako khan onkoakʼ do tahẽakan tahentakoa.”

Mark 14:24

Unre Jisui metatʼkoa, “Noa do ińakʼ mãyãm kana, one okaṭakʼ do ạḍi hoṛko lạgitʼ emogokʼkan. Manwako lạgitʼ Isorakʼ nawa bondobos do ińakʼ mãyãm hotetege bahal tahena.

Titus lạgitʼ Pạul Apostolakʼ ciṭhi 3:6

Aboren babańcaoicʼ Jisu Mạsi hotete uni do sonot Jiue danatʼ bona.

1Timothi 2:6

Uni do sanam manwako chaḍaoko reakʼ dam lekate acʼakʼ jiwigeye emena. Isore ṭhik dohoakatʼ oktere ona reaṅ goha do em akana,

Kolossiko lạgitʼ Pạul Apostolakʼ ciṭhi 2:13

Kại ar bin khatna iạte ape do gocʼgepe tahẽkana, menkhan Isor do Mạsi sãoteye jiwetʼketʼpea. Uni do aboakʼ joto ghạṭkoe ikạketʼ tabona,

Kolossiko lạgitʼ Pạul Apostolakʼ ciṭhi 2:2

Ińakʼ monejoṅakʼ do noage jemon onko do ontorre udgạuko ńamte dulạṛreko tol midokʼ, ar Mạsi reaṅko bujhạute oka khạṭitetʼ ńamokʼ ona reaṅ purạ khạṭitetʼ jemon asambheṛko lab joṅ. Ar ona khạtirte Isorakʼ sạri okoakʼko, metakʼme Mạsiko baḍae orom daṛeaea.

Kolossiko lạgitʼ Pạul Apostolakʼ ciṭhi 1:27

Isor doe khojkana, boṅgan hoṛ jạtrenko talare hõ uniakʼ noa sạri okoakʼ reakʼ maraṅ ṭhonok cetʼkana mente, ona jemon acʼren sanam hoṛko baḍae daṛeakʼ. Ona sạriakʼ do noage, Mạsi do apeakʼ ontorre menaete uniakʼ ṭhonok ńam reakʼpe asakana.

Ephesiko lạgitʼ Pạul Apostolakʼ ciṭhi 2:4

Menkhan Isor do mãyãteye perecʼgea; uni do ạḍiye dulạṛetʼ bona.

Romiko lạgitʼ Pạul Apostolakʼ ciṭhi 9:23

Arhõ uni do acʼakʼ bin mucạtʼ ṭhonok reakʼ katha hõ baḍae ocokoe menletʼ tahẽkana. Okoe uniakʼ dayako ńamakatʼ onko do laha khongeye tear akatʼko tahẽkana acʼakʼ ṭhonok ńam lạgitʼ.

Aposkạmi 3:19

Onate kại khon mon ạcurtape ar Isor secʼ ruạṛokʼpe jemon apeakʼ kạiko meṭaokʼtape;

Luk 24:47

Arhõ ol menakʼa, Jerusalem khon ehopʼkate sanam jạtko ṭhen kại ikạkʼ lạgitʼ mon ạcur porcarokʼa.

Luk 1:77

Am do uniren hoṛkom baḍae ocokoa, cetʼ leka aboren Isorakʼ mãyãte kại reakʼ ikạ ńamokʼte kại khon bańcao bon ńama. Uniakʼ mãyãte serma khon mitʼṭen jolokʼkan marsal abo cetanreye pheḍ hijukʼ kana,

Johan sodor 14:4

Noko do onko hoṛ kanako, one okoe do maejiuko tulucʼ bako laṭghaṭ akatʼte saphage menakʼko. Ar jãhã secʼge Bheḍa Hopone calakʼ onko hõ uni tayomteko calakʼa. Isor ar Bheḍa Hopon ṭhen pạhil jo lekate dãṛẽ lạgitʼ hoṛko mod khon onko doko kiriń akan tahẽkana.

Ephesiko lạgitʼ Pạul Apostolakʼ ciṭhi 1:6

Uni doe nonkaleda jemon acʼren dulạṛiạ Hopon hotete begor damte oka mạhimate perecʼ dayae dan akatʼbon uniakʼ sarhao hoyokʼtae.

Mathae 6:12

Ar aleakʼ kạiko ikạ katalem, cetʼ leka ale hõ ale reakʼ kạkại kole ikạ katako kan;

Romiko lạgitʼ Pạul Apostolakʼ ciṭhi 3:25

Isor doe sodorakatʼ tahẽkana je, okoeko pạtiạukʼkan onko lạgitʼ Jisu Mạsi do acʼakʼ mãyãm hotete, metakʼme acʼakʼ jiwiye alaeketʼte uniye kusi ocokedea. Nonkate Isor doe udukʼ akada acʼakʼ sahao gun iạte manwakoakʼ lahateakʼ kại reakʼ sạjại bae emlenre hõ uni doe dhoromgea.

Ephesiko lạgitʼ Pạul Apostolakʼ ciṭhi 1:8

Isor do noa daya acʼakʼ maraṅ bud ar akel salakʼe dan akatʼ bona.

Ephesiko lạgitʼ Pạul Apostolakʼ ciṭhi 1:14

Okoe do Isorren sompottikanko onko do mitʼṭen ạidạri emako lạgitʼe gokʼ akawatʼkoa. Ar tin hạbicʼ purạte chaḍao ạuriko ńam unhạbicʼ ona ạidạriren pạhil hĩs lekate onko do sonot Jiuko em ocoakana. Ar noako hotetege Isorakʼ ṭhonok reakʼ sabasi do sodorokʼa.

Ephesiko lạgitʼ Pạul Apostolakʼ ciṭhi 1:18

Iń do arhõń koeyeda apeakʼ ontor reakʼ mẽtʼ baṛe jhijokʼtape, jemon uniye hohoapere apeakʼ ontorre okape as akan onape bujhạu daṛeakʼ; ar ona sãote noa hõ jemonpe bujhạu daṛeakʼ je, uni ṭhen uniren hoṛko do tinạkʼ maraṅ dhon kanako ar okoeko bon pạtiạu akan aboakʼ ontorre uniakʼ tinạkʼ maraṅ daṛe kạmiye kạmikana mente. Noa do inạ mitʼ maraṅ daṛege,