Kolossiko lạgitʼ Pạul Apostolakʼ ciṭhi 4:2 - Santali Common Language New Testament

² Koejoṅre jamaṛakan ar gun manao johar salakʼ jagwar akae tahenpe;

সান্তালী বাইবেল

² Koejoṅre jamaṛ akan ar gun manao johar salakʼ jagwar akae tahenpe;

Kolossiko lạgitʼ Pạul Apostolakʼ ciṭhi 4:2 Referans Kwoze

Philipiko lạgitʼ Pạul apostolakʼ ciṭhi 4:6

Jãhãnakʼ reakʼge alope dandokʼa, bickom apeakʼ joto arojko do koejoṅ ar nehõrate gunmanao johar salakʼ Isor baḍae ocoyepe.

Ephesiko lạgitʼ Pạul Apostolakʼ ciṭhi 6:18

Sonot Jiu hotete ạyur ocokʼte mon ar ontorte jao ghuṛi koejoṅpe. Onate jagwar akae tahente Isorren sanam hoṛko lạgitʼ mitʼ talao koejoṅre jamaṛ akae tahenpe.

Romiko lạgitʼ Pạul Apostolakʼ ciṭhi 12:12

Apeakʼ okaṭakʼ as menakʼ, ona iạte rạskạkʼpe. Harkhet sasetre soboripe. Koejoṅre jamaṛakan tahenpe.

Mathae 26:41

Jagwar tahenpe ar koejoṅpe jemon biḍạure alope paṛaokʼ. Jiure sana menakʼgea, menkhan hoṛmo do nijorgea.”

Luk 18:1

Ado celako sanam ghạṛicʼko koejoṅ ar alo jemonko as chuṭạukʼ onate Jisu do noa phene lạiatʼkoa: “Mitʼ nagrahare mitʼṭen hạkime tahẽkana.

Luk 21:36

Onate jagwar tahenpe ar koejoṅpe jemon jãhãnakʼge hecʼape onakope parom idite Manwa Hopon samaṅrepe teṅgo daṛeakʼ.”

1 Patras 4:7

Nitokʼ do sanamakʼ reakʼ mucạtʼ okte seṭerakana. Onate apeakʼ mon do kajak akae dohoepe ar apnarte sambṛaokʼpe jemonpe koejoṅ.

Kolossiko lạgitʼ Pạul Apostolakʼ ciṭhi 1:9

Onate ape reaṅ ańjom tayom khonge ạliń do jao ghuṛi ape lạgitʼ liń koejoṅ kana. Jiuteakʼ akel ar bud salakʼ Isorakʼ monejoṅakʼ jemon purạtepe bujhạu daṛeakʼ onate Isor ṭhenliń khojkana.

Mark 13:33

Ape do sontor akan tahenpe, jagwar tahenpe ar koejoṅpe, ente bape baḍaea oktetetʼ do tiskan coṅ.

Kolossiko lạgitʼ Pạul Apostolakʼ ciṭhi 3:17

Jãhãnakʼgepe roṛ ar jãhãnakʼgepe cekae ona do Probhu Jisu ńutumte kạmipe ar uni hotete Isor Baba hõ gunmanao joharaepe.

Kolossiko lạgitʼ Pạul Apostolakʼ ciṭhi 2:7

Mạsire rehedokʼte unire benao rakabokʼpe. Ar cecetʼakʼ ńamkate okape pạtiạu akan onarege kajak akan tahenpe ar jao okte Isor gun manao joharaepe.

Kolossiko lạgitʼ Pạul Apostolakʼ ciṭhi 4:12

Epaphrase hõe joharape kana. Uni do aperen hoṛko modren mitʼ hoṛkanae ar uni do Jisu Mạsiren golamge. Uni do siń sạṭupʼ ape lạgitʼe koeyeda jemonpe sạbit utạrokʼ ar jotowakʼre Isorakʼ mone joṅakʼ baḍaekate khạṭi akanpe teṅgo ṭarhao daṛeakʼ.

Kolossiko lạgitʼ Pạul Apostolakʼ ciṭhi 3:15

Mạsi okaṭakʼ suluke emokʼkan ona sulukge apeakʼ ontorre tahente ape mimitʼkoe ạyurpema. Sulukre tahen lạgitʼge coṅ sanamko mitʼ hoṛmorepe hoho ocoakana. Ar ape do gun manaoko baṛe hoyokʼpe.

Aposkạmi 1:14

Onko jotoge biswạsi maejiuko ar Jisu eṅgat Mạriạm ar uniren boehako tulucʼ mitʼ monte koejoṅre jamaṛ akanko tahẽkana.