Kolossiko lạgitʼ Pạul Apostolakʼ ciṭhi 3:16 - Santali Common Language New Testament

¹⁶ Mạsiakʼ katha apeakʼ ontorre purạte girobas ocoakʼpe. Isorakʼ akelte lại cecetʼ ar sipikhạukʼpe, sereńko, sarhao sereńko ar Jiuteakʼ õṛhẽakʼkote apeakʼ ontorre Isor gun manao tulucʼ sereńaepe.

সান্তালী বাইবেল

¹⁶ Mạsiyakʼ katha apeakʼ ontorre purạte girobas ocowakʼpe. Isorakʼ akelte lại cecetʼ ar sipikhạukʼpe, sereńko, sarhao sereńko ar Jiuteakʼ õṛhẽyakʼkote apeakʼ ontorre Isor gun manao tulucʼ sereńaepe.

Kolossiko lạgitʼ Pạul Apostolakʼ ciṭhi 3:16 Referans Kwoze

Ephesiko lạgitʼ Pạul Apostolakʼ ciṭhi 5:19

ape do sereńko reakʼ sereńte ar sarhao sereńkote ar Jiuteakʼ õṛhẽakʼkote ape apere gapal maraope; ar apeakʼ ontorte Probhu õṛhẽ sereńaepe.

Johan 15:7

Ińrepe tahẽlen khan ar ińakʼ kathako apeakʼ ontorre tahẽnlen khan enḍekhan jãhãnakʼge sanape, onage koepe; ar ona do hoeapea.

Romiko lạgitʼ Pạul Apostolakʼ ciṭhi 10:17

Enḍekhan ńelokʼkana, Isorakʼ katha ańjom iạtege biswạs do hijukʼkana, ar Mạsi reaṅ do porcar talate ańjomokʼ kana.

1 Johan 2:24

Pạhil khon okaṭakʼpe ańjom ạguakatʼ ona apeakʼ ontore tahen khan, enḍekhan ape do Hopon ar Baba tulucʼ jopoṛao akanpe tahena.

Ephesiko lạgitʼ Pạul Apostolakʼ ciṭhi 1:17

Ar koejoṅ jokhecʼ apeakʼ katha do bạń hiṛińeda. Iń doń koejoṅ kana jemon aboren Probhu Jisu Mạsiren Isor, metakʼme uni ṭhonokren Baba do jiu reakʼ akel ar bujhạu lạgitʼ daṛeye danape, jemon uni do arhõ bạ̃ṛtipe baḍae daṛeae.

Jakob 3:17

Menkhan oka akel serma khon hijukʼkan ona do pạhilre khạṭi, ar ona tayom do sulukte perecʼgea; onare sahao daṛe ar mạ̃hirtetʼ tahena; ona do daya ar bhage kạmire perecʼtetʼge, bin digdhạ ar bin phạsiarawakʼge.

2 Johan 1:2

Oka sạriakʼtetʼ aboakʼ ontorre menakʼ ar jaejug hạbicʼ abo tulucʼ tahenkan ona sạriakʼtetʼ iạtege ale do apele dulạṛetʼpea.

2Timothi 3:15

Huḍiń tahen khonge am do sonot sostor khonem cetʼakawana. Ar noa sonot sostorge am do Jisu Mạsire biswạs iạte kại khon bańcao ńam reakʼ bude danama.

Kolossiko lạgitʼ Pạul Apostolakʼ ciṭhi 1:9

Onate ape reaṅ ańjom tayom khonge ạliń do jao ghuṛi ape lạgitʼ liń koejoṅ kana. Jiuteakʼ akel ar bud salakʼ Isorakʼ monejoṅakʼ jemon purạtepe bujhạu daṛeakʼ onate Isor ṭhenliń khojkana.

Johan sodor 5:9

Onko do noa nawa sereńko sereńetʼkan tahẽkana: “Amge ona puthi hataokate mohor chapako raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsiko, disạmrenko ar jạtko mod khon Isor lạgitʼ hoṛkom kiriń akatʼkoa.

1 Johan 2:27

Menkhan ape do Mạsi ṭhen khonpe ojokʼ ocoakana, metakʼme sonot Jiupe ńam akadea. Uni do apeakʼ ontoreye tahena. Onate eṭakʼ okoeakʼ hõ cecetʼakʼ do baṅ jạruṛapea. Sanamakʼ reaṅ sonot Jiugeye cetʼapea. Uni doe sạriyicʼ kana, ar bae eṛea. Onate cetʼleka Mạsire tahene cetʼape onkage Mạsire tahenpe.

Kolossiko lạgitʼ Pạul Apostolakʼ ciṭhi 4:6

Apeakʼ roṛ do siń sạṭupʼ dayateakʼ baṛe hoyokʼma, buluṅte adawakʼ leka, jemonpe baḍae daṛeakʼ okoe okaleka roṛ ruạṛako lektapea mente.

Ephesiko lạgitʼ Pạul Apostolakʼ ciṭhi 5:17

Onateń meneda, ape do bebujko alope hoyokʼa, bickom Probhuakʼ sana cetʼ kana mente ona bujhạu joṅpe.

Jakob 5:13

Ape modre cetʼ jãhãe duke jomeda? Uni doe koejoṅ ma. Jãhãe sukre menaea?

Titus lạgitʼ Pạul Apostolakʼ ciṭhi 3:6

Aboren babańcaoicʼ Jisu Mạsi hotete uni do sonot Jiue danatʼ bona.

1 Korinthiko 14:26

E boehako, enḍekhan cetʼ iń mena? Manḍerre mitʼ ṭhenpe jarwakʼre ape modre okoe do sarhaoakʼ sereń menakʼtaea, okoe do cecetʼakʼ menakʼtaea, okoe do Isorakʼ sạritetʼ sodorakʼ menakʼtaea, okoe do eṭakʼ pạrsite cecetʼakʼ menakʼtaea; arhõ okoe do ona reakʼ bhede bhaṅgaoetʼa. Onate jãhãe jãhãnakʼgeye ceka kan, ona jotowakʼ do jemon manḍer benao rakapʼakʼ mente hoyokʼ.

Jakob 1:5

Apeko modre jãhãe akel reakʼ okulan menakʼtae khan uni do Isor ṭhene koejoṅma, ar Isor do onae emaea, ente uni do begor ạṛiste mimitʼko asambheṛe dan akoa.

Kolossiko lạgitʼ Pạul Apostolakʼ ciṭhi 1:28

Ale do uni Mạsi reaṅle porcareda, metakʼme Isorakʼ asambheṛ akel salakʼ mimitʼ hoṛle sontoretʼkoa arle cetʼako kana, jemon Mạsi hotetele purun daṛeako.

Johan sodor 15:3

Onko do Isorren golam Mose ar uni Bheḍa Hoponakʼ noa sereńko sereńetʼ tahẽkana: “Sanam daṛean Probhu Isor, tinạkʼ maraṅ ar hahaṛagea amakʼ kạmiko do! E sanam jạtren raj, tinạkʼ dhorom ar sạriakʼgea amakʼ horko do!

1 Johan 2:14

E gidrạko, apeń olapekana, ente ape do Isor Babape baḍae akadea. E babako, iń do apeń ol ape kana, ente okoe pạhil khon menae unipe baḍae akadea. E juạnko, apeń ol ape kana, ente ape dope daṛeanko kana ar Isorakʼ katha apeakʼ ontorre menakʼa, ar ape do Soetanpe bhagao akadea.

1Timothi 6:17

Noa puriren kisạ̃ṛko hukumakome jemon onko do aloko usul monokʼ ar nasaokʼ dhonre aloko bhorsakʼma, menkhan Isorrege bhorsa akaeko tahenma. Unige mạṅgnite jotowakʼe kulạu anṭao abon kana rạskạte beohar joṅ lạgitʼ.

2 Thessalonikiko 3:15

Menkhan uni do bạiri mente hõ alope hudisea, bickom boeha mente bujhạuaepe.

1 Thessalonikikko 4:18

Ona iạte noako kathate ape apere jiwi raṛejtape.

1 Korinthiko 14:15

Enḍekhan cetʼ cekae jạruṛtińạ? Iń do Jiuteń koejoṅa, ar akelte hõń koejoṅa; ar Jiuteń sereńa ar akelte hõń sereńa.

Mathae 26:30

Ado mitʼṭen sarhao sereńate onko doko oḍokente Jạitun buruteko rakapʼena.

Romiko lạgitʼ Pạul Apostolakʼ ciṭhi 15:14

E ińren boehako, iń do noań pạtiạukʼ kana, apeakʼ ontor do bhageakʼte purun akana, ar joto lekan akeltehõpe perecʼgea, ente ape do mimitʼkope sikhạu paṛhao daṛeako kana.

Luk 2:51

Inạ tayom uni do unkin sãote Nasaret atoteye ruạṛ calaoena ar unkinakʼ tabereye tahẽyena. Menkhan eṅgattetʼ do noako reaṅ monreye rebetʼ dohokada.

Johan sodor 19:10

Unre iń do uni serma goḍetakʼ jaṅga ṭhen ombakʼenteń sewawadea. Menkhan uni doe metadińạ, “Noa do cetʼem cekayeda? Iń do amren são kạmiyạicʼ kạnạń. Isorge sewawaeme. Amren biswạsi boehako, okoe do Jisuakʼ cecetʼakʼko sapʼ dohoakatʼ, iń do onko modren mitʼ hoṛ kạnạń. Jisuakʼ cecetʼakʼge tahẽkana nạbikoakʼ asol katha do.”

Johan sodor 14:3

Ona siṅghạson ar onko ponea jiwiyanko ar onko mukhiyạko samaṅre onko do mitʼṭen nawa sereńko sereńkeda. Menkhan okoe hõ ona sereń do bako cetʼdaṛeada; eken onko mitʼ sae pongel pon hajar hoṛko cetʼdaṛeada okoe do dhạrtiren hoṛko khonko kiriń ocolen.

Ephesiko lạgitʼ Pạul Apostolakʼ ciṭhi 5:26

Mạsiakʼ monsubạ do hoyokʼ kana jemon uni do acʼakʼ kathate dakʼre um saphakate onae sonot jemon acʼge apnar lạgitʼ mitʼṭen ṭhonokanakʼ manḍerre samaṅ daṛeakʼ. Unre manḍerre bin dagan, se joṅgṛaoan se onkan jãhãnakʼge baṅ tahena, bickom ona do sonot ar niphuṭge hoyokʼa.

1 Thessalonikikko 1:8

Eken Makedoniạ ar Akhaea Prodes motorege ape ṭhen khon Probhuakʼ katha pasnao akana ona do baṅ, menkhan Isorre apeakʼ biswạs reakʼ katha hõ sanam jaegarege seṭer akana. Ar noa babotre aleakʼ do mementeakʼ cetʼge jạruṛ bạnukʼtalea,