Kolossiko lạgitʼ Pạul Apostolakʼ ciṭhi 1:18 - Santali Common Language New Testament

¹⁸ Ona chaḍa unige acʼakʼ hoṛmoren, metakʼme manḍerren matha kanae. Unige pạhilicʼ ar unige pạhilre gocʼko khone jiwetʼ beretʼena, jemon unige jotowakʼren maraṅicʼe hoedaṛeakʼ.

সান্তালী বাইবেল

¹⁸ Ona chaḍa unige acʼakʼ hoṛmoren, metakʼme manḍerren matha kanae. Unige pạhilicʼ ar unige pạhilre gocʼko khone jiwetʼ beretʼena, jemon unige jotowakʼren maraṅicʼe hoydaṛeakʼ.

Kolossiko lạgitʼ Pạul Apostolakʼ ciṭhi 1:18 Referans Kwoze

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼlena, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

Aposkạmi 26:23

Ar ona katha do hoyokʼkana, Mạsi do duk jojom hoyokʼtaea ar unige pạhilre gocʼko khone jewetʼ beredokʼte acʼ jạtrenko ar boṅgan hoṛ jạtrenko ṭhen marsalakʼ rajosṭi reaṅ lại jạhir hoyokʼtaea.”

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri iń ṭhen emakana.

1 Korinthiko 11:3

Iń doń menjoṅ kana jemonpe baḍae baṅma, mitʼ ke mitʼ herelkoren matha do Mạsige, ar maejiuren matha do jãwãetetʼ, ar Mạsiren matha do Isorge.

Johan sodor 22:13

Ińge Alpha ar Omega, pạhilicʼ ar sesicʼ, etohopʼ ar mucạtʼicʼ do.

Ephesiko lạgitʼ Pạul Apostolakʼ ciṭhi 5:23

ente Mạsi do cetʼleka manḍerren mathakane, metakʼme acʼakʼ hoṛmo reakʼ mathakane, onkage herel hõ maejiuren matha kanae. Ona chaḍa noa hoṛmoren babańcaoicʼ do Mạsige.

Johan sodor 21:6

Uni do arhõe metadińạ, “Hoyena. Ińge Alpha ar Omega, etohopʼ ar mucạtʼ. Okoe tetaṅedekan uni do jiwetʼ dakʼ reakʼ jharna khon begor damteń ńu ocoyea.

1 Korinthiko 15:25

Isor do tin hạbicʼ Mạsiren sanam bạiriko uniakʼ jaṅga latarre bae dohoko un hạbicʼ Mạsi doe rajokʼa.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu ar uniren Mạsiakʼ hoyena.

Johan sodor 1:18

ar ińkangeạń jaejug jiwetʼicʼ. Iń doń gocʼlena, ar ńelme, jug cetan jug hạbicʼ jiwetʼ minạńa. Iń ṭhen do moron ar patal puri reakʼ choṛan menakʼa.

Johan sodor 1:8

Probhu Isore meneda, “Ińge Alpha ar Omega, one okoe do menae, are tahẽkan are hijukʼkan. Ar iń kangeạń sanam daṛeyicʼ do.

Kolossiko lạgitʼ Pạul Apostolakʼ ciṭhi 1:24

Ape lạgitʼ oka duk sasetiń jometʼkan onate iń doń rạskạkʼ kana. Mạsiakʼ hoṛmo reakʼ, metatʼme manḍerko lạgitʼ uniakʼ oka duk saset ńit hõ sarecʼ menakʼ ona do ińakʼ hoṛmoreń purạueda.

Ephesiko lạgitʼ Pạul Apostolakʼ ciṭhi 1:10

Uni doe niṭ akatʼ tahẽkana je, okte purạulen khan ona monsubạ purạu lạgitʼ serma ar dhạrti reakʼ jotowakʼ mitʼkate Mạsiakʼ ḍanṭao gobolreye ạguya.

Johan 1:27

Unikangea uni hoṛ do, one okoe iń tayomte hijukʼ reakʼ katha tahẽkantae. Iń do uniakʼ panahe reakʼ phitạ raṛaetae lekgeń baṅkana.”

Johan 1:16

Abo jotokoge uniakʼ ona perecʼakʼ khon daya cetan daya bon ńam akada.

Johan 1:1

Etohopʼrege kathatetʼ tahẽkana, ar kathatetʼ do Isor ṭhen tahẽkana ar kathatetʼ do acʼge Isore tahẽkana.

Johan sodor 3:14

‘‘Laodikiạ nagraha reakʼ manḍerren goḍet ṭhen noa ciṭhi do olme, ‘‘Okoe do Amen, ar okoe do pạtiạricʼ are sạri gohakan, ar okoe do Isorakʼ sirjonren etohopʼ, uni do noa kathae meneda: iń do amakʼ kạmiko reakʼ iń baḍaea.

1 Johan 1:1

Okoe pạhil khongeye tahẽkan, ar okoeakʼ moca reakʼ kathale ańjom akatʼ, okoe nij mẽtʼtele ńṭoṭhade, okoe do mońjtele ạri bạndhi akade, okoe do nij titele joṭetʼ akade, ona jion reakʼ kathage nonḍele oleda.

Romiko lạgitʼ Pạul Apostolakʼ ciṭhi 8:29

Isor do okoeko lahareye bachao akatʼko onko do acʼren hopon hoyokʼ lạgitʼ laha khongeye ṭhik doho akatʼko tahẽkana, jemon uni Hopon do ạḍi utạr boehako modre maraṅicʼe hoyokʼ.

Mathae 23:8

“Ape do guru mente alope hoho ocokʼa, ente mitʼṭengeae aperen Guru do, ar ape do jotokogepe boeha kana.

1 Korinthiko 12:27

Ape do Mạsiakʼ hoṛmo kanape, ar mimitʼ hoṛ do ona hoṛmoren hạṭińkoge.

Kolossiko lạgitʼ Pạul Apostolakʼ ciṭhi 2:19

Onko do kajakte mathatetʼ, metakʼme Jisu Mạsi do bako sapʼ dohoyede kana, menkhan ona matha reakʼ ạyurte goṭa hoṛmo do jaṅ ar jel reakʼ tol midokʼkante Isorakʼ sana leka hara idikʼkana.