Aposkạmi 9:13 - Santali Common Language New Testament

¹³ Ananiạse menkeda, “E Probhu, ḍher hoṛkoakʼ moca khon nui hoṛ reaṅ iń ańjomakada, Jerusalemre amren hoṛko ạḍi bạṛicʼe khed akatʼkoa.

সান্তালী বাইবেল

¹³ Ananiạse menkeda, “E Probhu Isor, ḍher hoṛkoakʼ moca khon nui hoṛ reaṅ iń ańjomakada, Jerusalemre amren hoṛko ạḍi bạṛicʼe khed akatʼkoa.

Aposkạmi 9:13 Referans Kwoze

Aposkạmi 8:3

Menkhan Sạul do onako manḍer marao lạgitʼ oṛakʼ oṛakʼ bolokate manḍerren herel ar maejiuko or totʼkate hajotre bhoraokoe ehopʼena.

Aposkạmi 9:1

Ar Sạul do unhõ Probhuren celako gocʼko reakʼ botore udukʼakokan tahẽkana. Uni do Damesek nagraha reakʼ sunạgogkore jimạko lạgitʼ maraṅ naeke ṭhen senkate ciṭhiye koekeda. Ar tinạkʼ hoṛ Jisuakʼ horteko calakʼkan tahẽkan, baṅ do herel hoponko, baṅ do maejiuko, onko sanamko ńamlekore jemon tolkate Jerusalemteye ạgu daṛeako ona reakʼ ektiạri ńam lạgitʼge uni do ona ciṭhiye khojleda.

Romiko lạgitʼ Pạul Apostolakʼ ciṭhi 16:15

Philologus ar Julia, Neresus ar uniren miserat, Olumpas ar onko sãote Isorren okoe hoṛko menakʼko onko sanamko joharakope.

Romiko lạgitʼ Pạul Apostolakʼ ciṭhi 16:2

Ar cetʼleka Isorren hoṛko ataṅ daram lek kan onkage Probhu ńutumte ataṅepe. Ape ṭhen jãhãn goṛoye khoj khan goṛoaepe, ente uni do aema hoṛe goṛo akatʼkoa ar iń hõe goṛowạdiń tahẽkana.

Romiko lạgitʼ Pạul Apostolakʼ ciṭhi 15:31

Koejoṅpe, Jihudiạre okoe do Isorko opomanekan onkoakʼ ti khon jemon rukhiyạń ńam, ar Jerusalemre Isorren hoṛko jemon ińakʼ noa goṛoko ataṅ.

Romiko lạgitʼ Pạul Apostolakʼ ciṭhi 1:7

Rom nagraharen okoeko hoṛ do Isore dulạṛetʼko ar acʼren hoṛ hoyokʼ lạgitʼe hohoakatʼko, onko sanamko ṭhen, metakʼme ape ṭhenge iń do noa ciṭhiń oletʼkana. Aboren Isor Baba ar Probhu Jisu mạsi doe mãyã apema ar suluke dan apema.

Aposkạmi 22:4

Jisuakʼ horte okoeko calakʼkan tahẽkan onko doń santaoetʼko tahẽkana ariń gocʼetʼko tahẽkana ar herel ar maejiuko sapʼ ạgukate hajotreń bhoraoetʼko tahẽkana.

Aposkạmi 9:32

Patras do goṭa ṭạnḍi ạcur ạcurte Luddareko berelakan tahẽkan Isorren hoṛko ṭhene hecʼena.

Mathae 10:16

“Ńelpe, iń do hunḍạrko talare bhiḍiko lekań koletʼpea. Onate biń leka husiạrokʼpe ar parwa leka soṛa hoyokʼpe.

Aposkạmi 9:21

Ar okoe uniakʼ kathako ańjomketʼ onko sanamkoge hahaṛakʼ tulucʼko kulikan tahẽkana, “Nui do cetʼ uni doe baṅkana, one Jerusalemre Jisu ńutumte koejoṅkoe khedetʼko tahẽkan? Ar nonḍehõ okoeko onkayetʼkan onko tolkate maraṅ naekeko ṭhen idiko lạgitʼge cetʼ bae hecʼakana?”

Aposkạmi 9:41

Unre Patras do ti sapʼkate uniye beretʼkedea. Ar Isorren hoṛko ar rạnḍi maejiuko hohoatʼkote onkoe udukʼatʼkoa je, Dorkas doe jiwetʼena.

1 Korinthiko 6:5

Iń do lajao ocope lạgitʼge noa katha doń roṛeda. Ape talare akelan nonkanicʼ cetʼ jãhãe bạnuea, one okoe do apnar boehako talare gulmalkoe bicạr chinḍạu daṛeke?

1 Korinthiko 14:33

Isor do gulmalren Isor doe baṅkana, menkhan sulukren Isorge. Isorren hoṛko sanam manḍerkore cetʼ lekako tahenkan,

1 Korinthiko 16:1

Nitokʼ do Isorren hoṛko goṛowako lạgitʼ canda uṭhạu reaṅ iń metapekana. Galatiạ Paradesh reakʼ manḍerren hoṛko cetʼ lekań hukum akatʼko ape hõ onkaepe baṛe.

Ephesiko lạgitʼ Pạul Apostolakʼ ciṭhi 1:1

Iń Pạul do Isorakʼ sanate Mạsi Jisuren mitʼṭen apostoliń hoeakana. Ephesus nagrahare okoe doko Isorren hoṛkan ar okoe do Jisu Mạsireko pạtiạu akan onko ṭhen noa ciṭhiń oletʼkana.

Philipiko lạgitʼ Pạul apostolakʼ ciṭhi 1:1

Timothi ar iń Pạul do Jisu Mạsiren golam kanaliń. Ạliń do Jisu Mạsi tulucʼ kolom mitʼ akan Isorren okoeko hoṛ do Philipi nagrahare menakʼko onkoren gupiko ar sapʼdapʼko ṭhenliń oleda.

Philipiko lạgitʼ Pạul apostolakʼ ciṭhi 4:22

Isorren sanam hoṛko okoe do nonḍe menakʼko, asokaete Kạisạr oṛakʼren hoṛko do apeko joharape kana.

Ibriko 13:24

Aperen sanam ạyurko ar Isorren sanam hoṛko aboakʼ johar emakope. Itạliạ disạmren Isorren hoṛko do apeko joharape kana.

Jihudạwakʼ ciṭhi 1:3

E dulạṛiạ gateko, kại khon sanamko oka bańcao bon ńamakatʼ ona bańcao reaṅ olape lạgitʼ ạḍi gagoj mon tahẽkantińạ. Menkhan enhõ Mạsi dhorom biswạsre, one okaṭakʼ Isor do acʼren hoṛko jaejug lạgitʼe emakatʼko, ona lạgitʼ mon murukte jemonpe lạṛhại ar ona udgạupe lạgitʼge noa ciṭhi olokʼ reakʼ jạruṛiń bujhạukeda.