Aposkạmi 8:22 - Santali Common Language New Testament

²² Amakʼ dusṭami khon mon ạcurtam ar Probhu ṭhen koejoṅme; enḍekhan amakʼ mon reakʼ noa bạṛicʼ hudis pasere pase uni doe ikại tam.

সান্তালী বাইবেল

²² Amakʼ dusṭami khon mon ạcurtam ar Probhu Isor ṭhen koejoṅme; enḍekhan amakʼ mon reakʼ noa bạṛicʼ hudis pasere pase uni doe ikạiytam.

Aposkạmi 8:22 Referans Kwoze

Ibriko 4:12

Isorakʼ katha do jiwetʼgea ar jojaoakʼ kangea ar dene banar dharanakʼ tarwaṛe khon hõ bạ̃ṛti lasergea. Noa katha do manwa jiwi ar jiu, uṭi ar tumul hạṭiń begar hạbicʼ hõ sobokʼakʼ kana ar manwa ontor reakʼ sanam monejoṅakʼ ar hudisko biḍạu aṭkarakʼ kana.

Romiko lạgitʼ Pạul Apostolakʼ ciṭhi 2:4

Am do Isorakʼ asambheṛ daya, sahao daṛe ar soborim neṅghaoetʼtaea. Am dom hiṛiń akada, Isorakʼ noa daya do kại khone ạcur ruạṛetʼmea mente.

Aposkạmi 17:30

Ente sedaeren hoṛ do bako baḍaekan tahẽkante Isor do noako secʼ bae beṅgetʼletʼa. Menkhan ńitokʼ uni do sanam jaegare joto hoṛge kại khon mon ạcur lạgitʼe hukumako kana,

Aposkạmi 9:11

Probhu do uniye metadea, “Ma beretʼkate sojheko metakʼ kulhite calakʼme. Ar onḍe Jihudạwakʼ oṛakʼre Tạrsus nagraharen Sạul ńutuman mitʼṭen hoṛ khojeme.

Johan sodor 2:21

Loṭghuṭi khon mon ạcurtae lạgitʼ iń do ạtiń emade tahẽkana, menkhan uni do mon bae ạcurletʼtaea.

Aposkạmi 8:20

Unre Patras do uniye metadea, “Amakʼ ṭaka do am sãotege nosṭokʼma, ente am dom hudisetʼkana Isorakʼ dan do ṭakate kirińokʼa.

Aposkạmi 3:19

Onate kại khon mon ạcurtape ar Isor secʼ ruạṛokʼpe jemon apeakʼ kạiko meṭaokʼtape;

Aposkạmi 2:38

Patrase roṛ ruạṛatʼkoa, “Kại khon mon ạcurtape ar Jisu Mạsi ńutumte bạptisokʼpe. Ar ape do dan lekate sonot Jiupe ńamea.