Aposkạmi 6:14 - Santali Common Language New Testament

¹⁴ Ale do noa katha roroṛle ańjomakadea, Nasaretren uni Jisu do noa mundile rạputʼ giḍia ar Mose oka ạn-ạrikoe emakatʼbon onako hõe pheraoa.”

সান্তালী বাইবেল

¹⁴ Ale do noa katha roroṛle ańjomakadea, Nasaretren uni Jisu do noa mundile rạputʼ giḍiya ar Mose oka ạn-ạrikoe emakatʼbon onako hõe pheraoa.”

Aposkạmi 6:14 Referans Kwoze

Aposkạmi 21:21

Onko do khoborko ańjomakada, boṅgan hoṛ jạtrenko talare okoe Jihudiko menakʼko onko do Mose reakʼ ạn-ạri bạgikate senokʼ reakʼ sikhnạtem memako kana, metakʼme am do onkoren gidrạko bam khatna ocoako kana ar Jihudikoakʼ cạli leka senokʼ hom baronetʼkoa. Ńitokʼ ale do cetʼle cekaya?

Aposkạmi 15:1

Jihudạ disạm khon adom hoṛ do Siriạ disạm reakʼ Antiokiạteko hecʼena ar biswạsi boehako noa menkate cetʼakoko ehopʼena, “Moseakʼ ạn-ạri lekate bape khatna ocolen khan kại khon bańcao do ohogepe ńamlea.”

Galathiko lạgitʼ Pạul Apostolakʼ ciṭhi 3:23

Biswạs ạuri hijukʼre abo do ạn-ạrite bon esetʼ ạcur akan tahẽkana ar biswạsiko mente ạuri bon sodorokʼ hạbicʼ bon bond esetʼ ocoakan tahẽkana.

Galathiko lạgitʼ Pạul Apostolakʼ ciṭhi 3:19

Enḍekhan cetʼ lạgitʼ ạn do? Ona do manwae kạiyetʼkante Isorakʼ gokʼakʼ tulucʼ ạne em juṭucʼena. Ar okoe reaṅe gokʼ dohoakatʼ tahẽkan uni Abrahamren bõs ạuriye hijukʼ hạbicʼ bahal tahen lạgitʼge ạn-ạriko do emlena. Serma goḍetko hotete mitʼṭen dene banarrenicʼ hotete noa ạn do bahal tahẽkana.

Aposkạmi 28:17

Pe din tayom Pạul do onḍenko Jihudiko mukhiyạko mitʼ ṭhene hoho jarwaketʼkoa. Adoko jarwayen khan Pạul do onkoe metatʼkoa, “E ińren boehako, iń do abo jạtrenko se hapṛamkoakʼ cạli birudre cetʼge bạń ceka akada, enhõ Jerusalemre sapʼ ocokate Romikoakʼ tireń jimạ ocoakana.

Johan 4:21

Jisu do uniye metadea, “Ańjomme ar ińakʼ kathare pạtiạukʼme, ente nonkan okte hijukʼ kana unre Isor Baba do noa burure hõ baṅ ar Jerusalemre hõ bape sewawaea.

Luk 21:6

“Ape ma noakope ńeletʼkan, menkhan nonkan din hijukʼa, unre dhiri cetan dhiri do baṅ tahena; jotoge rạputʼ giḍi ocokʼa.”

Aposkạmi 26:3

am do Jihudikoakʼ cạliko ar reṭe peṭekʼkan reaṅakʼko bes okocʼtegem baḍae kana. Onate jiwi hataṛkate ińakʼ kathako ańjom lạgitʼ biseskaeteń nehõram kana.

Aposkạmi 25:8

Unre Pạul doe roṛ dokʼenteye menkeda, “Iń do Jihudikoakʼ ạn-ạri se mundil se Rom maharaj birudre jãhãnakʼ bạń behok akada.”

Luk 21:24

Onko do tarwaṛeteko gocʼ ocokʼa ar sanam jạtko talare bondi akan leka chir chạturko tahena. Ar por jạtkoakʼ okte ạuri purạukʼ hạbicʼ Jerusalem do onkoakʼ jaṅgate lebetʼ gańjaokʼa.

Mark 14:58

“Ale do roroṛle ańjomakadea, ‘Iń do manwa benaoakʼ noa mundil iń dhaṅ dhasera ar pe dinte nonkan mitʼṭen mundil iń benaoa okaṭakʼ do manwa tite benaoakʼ baṅkan.’ ”

Mathae 26:61

“Nui hoṛe menakada, Isorakʼ mundil iń dhaṅ dhasera ar pe mãhãte arhõń benao ruạṛa.”

Johan 2:19

Jisui roṛ ruạṛatʼkoa, “Isorakʼ oṛakʼ dhaṅ dhaserpe, ar pe mãhãte ona do arhõń beretʼ ruạṛa.”