Aposkạmi 6:11 - Santali Common Language New Testament

¹¹ Unre onko Jihudiko do hape hapete adom hoṛko noa menkateko uskạuketʼkoa, “Stephan do Mose ar Isor birudre opoman reakʼ katha roroṛle ańjomakadea.”

সান্তালী বাইবেল

¹¹ Unre onko Jihudiko do hape hapete adom hoṛko noa menkateko uskurketʼkoa, “Stephan do Mose ar Isor upạrte henosta reakʼ katha roroṛle ańjomakadea.”

Aposkạmi 6:11 Referans Kwoze

1Timothi 1:13

Lahate Mạsiyiń opomane kan ar khekhedicʼ ar ṭhok hoṛiń tahẽkanre hõ uni do noa kạmireye bahalkedińa. Uni do ińe daya akawạdińa, ente bepạtiạukʼ ar bin baḍae iạte iń do onakoń kạmikan tahẽkana.

Romiko lạgitʼ Pạul Apostolakʼ ciṭhi 3:8

Enḍekhan cetʼ noa katha bon mena, “Dela, bạṛicʼakʼ bon kạmi idima jemon bạṛicʼakʼ hotete bhageakʼ hoyokʼtabon?” Adom adom hoṛko nisṛạuetʼbona je, abo do nonkan kathage bon roṛ baṛayeda. Onko do akoakʼ sạjạiko ńamjoṅa.

Aposkạmi 25:7

Ar okoe Jihudiko Jerusalem khonko hecʼakan tahẽkan onko do Pạul onḍeye hecʼen khan uni beṛhaeteko teṅgo ạcurena ar ạḍi okocʼko dusikedea, menkhan onako reakʼ jãhãn porman do bako em daṛeada.

Aposkạmi 25:3

Onko do Phestus ạḍiko nehõradea jemon onkoreye dayakʼte Jerusalemte Pạule ạgu ocoye. Ona reakʼ karon do noage je, onko do horre tãṛãkʼkate Pạul goje reakʼko soṛojontrokan tahẽkana.

Aposkạmi 21:28

Ar ãṭ aṛaṅte nonka memenko ehopʼena, “E Israelko, dela hijukʼpe. Sanam jaegaren hoṛko ṭhen aboakʼ jạt ar aboakʼ ạn-ạri ar mundil birudre okoe doe cetʼakokan uni hoṛ doe nui kangea. Ona chaḍa mundilre Junạnikoe aderetʼkote uni do noa sonot jaegaye bhõnḍ akada.”

Aposkạmi 18:6

Menkhan Jihudiko do tinre Pạul birudre katha roṛ ar uni opomaneko ehopʼena unre Pạul do onko birudre acʼakʼ kicricʼkoe koṭakeda are metatʼkoa, “Apeakʼ mãyãm do apeakʼ bohokʼrege paṛaokʼma. Noa babotre ińakʼ jãhãn dos do bạnukʼtińạ. Ńit khon iń do boṅgan hoṛ jạtrenko ṭheniń calakʼa.”

Aposkạmi 15:21

Noa hukum emakoge bhagea, ente Mose okae menakatʼ ona do mimitʼ nagrahakore ạḍi laha khonge porcarokʼ kana ar uni okae ol oṭoakatʼ ona do mimitʼ jirạukʼ mãhãre sunạgogkore paṛhao idikʼkana.”

Aposkạmi 6:13

Onko do adom eṛe gohakoko teṅgoketʼkoa. Eṛe gohakoko menkeda, “Nui hoṛ do jaoge mundil birudre ar Moseakʼ ạn-ạri birudre kathae roṛeda.

Johan 16:3

Onko do noa iạtegeko onkaea ente Baba hõ bako baḍaeakadea ar iń hõ bako baḍae akadińạ.

Johan 9:29

Alele baḍaea Isor do Moseye galmaraoade tahẽkana, menkhan uni hoṛ do oka khone hecʼakana ona do bale baḍaea.”

Johan 1:17

Mose hotete ạn-ạriko em hoelena, menkhan daya ar sạritetʼ do Jisu Mạsi hotetege hecʼakana.

Aposkạmi 26:11

Onko sạjạiko lạgitʼ mitʼ sunạgog khon eṭakʼ sunạgog hạbicʼ iń calakʼkan tahẽkana ar Jisu birudre katha roṛ lạgitʼ iń jormoṭetʼko tahẽkana. Onko cetanre nunạkʼ ãṭ raṅgao tahẽkantińạ je, onko khedko lạgitʼ bides reakʼ nagrahako hạbicʼ hõń calakʼkan tahẽkana.

Aposkạmi 6:10

Onko do Stephan sãote reṭepeṭekʼko ehopʼena, menkhan Stephan do sonot Jiu hotete akel salakʼe galmaraoatʼkoa. Onate onko do uni birudre bako teṅgo daṛeada.

Aposkạmi 6:12

Nonkate onko do disạm hoṛko, murubiko ar sostor baḍaekoko ạulạuketʼkoa ar Stephanko sapʼkedete maraṅ bạisi samaṅreko ạgukedea.