Aposkạmi 5:21 - Santali Common Language New Testament

²¹ Onko do ona katha lekage ạḍi setakʼre mundilteko boloyena ar hoṛko lại cetʼkoko ehopʼena. Ar maraṅ naeke ar acʼ sãoten Sạdukiko do maraṅ bạisiko hohokeda, metakʼme Israelren murubiko dolren jotogeko hoho jarwaketʼkoa. Ona tayom apostolko ạguko lạgitʼ adom kạmiạkoko kolketʼkoa.

সান্তালী বাইবেল

²¹ Onko do ona katha lekage ạḍi setakʼre mundilteko boloyena ar hoṛko lại cetʼakoko ehopʼena. Ar maraṅ naeke ar acʼ sãoten Sạdukiko do maraṅ bạisiko hohokeda, metakʼme Israelren murubbiko dolren jotoko hoho jarwaketʼkoa. Ona tayom apostolko ạguko lạgitʼ adom kạmiyạkoko kolketʼkoa.

Aposkạmi 5:21 Referans Kwoze

Johan 8:2

Dosar hilokʼ Jisu do ạḍi setakʼre arhõ mundilteye hecʼen khan sanam hoṛ uni ṭhenko hecʼena. Unre Jisu do duṛupʼkate onko cetʼakoe ehopʼena.

Aposkạmi 22:15

Am do unirenge goham hoyokʼa ar okam ńelakat̕ arem ańjomakatʼ ona do sanam hoṛko ṭhenem lạiya.

Aposkạmi 5:41

Apostolko do Jisu ńutumte bemanot ocokʼ lek kanako menteko bujhạuketʼ khan rạskạte maraṅ bạisi khonko oḍok calaoena.

Aposkạmi 5:34

menkhan Gamaliel ńutuman Phạrusi dolren mitʼṭen hoṛ do maraṅ bạisi talareye teṅgoyena. Uni do mitʼṭen sostor baḍae hoṛe tahẽkana ar sanamkoge uniko manotedekan tahẽkana. Uni do apostolko thoṛa ghạṛicʼ bahrere dohoko lạgitʼe hukumkeda.

Aposkạmi 5:27

Onko do apostolkoko ạguketʼko khan maraṅ bạisi samaṅreko teṅgoketʼkoa. Unre maraṅ naeke do apostolkoe metatʼkoa,

Aposkạmi 5:17

Unre maraṅ naeke ar acʼ sãoten Sạdukiko do ạḍi bạṛicʼko edreyena.

Johan 18:35

Pilạte roṛ ruạṛkeda, “Iń do cetʼ Jihudi kạnạń? Am jạtren hoṛ ar maraṅ naekekoge coṅ iń ṭhenko soprot akatʼme. Am do cetʼem ceka akada?”

Luk 22:66

Ado setakʼen khan Jihudikoren murubiko, maraṅ naekeko ar sostor baḍaekoko jarwa mitʼena ar maraṅ bạisi samaṅre Jisu ạgukedeteko metadea,

Mathae 5:22

Menkhan ińiń metapekana, okoe acʼren boeha cetanreye edrekʼ, uni do bicạrre dạyike hoyokʼa. Ar okoe acʼren boehae metae, ‘Eya orlo’ uni do maraṅ bạisire dạyike hoyokʼa. Okoe acʼ boehae metae, ‘Eya dundhạ’ uni do norok seṅgelre khadle ocokʼ leke hoyokʼa.

Aposkạmi 22:5

Noa katha do sạrikana je, onaren goha do maraṅ naekeko ar maraṅ bạisiren sanamkoge. Iń do onko ṭhen khon Damesek nagraharen dhorom mukhiyạko emako lạgitʼ ciṭhiń hataoleda ar onkan hoṛko tol ạgukate Jerusalemre sạjạiko lạgitʼge onḍeń calakʼkan tahẽkana.