Aposkạmi 5:19 - Santali Common Language New Testament

¹⁹ Menkhan ńindạ jokhecʼ Probhuren mitʼṭen goḍet do hajot reakʼ silpińkoe jhicʼkeda ar bahrete oḍok ạguketʼkoteye metatʼkoa,

সান্তালী বাইবেল

¹⁹ Menkhan ńindạ jokhecʼ Probhu Isorren mitʼṭen goḍet do hajot reakʼ silpińkoe jhicʼkeda ar bahrete oḍok ạguketʼkoteye metatʼkoa,

Aposkạmi 5:19 Referans Kwoze

Aposkạmi 16:26

Unre ackage ạḍi botor dhạrti laṛaoena onate hajot oṛakʼ reakʼ rehetʼko sudhạ dal dalaoena. Ar hajot oṛakʼ reakʼ sanam silpińko jhicʼtʼena ar kạidikoakʼ sikṛiko hõ raṛayena.

Aposkạmi 27:23

Ente ińiń okoeren kan ar okoeyiń sewawaekan uni Isorren mitʼṭen goḍet do ńindạ iń pheḍre teṅgoyenteye metadińạ,

Aposkạmi 8:26

Mitʼ din Probhuren mitʼṭen goḍet do Philipe metadea, “Ma beretʼme, ar dạkhin secʼ calakʼme, one okaṭakʼ hor do Jerusalem khon Gaja nagraha secʼ calao akan ona horte calakʼme.” Ona hor do nisungea.

Mathae 1:20

Ado Joseph noako reakʼ tinreye gunạnokʼkan tahẽkana unre Probhuren mitʼṭen goḍet do kukmũte uni ṭhen ńel ocoyenteye menkeda, “E Dạud bõsren Joseph; Mạriạm baplaye do alom botorokʼa, ente uniakʼ kukhire okoeye janam akan uni do sonot Jiu reakʼ daṛetegeye janam akana. Uniren do mitʼṭen koṛa gidrại hoyokʼtaea.

Luk 1:11

Unre Probhuren mitʼṭen goḍet do ackage hecʼkate dhup pinḍ reakʼ jojomsa aṛere Sakariạ ṭhene ńel ocoyena.

Mathae 1:24

Ado Probhuren goḍet okalekae hukumade tahẽkan, onkage Joshep do jạpitʼ khon beretʼkateye kạmikeda.

Mathae 2:13

Gonok ponḍetkoko calaoen khan Probhuren mitʼṭen goḍet do kukmũte Joseph ṭhen ńel ocoyenteye menkeda, “Ma beretʼme, gidrạ ar eṅgattetʼ sotokʼkinte Misor disạmte dạṛme ar ạuriń metam hạbicʼ onḍege tahenme, ente Herod do gidrạ goje iạteye sendra lạgidokʼ kana.’”

Mathae 2:19

Herode gocʼen khan Probhuren mitʼṭen goḍet do Misor disạmre Joseph ṭhen kukmũte ńel ocoyenteye menkeda,

Mathae 28:2

Unre ackage dhạrti laṛaoena, ente Probhuren mitʼṭen goḍet do serma khone pheḍ hecʼena ar topa duạr khon dhiri ocokʼkate ona cetanreye duṛupʼena.

Luk 2:9

Unre ackage Probhuren mitʼṭen serma goḍet do onko samaṅreye teṅgoyena. Ar uniakʼ ṭhonok do onko beṛhaete bamberena. Onate gupiko do ạḍiko botorena.

Aposkạmi 10:3

Mitʼ din pe baja okte uni do mitʼṭen dorsone ńelkeda. Uni do pusṭạuteye ńelkeda Isorren mitʼṭen goḍet do hecʼkateye metaekana, “E Kornelius.”

Aposkạmi 12:23

Herod do unre Isor bae sarhaoledete Probhuren mitʼṭen goḍet do uniye ńetʼkedea, arko tejokedete uni doe gocʼena.