Aposkạmi 5:11 - Santali Common Language New Testament

¹¹ Unre manḍerrenko ar eṭakʼ okoe do onako ańjomketʼ onko sanam hoṛge ạḍi botor caṛhaoatʼkoa.

সান্তালী বাইবেল

¹¹ Unre manḍerrenko ar eṭakʼ okoe do onako ańjomketʼ onko sanam hoṛge ạḍi botor caṛhaoatʼkoa.

Aposkạmi 5:11 Referans Kwoze

Aposkạmi 5:5

Ananiạs do noa kathae ańjomketʼ torage otre bhindạṛenteye gocʼena. Ar noa ghoṭna reakʼ katha okoeko ańjomketʼ onko sanamkoge ạḍi botor caṛhaoatʼkoa.

Ibriko 4:1

Isorakʼ jirạu joṅ jaegate bolokʼ reakʼ oka gokʼakʼ tahẽkan ona gokʼakʼ do ńit hõ abo lạgitʼ menakʼgea. Onate abo do sontorakae tahen jạruṛ tabona, jemon okoe hõ ona gokʼakʼ reakʼ bhor khon bin lek mente aloe ńamokʼ.

Aposkạmi 19:17

Ado noa khobor Ephesusre girobas akan Jihudi ar Junạnikoko baḍaeketʼ khan sanamkoge ạḍiko botorena ar Probhu Jisuakʼ ńutum do maraṅentaea.

Philipiko lạgitʼ Pạul apostolakʼ ciṭhi 2:12

E ińren dulạṛiạ boehako, ape do jaogepe batao ạguakatʼa. Ar eken sãoreń tahẽkan oktere do baṅ, menkhan biseskaete ńit bạnuńre hõ botor ar thar tharaokʼ salakʼ apeakʼ kạmiko talate udugpe je, kại khon bańcaope ńamakada mente.

Ibriko 12:15

Ńelpe, okoe hõ jemon Isorakʼ daya khon aloko eṛanokʼ. Ar hewer haṛhatʼ dare reakʼ rehetʼ leka omon rakabokʼte okoe hõ jemon duk janam ocoete ḍher hoṛ aloko bhõnḍko.

Ibriko 12:28

Onate okaṭakʼ rajosṭi baṅ dal dalaokʼ, ona rajosṭi bon ńam joṅkante dela, Isor bon gun manao joharaema. Enḍekhan Isor okalekae kusiyakʼ ona leka bhokti ar botor salakʼ bon sewa daṛeaea.

Johan sodor 15:4

E Probhu okoe baṅ am do bae botoram? Ar okoe baṅ amakʼ ńutum bae sarhaotam? Eken amge coṅ sonoticʼ ma. Sanam jạtrenko do am ṭhenko hijukʼa, ar jotoge amko sewawama; ente amakʼ dhorom bicạr do sodor akana.”

1 Patras 1:17

Isor Baba do mimitʼ manwakoakʼ kạmi lekae bicạrkoa, uni do mẽtʼãhã ńelte bae bicạra. Onate Baba mente unipe hohoaekan khan, enḍekhan noa dhạrtire tinạkʼ din upriạ leka menakʼpe unạkʼ din uni botorae salakʼ din khemaope.

Ibriko 11:7

Okaṭakʼ do unrehõ baṅ ńṭoṭhan tahẽkan, ona reaṅ Isor do Noahae sontorledea. Noah do Isor bhokti hoṛe tahẽkante Isorakʼ kathare biswạskate mitʼṭen jahaje benaoleda, jemon acʼakʼ gharońjrenko rukhiyạko ńam. Noah do acʼakʼ biswạs hotetege dhạrtirenko dusi menteye sạbudletʼkoa ar Isor ṭhen dhorom mente ataṅokʼ reakʼ ạidạriye ńamleda, one oka do eken biswạs hotetege ńamokʼkan.

Aposkạmi 2:43

Ar sanamkoge botor caṛhaoatʼkoa, ar apostolko do ạḍi utạr hahaṛa kạmi ar cinhạ kạmiko ehopʼena.

Aposkạmi 9:31

Ona oktere Jihudạ, Gạlil ar Samariạ disạm reakʼ manḍerkore suluk tahẽkana, ar ona manḍerko benao rakabokʼkan tahẽkana. Onate Probhu botoraete ar sonot Jiu reakʼ uskurte onko doko saṅge idikʼkan tahẽkana.