Aposkạmi 4:34 - Santali Common Language New Testament

^34-35 Onko modre okoe hõ reṅgecʼ do bako tahẽkana, ente okoekoakʼ ot-baṛge se oṛakʼ-duạr tahẽkan onko do onako ạkhrińkate ṭaka-poesa ạgukate apostolkoakʼ jaṅga ṭhenko dohoyetʼkan tahẽkana. Ar tayomte mimitʼ hoṛ jạruṛako lekako em hạṭiń akokan tahẽkana.

সান্তালী বাইবেল

^34-35 Onko modre okoe hõ reṅgecʼ do bako tahẽkana, ente okoekoakʼ ot-baṛge se oṛakʼ-duạr tahẽkan onko do onako ạkhrińkate ṭaka-poesa ạgukate apostolkoakʼ jaṅga ṭhenko dohoyetʼ tahẽkana. Ar tayomte onko do mimitʼ hoṛ jạruṛako lekako em hạṭińako kan tahẽkana.

Aposkạmi 4:34 Referans Kwoze

Aposkạmi 2:45

Onko do akoakʼ khet baṛge ar dhon-duribko ạkhrińkate mimitʼkoakʼ jạruṛokʼakʼ lekako em hạṭińakokan tahẽkana.

Luk 16:9

Ińiń metapekana, bedhorom dhonte gate benao joṅpe, jemon ona dhon cabalenre jaejug tahen reakʼ jaegareko ataṅ darampe.

Luk 12:33

Ape do menakʼ tapeakʼko ạkhrińkate dan emokʼpe. Ar oka baṅ marekʼ ona ṭaka reakʼ thạilạkʼ tear joṅpe, metakʼme okaṭakʼ dhon jaejug hạbicʼ ṭikạu tahen onage sermare jarwaepe. Onḍe do kombṛo hõ bako hijukʼa ar tejoko hõ bako bạṛija.

Luk 22:35

Ona tayom Jisu do acʼren celakoe metatʼkoa, “Ṭaka reakʼ thạilạkʼ, khuti ar panahi chaḍań koletʼpere cetʼ jãhãnakʼtepe ṭonṭa emanlena?” Celakoko menkeda, “Cetʼte hõ baṅa.”

Mark 10:21

Jisu do uniye beṅgetʼadea ar dulạṛ salakʼe metadea, “Mitʼṭen jinis dom bạki akada. Do calakʼme, ar oka menakʼtam ona ạkhrińkate reṅgecʼ orecʼko dan akome. Onate sermare dhonem ńama. Ar inạ tayom do hecʼkate ińren cela hoyokʼme.”

Mathae 19:21

Jisui menkeda, “Am do khạṭi utạrokʼem menetʼ khan enḍekhan senkate amakʼ sanam sompotti ạkhrińkate reṅgecʼ orecʼko danakome. Onate sermaere dhon hoyokʼtama. Ar ona tayom do hecʼkate ińren cela hoyokʼme.”

1Timothi 6:19

Noate apnar lạgitʼ nonkan dhonko jogao joṅa one oka do darakan dinko lạgitʼ mitʼṭen keṭecʼ rehetʼ lekako hoyokʼte, sạriakʼ reakʼ jionko sapʼ dohojoṅ.

Aposkạmi 4:37

Uni do mitʼṭen goḍa tahẽkantaea; ar onae ạkhrińketʼte ṭaka ạgukate apostolkoakʼ jaṅga ṭhene dohokeda.

Jakob 1:27

Rạnḍi maejiu ar tũạr amarko dukokʼre hiriko ar dhạrti reakʼ joto lekan bạṛicʼakʼ khon apnartetʼ sahaṛ akae tahenge hoyokʼ kana Isorakʼ mẽtʼre sạri dhorom ar khạṭitetʼ.

1 Thessalonikikko 4:12

jemon apeakʼ noa bhage cạl-colon iạte bahreren hoṛko ṭhen manotpe ńam ar eṭakʼkore ṭehãḍokʼ reakʼ jạruṛ alo hoyokʼtape.

2 Korinthiko 8:14

Ńitokʼ apeakʼ oka sareṛokʼakʼkan ona hotete onkoakʼ ṭonṭa do cabakʼtakoa, ar onkoakʼ sareṛokʼakʼre apeakʼ ṭonṭa hõ meṭaokʼtapea, nonkate sanamkoakʼ dosa do soman hoyokʼa.