Aposkạmi 4:27 - Santali Common Language New Testament

²⁷ “Amren sonot Guti Jisu, okoe do Mạsi mentem bahal akade, uni upạrte Herod raj ar Pontus Pilạt do noa nagraharege boṅgan hoṛ jạtrenko ar Israelko sãote uni birudre tikin milạuleda.

সান্তালী বাইবেল

²⁷ “Amren sonot guti Jisu, okoe do Mạsi mentem bahal akade, uni upạrte Herod raj ar Pontus Pilạt do noa nagraharege boṅgan hoṛ jạtrenko ar Israelko sãote uni upạrte tikin milạuleda.

Aposkạmi 4:27 Referans Kwoze

Mathae 27:2

Onko do Jisu tolkateko idikedete disạm cakʼlaoicʼ Pilạt ṭhenko soprotkedea.

Aposkạmi 4:30

Amakʼ ti tiạrtam jemon amren sonot Guti Jisu ńutumte onko do hoṛkoko boge daṛeako ar hahaṛa kạmi ar cinhạkoko udukʼ daṛeakʼ.”

Luk 9:22

Uni do arhõe metatʼkoa, Manwa Hopon do aema duk jojom hoyokʼtaea. Ar murubiko, maraṅ naekeko ar sostor baḍaeko do uniko nihạtea. Are gocʼ ocokʼa ar pe din hilokʼre gocʼko khon jiwetʼ beredokʼ hoyokʼtaea.

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Aposkạmi 2:27

ente patal purire do bam giḍiyińạ, ar amren sonoticʼakʼ hoṛmo hõ bam nosṭo ocoya.

Johan 19:34

Menkhan mitʼṭen palṭon do borlomte uniakʼ kokhareye sobokʼkedea ar onḍe khon mãyãm ar dakʼ oḍokena.

Johan 18:28

Jihudi mukhiạko do ạḍi setakʼre Kaeapha ṭhen khon Romren disạm cakʼlaoicʼ Pilạtakʼ doṅgolte Jisuko idikedea. Menkhan onko do ona doṅgol bhitrite bako bololena jemon saphako tahente sen-parom porob reakʼ bhojko jom daṛeakʼ.

Johan 10:36

Enḍekhan Baba okoeye sonot akade ar dhạrtiteye kolkede uni ińge tinreń metapekana ‘Iń doń Isorren Hopon kana,’ unre cekatepe meneda, ‘am do Isor birudre bemanot katham roṛeda?’

Johan 1:11

Uni do acʼrenko ṭhene hecʼlena, menkhan acʼren hoṛge bako ataṅledea.

Luk 22:63

Ado okoeko Jisuko horhoyedekan tahẽkan onko do uniko siṛogadea arko dalkedea.

Luk 4:18

“Probhuren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Ar bondi akanko ṭhen chaḍaoko reakʼ katha, kãṛã hoṛko ṭhen ńeńel reakʼ katha baḍae ocoko lạgitʼ uni doe kolakadińạ. Ar khed ocokʼkanko hõ, chaḍaoko lạgitʼe kolkedeńa.

Luk 1:35

Serma goḍete menkeda, “Sonot Jiu do am cetanreye hijukʼa ar maraṅ Isorakʼ daṛegeye umulkama. Noa iạte okoeṭakʼ sonot Hopone janamokʼ uni do Isorren Hopone ńumogokʼa.

Mark 15:31

Onkage maraṅ naekeko ar sostor baḍaeko hõ siṛogaete ako ako talare memenko ehopʼena, “Uni do eṭakʼkoe bańcaoketʼkoa, menkhan acʼ do bae bańcao daṛeakʼ kana.

Mark 10:33

Uni doe metatʼkoa, “Ńelpe, Jerusalemte bon calakʼ kana. Onḍe Manwa Hopon do maraṅ naekeko ar sostor baḍaeko ṭhenko soprotea. Onko do gujukʼ lek kanae menteko bicạr dusiyea ar boṅgan hoṛ jạtrenkoakʼ tireko soprotea.

Mathae 23:37

“E Jerusalem! E Jerusalem! Am do nạbikom khũnetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko acʼakʼ phạ̃kṛạ̃kʼ latarreye guṅgutʼko onkage iń hõ amren hoṛko hạr samṭaokoń menleda, menkhan onko do bako rebenlena.

Mathae 21:28

Ona tayom Jisui menkeda, cetʼlekape bujhạuekea? “Mitʼ hoṛren barea hoponkin tahẽkana. Uni do acʼren maraṅicʼ hopon ṭhen senkateye menkeda, ‘E beṭa teheń do darkha bagwante senkate kạmime.’

Mathae 14:1

Onako oktere Herod do Jisu reaṅe ańjomketʼ khan acʼren kạmiạkoe metatʼkoa, “Nui doe Johan bạbạptisicʼ kana; unige gocʼko khone jiwetʼ beretʼ akana.

Mathae 14:3

Herod do acʼren boeha Philipren bạhu Herodiạ iạte Johan tolkate hajotreye bhorao akade tahẽkana,

Mathae 14:6

Herodakʼ janam din reakʼ rạskạre Herodiạren hoponera do jarwa akanko talareye enecʼente Herode kusi ocokedea.

Luk 23:1

Unre ona bạisiren sanamko do beretʼente Romren disạm cakʼlaoicʼ Pilạt ṭhen Jisuko idikedea.

Johan 18:29

Unre Pilạt do onko ṭhen bahrete oḍok hecʼenteye metatʼkoa, “Nui hoṛ do cetʼe dos akatʼtepe dusiyede kana?”