Aposkạmi 4:21 - Santali Common Language New Testament

²¹ Unre onko do Patras ar Johan arhõ botorko udukʼatʼkinte unkin doko aṛakʼkatʼkinạ. Onko do hoṛkoko botoratʼkote bako goṭa daṛeada cetʼ lekateko sạjạikinạ mente, ente oka hoeakan onate joto hoṛge Isorko sarhaoede kan tahẽkana.

সান্তালী বাইবেল

²¹ Unre onko do Patras ar Johan arhõ botorko udukʼatʼkinte unkinko aṛakʼkatʼkinạ. Onko do hoṛkoko botoratʼkote bako goṭa daṛeada cetʼ lekateko sạjạikinạ mente, ente oka hoyakan onate joto hoṛge Isorko sarhaoedekan tahẽkana.

Aposkạmi 4:21 Referans Kwoze

Aposkạmi 5:26

Unre maraṅ kạmiạyicʼ do acʼren kạmiạkoe idiketʼkote apostolkoe sapʼ ạguketʼkoa. Menkhan hoṛko do kạmiyạko dhiriteko tiń botecʼko botorte apostolko ạḍi bako jormoṭletʼkoa.

Luk 22:2

Maraṅ naekeko ar sostor baḍaeko do hape hapete Jisu goje reakʼ ạtko ńam baṛayetʼ tahẽkana, ente onko do disạm hoṛko botorako kan tahẽkana.

Luk 20:19

Unre sostor baḍaeko ar maraṅ naekeko do Jisu sabeko menwana, enteko bujhạu daṛeada, Jisu do ako birudrege noako kathae roṛetʼ kana; menkhan onko do hoṛkoko botoratʼkoa.

Luk 20:6

Ar bon menle khan, ‘manwa secʼ khon,’ enḍekhan disạm hoṛko dhiriteko tińbona, ente Johan do nạbi kanae menteko khạṭi akawana.”

Mathae 21:46

Unre onko do Jisu sabeko menwana, menkhan gadel hoṛko botoratʼkote bako onkaleda, ente hoṛko do nạbi menteko bujhạuede kan tahẽkana.

Mathae 9:8

Ar hoṛko do noa ńelte botor caṛhaoatʼkoa, ar manwa nonkan ektiạriye emakawadete Isor sarhaoeko ehopʼena.

Aposkạmi 5:40

Unre Gamalielakʼ katha leka mukhiyạko doko mitʼ motena. Onko do apostolko bhitrite hoho idikate dalko lạgitʼko hukumkeda. Ar ona tayom doko aṛakʼkatʼkoa arko hukumatʼkoa Jisu reaṅ jemon jãhãnakʼ ar aloko roṛ baṛae.

Aposkạmi 4:17

Menkhan disạm hoṛko talare kathako jemon ar alo pasnaokʼ onate nukin hoṛ do botor udukʼ ạkin hoyokʼa, jemon Jisu reaṅ ar okoe hõ alokin galmaraoako.”

Luk 13:17

Noa kathae roṛketʼ khan uni birudreko tahẽkan sanamko doko lajaoena. Menkhan eṭakʼ hoṛko do uniakʼ maraṅ kạmi ńelte ạḍiko rạskạyena.

Luk 5:26

Onate sanam hoṛko ṭhak cabayena ar botorokʼ salakʼ Isor sabasiaeteko menkeda, “Teheń do hahaṛawakʼ bon ńelkeda!”

Mathae 26:5

Menkhanko menkeda, “Porobre do babo onkaea; baṅkhan disạm hoṛko talare gulmal ehopʼ botejokʼa.”

Mathae 15:31

Onate guṅgạko roroṛkan, leḍhako taṛamkan, ṭhunṭạko bogekʼkan, ar kãṛãkoko ńeńelkana menteko ńelketʼko khan gadel hoṛ doko hahaṛa cabayena, ar Israelren Isorko sarhaokedea.

Mathae 9:33

Jisu do bhute oḍok giḍikade khan uni hoṛ do roroṛe ehopʼena. Onate sanam hoṛ do hahaṛayenteko menkeda, “Israel disạmre nonka do ar tishõ baṅ ńelakana.”

Aposkạmi 4:22

Ar okoe hoṛe bogeyen uniakʼ umer do pongel bochor khon hõ bạ̃ṛti tahẽkantaea.

Aposkạmi 5:13

Ar hoṛko do ạḍiko manotetʼko tahẽkanre hõ onko tulucʼ midokʼ do bako diletʼ tahẽkana.