Aposkạmi 3:13 - Santali Common Language New Testament

¹³ Abraham, Isạhak ar Jakobren Isor, metakʼme aboren hapṛamkoren Isorge noa kạmi hotete acʼren golam Jisuakʼ ṭhonoke sodor akada. Ape ma goje lạgitʼ mukhiyạkoakʼ tirepe soprotlede. Pilạt do aṛakʼkaegeye menleda, menkhan Pilạt samaṅre unipe baṅkedea.

সান্তালী বাইবেল

¹³ Abraham, Isahak ar Jakobren Isor, metakʼme aboren hapṛamkoren Isorge noa kạmi hotete acʼren guti Jisuakʼ ṭhonoke sodor akada. Ape ma goje lạgitʼ mukhiyạkoakʼ tirepe soprotlede. Pilạt do aṛakʼkaegeye menleda, menkhan Pilạt samaṅre unipe baṅkedea.

Aposkạmi 3:13 Referans Kwoze

Aposkạmi 7:32

‘Iń do amren hapṛamkoren Isor kanạń, Abraham, Isahak ar Jakobren Isorge.’ Unre Mose do botorteye thar tharaoena; ar ńel lạgitʼ dil hõ bae dilleda.

Mathae 22:32

Onare olakana, ‘Ińge Abrahamren Isor, Isạhakren Isor, ar Jakobren Isor.’ Menkhan Isor do gocʼkoren Isor doe baṅkana, uni do jiwetʼkoren Isor kanae.”

Ibriko 2:9

menkhan abo do Jisu bon ńel ńame kana. Uni do serma goḍetko khon thoṛa ghạṛicʼe huḍiń ocolena, jemon Isorakʼ dayate mimitʼ manwako lạgitʼ jiwiye em daṛeakʼ. Uni do duk sahaokateye gocʼlente man ar ṭhonok reakʼ raj mukuṭe dan akawadea.

Johan 19:15

Onate onko do ãṭ aṛaṅte hohoateko menkeda, “Idiyem, idiyem ar krus kaeme.” Pilạte metatʼkoa, “Aperen raj do cetʼ ińiń kruskaea?” Maraṅ naekeko roṛ ruạṛadea, “Kạisạr chaḍa aleren do ar cele raj hõ bạnukʼkoa.”

Johan 19:12

Noa ańjomkate Pilạt do Jisu aṛage lạgitʼe kurumuṭukeda, menkhan Jihudi mukhiạko do hohoateko menkeda, “Nuiyem aṛakʼ lekhan enḍekhan maharaj Kạisạrren gate dom baṅkana. Jãhãege acʼte raj menteye benaokʼ khan uni do Kạisạrren bạiri kanae.”

Johan 18:40

Noa iạte sanamko ãṭ aṛaṅte hohoateko menkeda, “Uni do baṅ, Barabbage.” Uni Barabba do mitʼṭen ḍạkui tahẽkana.

Johan sodor 1:18

ar ińkangeạń jaejug jiwetʼicʼ. Iń doń gocʼlena, ar ńelme, jug cetan jug hạbicʼ jiwetʼ minạńa. Iń ṭhen do moron ar patal puri reakʼ choṛan menakʼa.

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼlena, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

Aposkạmi 22:14

“Unre Ananiạse menkeda, ‘aboren hapṛamkoren Isor do ame bachao akatʼmea jemon uniakʼ sanakom baḍae daṛeakʼ ar uni dhoromicʼ hoṛ, metakʼme Jisu Mạsim ńel ńame ar uniakʼ katham ańjomtae.

Johan 12:16

Jisuren celako do pạhilre noako bako bujhạu daṛeada. Ado tinre Jisuakʼ ṭhonok sodorena unre onko doko disạkeda sonot sostor reakʼ ona katha do Jisu reaṅge olakan tahẽkana mente. Onko do arhõ disạ hecʼatʼkoa hoṛko do Jisu lạgitʼgeko onkaleda.

Johan 7:39

Noa do uni Jiu reaṅe roṛkeda, one okoe acʼre pạtiạukʼte sonot Jiuko ńame. Unre sonot Jiu do bae emakan tahẽkana, ente un hạbicʼ Jisu hõ bae ṭhonok ocoakan tahẽkana.

Luk 23:4

Unre Pilạt do maraṅ naekeko ar sanam hoṛkoe metatʼkoa, “Iń do nui hoṛakʼ jãhãn dosge bạń ńametʼtaea.”

Mark 15:11

Menkhan maraṅ naekeko do disạm hoṛko uskạuketʼkoa jemon onko do Jisu bodolte Barabbako khoje.

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri iń ṭhen emakana.

Mathae 27:2

Onko do Jisu tolkateko idikedete disạm cakʼlaoicʼ Pilạt ṭhenko soprotkedea.

Mathae 20:19

onko doko bicạrea ar gujukʼ lek kanae menteko dusi ṭarhaoea. Arko siṛogaea, arko cạbukea ar kruskae lạgitʼ boṅgan hoṛ jạtrenkoakʼ tireko soprotea; ar pe mãhã hilokʼre uni do gocʼko khone jiwetʼ beredokʼa.”

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍaeyedea, Hopon okoe ṭhen Baba sodoreye menjoṅkan unige uni doe baḍaeyea.

Luk 6:37

“Eṭakʼkoakʼ ghạṭko alope sapʼ baṛaea, inạkhan apeakʼ dos hõ baṅ sabokʼtapea. Eṭakʼko sạjại ńam lek kanako mente alope hudiskoa, onate ape hõ sạjại ńam lek mentepe menocokʼa. Eṭakʼko ikạkakope, enḍekhan ape hõpe ikạ ocokʼa.

Johan 19:11

Jisui roṛ ruạṛkeda, “Coṭ khon ektiạri baṅ emam khan iń cetanre jãhãn ektiạrige oho tahẽlentama.” Onate okoe amakʼ tireye soprot akadiń uniakʼ kại do ḍhergetaea.”

Aposkạmi 3:12

Unre onko do Solomonakʼ pinḍạreko tahẽkana. Ar Patras do onae ńelketʼ khan hoṛkoe metatʼkoa, “E Israelko, noa iạte cedakʼpe hahaṛakʼ kana? Ạlińakʼ daṛete se Isorakʼ bhoktite nui liń taṛam daṛe ocokedete cedakʼpe beṅgetʼ uricʼ ạliń kana?

Aposkạmi 3:26

Ar ape mimitʼko apeakʼ bạṛicʼ hor khon ạcurokʼte bhorape lạgitʼge Isor do ape ṭhen acʼren Guti Jisui kolledea.”

Aposkạmi 4:27

“Amren sonot Guti Jisu, okoe do Mạsi mentem bahal akade, uni upạrte Herod raj ar Pontus Pilạt do noa nagraharege boṅgan hoṛ jạtrenko ar Israelko sãote uni birudre tikin milạuleda.

Aposkạmi 4:30

Amakʼ ti tiạrtam jemon amren sonot Guti Jisu ńutumte onko do hoṛkoko boge daṛeako ar hahaṛa kạmi ar cinhạkoko udukʼ daṛeakʼ.”

Aposkạmi 24:14

Iń do noa katha am ṭheniń aṅgoceda je, Jisu Mạsiakʼ hor, okaṭakʼ do onko dhorom birudko metakʼkan, iń do ona horrege ińren hapṛamkoren Isoriń sewawae kana. Moseakʼ ạn-ạri sãote okaṭakʼ juri menakʼ onare ar nạbikoakʼ olakʼre hõń pạtiạukʼ kana.

Romiko lạgitʼ Pạul Apostolakʼ ciṭhi 9:5

Isorren maraṅ sewako do onkoren hapṛamkogeko tahẽkana ar manwa lekate Mạsi do onko bõsregeye janamlena. Uni kangeae Isor do, one uni sanamakʼ cetanre menae; jaejug hạbicʼ uniakʼge sarhao hoyokʼtae ma. Amen.

Luk 22:57

Menkhan Patras do baṅketʼteye menkeda, “Uni do bạń oromakadea.”