Aposkạmi 28:23 - Santali Common Language New Testament

²³ Onko do Pạul são ńapamokʼ lạgitʼ mitʼṭen dinko goṭakeda. Ar Pạul okareye tahẽkan onḍe do onko chaḍa arhõ aema hoṛko hecʼena. Unre Pạul do setakʼ khon ạyupʼ hạbicʼ Isorakʼ raj reaṅe galmaraoatʼkoa are bujhạuatʼkoa. Uni do Moseakʼ ạn-ạri ar nạbikoakʼ puthi khon hõ Jisu reaṅe bujhạu akokan tahẽkana.

সান্তালী বাইবেল

²³ Onko do Pạul são ńapamokʼ lạgitʼ mitʼṭecʼ dinko goṭakeda. Ar Pạul okareye tahẽkan onḍe do onko chaḍa arhõ aema hoṛko hecʼena. Unre Pạul do setakʼ khon ạyupʼ hạbicʼ Isorakʼ raj reaṅe galmaraoatʼkoa are bujhạuatʼkoa. Uni do Moseyakʼ ạn-ạri ar nạbikoakʼ puthi khon hõ Jisu reaṅe bujhạu akokan tahẽkana.

Aposkạmi 28:23 Referans Kwoze

Aposkạmi 19:8

Inạ tayom Pạul do sunạgogkoteye boloyena ar pe cando hạbicʼ dil salakʼ kathakoe galmaraoatʼkoa. Uni do Isorakʼ raj reaṅakʼko khode khod galmaraoatʼkote biswạs janam ocoetako lạgitʼe kurumuṭukeda.

Aposkạmi 18:28

Uni do sonot sostor khone sạbudkeda Jisu kangeae Mạsi do ar sanamko samaṅre ạḍi jothat reakʼe lạiatʼkote Jihudikoe bhagaoketʼkoa.

Aposkạmi 26:6

Isor do aboren hapṛamko ṭhen okaṭakʼe gokʼletʼ tahẽkan onareń asokʼkante ńitokʼ ińakʼ bicạr hoyokʼkantińạ.

Aposkạmi 8:35

Unre Philip do sonot sostor reakʼ ona hạṭiń khon ehopʼkate uni ṭhen Jisu reaṅ bhage sombate porcarkeda.

Luk 24:44

Ar ona tayome metatʼkoa, “Iń do ape sãote tahẽkanreń menleda, Mose reakʼ ạnre, nạbikoakʼ olakʼre ar sereńkore iń reakʼ okako katha olakan ona sanamakʼ do purạukʼtehõ purạukʼgea.”

Aposkạmi 18:4

Ar jao jirạukʼ mãhãre Pạul do sunạgogre bolokate Jisu reaṅe galmarao akokan tahẽkana ar Junạni ar Jihudiko Jisuakʼ horte ạguko lạgitʼe kurumuṭuyetʼ tahẽkana.

Johan 4:34

Unre Jisui metatʼkoa, “Okoeye kol akadiń uniakʼ sanaleka senakʼ ar uniakʼ kạmi purạutaege hoyokʼ kana ińakʼ jomakʼ do.

Philimon 1:2

Ạlińren misera Apphia ṭhen, ạlińren são palṭon Arkippus ṭhen ar amakʼ oṛakʼre tinạkʼ do manḍerren lekateko jarwakʼkan onko ṭhen noa ciṭhi liń oleda.

Mark 4:34

Golpo chaḍa uni do bae cetʼakokan tahẽkana, menkhan tinre celako do acʼ sãote eskarko tahena unre jotowakʼe bhoṅako kan tahẽkana.

Luk 16:28

jemon ińren mõṛẽ goṭen boehae sontor daṛeako; ar baṅ khan onko hõ noa sasetokʼ jaegareko hijukʼa.’

Aposkạmi 1:3

Uni do acʼakʼ duk jom tayom nokoko hoṛ ṭhengeye ńel ocolena ar uni je jiwetʼge menae ona reakʼ ạḍi utạr biswạsteakʼ pormane emakada. Uni do pon gel din hạbicʼ celako ṭhene ńel ocoyente Isorakʼ raj reaṅe lạiatʼko tahẽkana.

Aposkạmi 23:11

Dosar hilokʼ ńindạ Probhu do Pạul ṭhen teṅgoyenteye metadea, “Dil joṅme, Jerusalemre cetʼleka iń reaṅ goham emakatʼ onkage Romre hõ ińakʼ goha emokʼ hoyokʼtama.”

Aposkạmi 24:14

Iń do noa katha am ṭheniń aṅgoceda je, Jisu Mạsiakʼ hor, okaṭakʼ do onko dhorom birudko metakʼkan, iń do ona horrege ińren hapṛamkoren Isoriń sewawae kana. Moseakʼ ạn-ạri sãote okaṭakʼ juri menakʼ onare ar nạbikoakʼ olakʼre hõń pạtiạukʼ kana.

Aposkạmi 28:31

Uni do sohosate ar bin akoṭte Isorakʼ raj reakʼe porcaretʼ tahẽkana ar Probhu Jisu Mạsi reaṅe cetʼakokan tahẽkana.

Philimon 1:22

Ar mitʼṭen kathań metamkana, peṛakoakʼ kandha do iń lạgitʼ sapṛao dohokakʼme, ente asokʼ kạnạń, apeakʼ koejoṅte iń do ape ṭheniń kol ruạṛ ocokʼa.