Aposkạmi 28:15 - Santali Common Language New Testament

¹⁵ Onḍenko biswạsi boehako do aleakʼ hijukʼ reaṅko ańjom akatʼ tahẽkana. Ar horte ale sãote soṅgekʼ lạgitʼ onkoren adomko do Appius Haṭ, ar adomko do Pe Sạrại ato hạbicʼ ale daramko oḍok hecʼena. Khan noko hoṛko ńelte Pạul do Isore sarhaokedea ar acʼ hõ monre udgạue ńamkeda.

সান্তালী বাইবেল

¹⁵ Onḍenko biswạsi boehako do aleakʼ hijukʼ reaṅko ańjom akatʼ tahẽkana. Ar horte ale sãote soṅgekʼ lạgitʼ onkoren adomko do Appius Haṭ, ar adomko do Pe Sạrại ato hạbicʼ ale daramko oḍok hecʼena. Khan noko hoṛko ńelte Pạul do Isore sarhaokedea ar acʼ hõ monre udgạue ńamkeda.

Aposkạmi 28:15 Referans Kwoze

Ibriko 13:3

Okoe hajotre menakʼko onko sãote ape hõpe kạidi oco akana, ar khed ocokʼkanko sãote ape hõpe khed ocokʼkana mente hudiskate onkoakʼ katha disạipe.

Romiko lạgitʼ Pạul Apostolakʼ ciṭhi 15:24

onate ńitokʼ Spaniạ disạmte parom calakʼ jokhecʼ ape ṭhen calakʼ iń menjoṅ kana. Ar asiń dohoyeda, ona horte sen paromokʼ jokhecʼ apeń ńel torapea ar ape tulucʼ thoṛa okte rạskạte khemao tayom apege Spaniạ disạmte calakʼ reakʼpe bondobosạńạ.

Galathiko lạgitʼ Pạul Apostolakʼ ciṭhi 4:14

Ińakʼ ruạ iạtepe duklenre hõ bape hirkhạwạdiń tahẽkana, bickom Isorren goḍet se Jisu Mạsi cetʼlekape ataṅ akade onkage iń hõpe ataṅ sãohãledińa.

Aposkạmi 21:5

Onako din paromen khan ale do onkole bạgiatʼkote aleakʼ hortele mohnḍayena. Unre sanam celako ar onkoren bạhuko ar gidrạko do ale sãote nagraha bahre hạbicʼko oḍok hecʼena. Ar doreão aṛere ikhṛumentele koeyana.

Aposkạmi 10:25

Ado Patras oṛakʼteye boloyen khan Kornelius do uniakʼ ti jaṅgare giḍiyente uniye ḍobokʼadea.

Johan 12:13

Unre onko do khijur ḍạr sapʼkate daram ạguye lạgitʼko oḍok calaoena ar ãṭ aṛaṅte hohoate memenko ehopʼena, “Hosanna, bhorangeae Probhu ńutumte daraekạnicʼ, Israelkoren raj do.”

1 Thessalonikikko 3:7

Onate E boehako, Timothiakʼ moca khon apeakʼ pạtiạu reaṅ katha ańjomkate joto lekan haron ar kosṭorehõ ale do jiwi raṛecʼle ńam akada.

2 Korinthiko 2:14

Isoriń sarhaoede kana, Mạsi tulucʼ bon mitʼ akante ar Isor do acʼakʼ jitạuakʼre jaogeye ạyuretʼbon kana. Mạsi baḍaeye do mitʼṭen mahkaokʼ kan so leka. Isor do acʼakʼ jitạuwakʼre ona jut so ale hotete sanam jaegareye mahkao ocoyeda.

Aposkạmi 1:15

Onako dinre Patras do Mạsire pạtiạu akan mitʼ sae bargel hoṛko talare teṅgoyente menkeda,

Aposkạmi 10:23

Unre Patras do oṛakʼ bhitrite onko hoṛe hoho aderketʼkoa ar onkoakʼ tahen jaega ar jom-ńu reakʼe bebostawatʼkoa. Ado dosar hilokʼ Patras do onko tulucʼe senena. Ar Joppa nagraharen adom biswạsi boehako hõ uni sãoteko sen torayena.

Aposkạmi 11:1

Boṅgan hoṛ jạtrenko hõ Isorakʼ kathareko pạtiạu akana mente ona katha do apostolko ar goṭa Jihudạren biswạsi boehako hõko ańjomkeda.

Aposkạmi 11:12

Unre sonot Jiu do begor digdhạte onko sãote calakʼe metadińạ. Ar iń tulucʼ noko turui boeha hõko sen toralena. Ale do uni hoṛakʼ oṛakʼtele boloyena one okoe do ińe hohowạdiń tahẽkan.

Aposkạmi 12:17

Patras do thirokʼ lạgitʼ titeye isạrawatʼkoa ar hajot khon Probhu cetʼlekateye oḍok ạgukede onae baḍae ocoketʼkoa. Ar mucạtʼreye metatʼkoa, “Noa khobor do Jakob ar eṭakʼ boehako hõ lạiyakope.” Noa katha menkate uni doe oḍokente eṭakʼ jaegateye calaoena.

Aposkạmi 28:14

Onḍe do thoṛa biswạsi boehakole ńamketʼkoa. Onko do ako sãote mitʼ hapta tahen lạgitʼko nehõratʼlea. Nonkate ale do Romtele hecʼena.