Aposkạmi 23:12 - Santali Common Language New Testament

¹² Ado dosar hilokʼ setakʼ bela Jihudiko do mitʼṭenko soṛojontrokeda ar Pạul ạuriko goje hạbicʼ cetʼge bako joma menteko kiriạyena.

সান্তালী বাইবেল

¹² Ado dosar hilokʼ setakʼ bela Jihudiko do mitʼṭecʼko soṛojontrokeda ar Pạul ạuriko goje hạbicʼ cetʼge bako jom ńũiya menteko kiriạyena.

Aposkạmi 23:12 Referans Kwoze

Aposkạmi 23:30

Ar uni birudre soṛojontro reakʼ kathań baḍaeketʼ khan iń do am ṭheniń kolkedea. Ar okoe uniko dusiyedekan onko hõń hukumatʼkoa jemon nuiakʼ dos reaṅko lạiam.”

Aposkạmi 23:21

Am do onkoakʼ katha alom senakʼa, ente pongel khon hõ bạ̃ṛti hoṛ Pạul lạgitʼ tãṛãkʼ akan menakʼkoa. Noko hoṛ do Pạul ạuriko goje hạbicʼ cetʼge bako joma menteko kiriyạ akana. Arko sapṛao akana ar am ṭhen khon kathako ńel hohorkana.”

Aposkạmi 23:14

Onko do maraṅ naekeko ar Jihudiren murubiko ṭhen senkateko menkeda, “Pạul ạurile goje hạbicʼ cetʼge bale joma mentele kiriyạ akana.

Aposkạmi 25:3

Onko do Phestus ạḍiko nehõradea jemon onkoreye dayakʼte Jerusalemte Pạule ạgu ocoye. Ona reakʼ karon do noage je, onko do horre tãṛãkʼkate Pạul goje reakʼko soṛojontrokan tahẽkana.

Galathiko lạgitʼ Pạul Apostolakʼ ciṭhi 3:13

Ar ạn bon bebataoetʼte okako sarap abore tahẽkan, ona do Mạsi acʼgeye ladeyana are chaḍaoketʼ bona. Sonot sostorre noa olakana, “Darere aka ocoakanicʼ mitʼke mitʼ hoṛ doe sarapanicʼ kana.”

1 Korinthiko 16:22

Jãhãe hoṛ Probhu bae dulạṛe khan sarapicʼe hoyokʼma. Maran atha [Probhui darae kana].

Mathae 27:25

Sanamkoko roṛ ruạṛadea, “Ale ar aleren gidrạkoge uniakʼ mãyãm reakʼ dạyikle hoyokʼa.”

Mathae 26:74

Unre Patras doe sarapana ar kiriạente memene ehopʼena, “Uni hoṛ do baḍae hõ bạń baḍae akadea.” Ar unrege saṭmente sim sạnḍiye rakʼgotʼkeda.

Aposkạmi 9:23

Ado ḍher din tayom Jihudiko do uni goje reaṅko solhawana,

Aposkạmi 9:24

Menkhan Sạul do onkoakʼ goṭawakʼe baḍaeketʼtakoa. Ar uni goje lạgitʼ Jihudiko do nagraha reakʼ Phoṭokkore siń ńindạ pahrako ehopʼena.

Aposkạmi 23:13

Onko do pongel khon hõ bạ̃ṛti hoṛko tahẽkana.

2 Korinthiko 11:26

Aema disạmiń dãṛã akada. Ḍubạ dakʼ, ḍạkuko hotete, apnar jạtren hoṛ ar boṅgan hoṛ jạtrenko hotete muhinreń paṛaolena. Ona chaḍa iń do nagrahakore, hahaṅkar jaegare, doreãore ar phạsiạra boehako talarehõ muhinreń paṛaolena.

1 Thessalonikikko 2:16

Onko do aleko tạkicʼ darametʼlea jemon boṅgan hoṛ jạtrenko kại khon bańcaoko lạgitʼ jãhãn kathako alole lại daṛeako. Nonkate onko Jihudiko do siń sạṭupʼ kại cetan kạiko bojha joṅkana, ar Isorakʼ edre do purạte onkore hecʼ paṛaokʼ kana.