Aposkạmi 22:5 - Santali Common Language New Testament

⁵ Noa katha do sạrikana je, onaren goha do maraṅ naekeko ar maraṅ bạisiren sanamkoge. Iń do onko ṭhen khon Damesek nagraharen dhorom mukhiyạko emako lạgitʼ ciṭhiń hataoleda ar onkan hoṛko tol ạgukate Jerusalemre sạjạiko lạgitʼge onḍeń calakʼkan tahẽkana.

সান্তালী বাইবেল

⁵ Noa katha do sạrikana je, onaren goha do maraṅ naekeko ar maraṅ bạisiren sanamkoge. Iń do onko ṭhen khon Damesek nagraharen dhorom mukhiyạko emako lạgitʼ ciṭhiń hataoleda ar onkan hoṛko tol ạgukate Jerusalemre sạjạiko lạgitʼte onḍeń calakʼkan tahẽkana.

Aposkạmi 22:5 Referans Kwoze

Luk 22:66

Ado setakʼen khan Jihudikoren murubiko, maraṅ naekeko ar sostor baḍaekoko jarwa mitʼena ar maraṅ bạisi samaṅre Jisu ạgukedeteko metadea,

Aposkạmi 5:21

Onko do ona katha lekage ạḍi setakʼre mundilteko boloyena ar hoṛko lại cetʼkoko ehopʼena. Ar maraṅ naeke ar acʼ sãoten Sạdukiko do maraṅ bạisiko hohokeda, metakʼme Israelren murubiko dolren jotogeko hoho jarwaketʼkoa. Ona tayom apostolko ạguko lạgitʼ adom kạmiạkoko kolketʼkoa.

1Timothi 4:14

Manḍerren murubiko capokateko koeyatʼme tahẽkanre nạbi lekate katha roroṛ hotete okaṭakʼ dan ematʼme tahẽkan, ona daya dan do alom ḍhilạua.

Aposkạmi 28:21

Unre Jihudi mukhiyạkoko metadea, “Jihudạ khon am reaṅ do jãhãn ciṭhige bale ńam akada. Ar boehako modren okoe hõ onḍe hecʼkate am reaṅ cetʼge bako baḍae ocoakatʼlea se jãhãn bạṛicʼ do bako roṛakada.

Aposkạmi 26:12

“Nonkage mitʼ dhao maraṅ naekeko ṭhen khon ektiạri ar hukum ńamkate Damesekteń calakʼkan tahẽkana.

Aposkạmi 26:10

ar ṭhik onkage Jerusalemre hõń kạmiletʼgea. Maraṅ naekeko ṭhen khon ektiạri ńamkate Mạsire pạtiạukʼkan ḍherkoge hajotreń bhoraoletʼkoa ar onko gocʼ ocokore hõ rạjigeń tahẽkana.

Aposkạmi 22:1

“E boehako ar Babako, ńitokʼ iń do apnarteń roṛ dogokʼ kana, ańjomtińpe baṛe.”

Aposkạmi 13:26

“E boehako, Abrahamren hoponko ar Isor botoraekanko, kại khon bańcao reakʼ noa khobor do abon ṭhenge kolakana.

Aposkạmi 9:14

Ona chaḍa am ńutumte koejoṅkanko sapʼko lạgitʼ maraṅ naekeko ṭhen khon ektiạri hataokate nonḍeye hecʼakana.”

Aposkạmi 4:5

Ado dosar hilokʼ Jihudikoren maraṅ naekeko, murubiko ar sostor baḍaeko do Jerusalemreko jarwa mitʼena.

Aposkạmi 1:15

Onako dinre Patras do Mạsire pạtiạu akan mitʼ sae bargel hoṛko talare teṅgoyente menkeda,

Aposkạmi 2:29

“E boehako, noa katha do khạṭigeń men daṛeakʼa je, raj bõsren baba Dạud doe gocʼena ar topa hõe topa ocoakana ar uniakʼ topa do teheń hõ nonḍe menakʼa.

Aposkạmi 3:17

“E boehako, ńitokʼ ińiń baḍaea aperen murubiko leka ape hõ begor bujhạutege Jisupe krusledea.

Aposkạmi 23:1

Pạul do maraṅ bạisiren hoṛko secʼ beṅgetʼkateye menkeda, “E ińren boehako, iń do teheń hạbicʼ bhage hudiste Isor samaṅre ińakʼ dạyikiń manao ạguakada.”

Aposkạmi 23:6

Ona bạisiren mitʼ dol do Sạdukiko ar eṭakʼ dol do Phạrusi menakʼkoa menteye baḍaeketʼ khan Pạul do maraṅ bạisi talare ãṭ aṛaṅteye menkeda, “E boehako, iń do mitʼṭen Phạrusi hoṛ kạnạń ar Phạrusikoren hoponge. Ińakʼ bicạr hoyokʼ kana, ente ińiń pạtiạukʼ kana, gocʼko do arhõko jiwetʼ beredokʼa.”

Aposkạmi 26:11

Onko sạjạiko lạgitʼ mitʼ sunạgog khon eṭakʼ sunạgog hạbicʼ iń calakʼkan tahẽkana ar Jisu birudre katha roṛ lạgitʼ iń jormoṭetʼko tahẽkana. Onko cetanre nunạkʼ ãṭ raṅgao tahẽkantińạ je, onko khedko lạgitʼ bides reakʼ nagrahako hạbicʼ hõń calakʼkan tahẽkana.

Aposkạmi 28:17

Pe din tayom Pạul do onḍenko Jihudiko mukhiyạko mitʼ ṭhene hoho jarwaketʼkoa. Adoko jarwayen khan Pạul do onkoe metatʼkoa, “E ińren boehako, iń do abo jạtrenko se hapṛamkoakʼ cạli birudre cetʼge bạń ceka akada, enhõ Jerusalemre sapʼ ocokate Romikoakʼ tireń jimạ ocoakana.

Galathiko lạgitʼ Pạul Apostolakʼ ciṭhi 1:13

Jihudi dhoromreń tahẽkanre cetʼ lekan jioniń khemaoetʼ tahẽkan ona dope ańjomakatʼgea. Ar noa hõpe ańjomakada, Isorakʼ manḍerrenko tinạkʼ bebạṛicʼ iń khedetʼkokan tahẽkana ar maraoko lạgitʼ iń kurumuṭuyetʼ tahẽkana mente.

Philipiko lạgitʼ Pạul apostolakʼ ciṭhi 3:6

dhorom secʼte nonkan bạṛicʼ hoṛiń tahẽkana je, Mạsiakʼ manḍerrenkoń khedetʼkokan tahẽkana; ar Isor samaṅre dhoromicʼ hoyokʼ reakʼ aste Moseakʼ ạn-ạriko manaore okoe hõ bako dusiledińa.