Aposkạmi 21:8 - Santali Common Language New Testament

⁸ Dosar hilokʼ dole oḍokente Kạisạriạtele hecʼena ar bhage sombat poporcaricʼ Philipakʼ oṛakʼrele tahẽyena. Uni do Jerusalem manḍerren eae goṭen sapʼ dapʼko modren mitʼ hoṛe tahẽkana.

সান্তালী বাইবেল

⁸ Dosar hilokʼ dole oḍokente Kạisạriạtele hecʼena ar bhage sombat poporcaricʼ Philipakʼ oṛakʼrele tahẽyena. Uni do Jerusalem manḍerren eae goṭen sapʼdapʼko modren mitʼhoṛe tahẽkana.

Aposkạmi 21:8 Referans Kwoze

Aposkạmi 6:5

Ado dolren sanamkoge noa katha do mońjko metatʼa. Onko do biswạs ar sonot Jiute perecʼakan Stephanko bachaokedea. Ona chaḍa Philip, Prokhorus, Nikanor, Timon, Parmenas ar Antiokiạren Nikolas hõko bachaokedea. Nui Nikolas do boṅgan jạtrene tahẽkanre hõ Jihudi dhorome pańjayetʼkan tahẽkana.

Ephesiko lạgitʼ Pạul Apostolakʼ ciṭhi 4:11

Unige adom do apostolko, adom do nạbiko, adom do bhage sombat porcarko ar adom do sapʼdapʼko ar cecetʼko menkateye bahalketʼkoa.

2Timothi 4:5

Menkhan am do sanamakʼre sambṛao akae tahenme, duk sahaome ar Mạsi reaṅ bhage sombat porcarme, ar Isor okako kạmiye emakatʼme ona purạume.

Aposkạmi 28:16

Ar Romtele seṭeren khan Pạul do acʼ eskar mitʼṭen oṛakʼre tahen lạgitʼ hukume ńamkeda. Ar mitʼṭen palṭon do uniye pahrayede kan tahẽkana.

Aposkạmi 16:13

Ado jirạukʼ mãhãre ale do nagraha reakʼ phaṭok bahre gaḍa aṛe ṭhenle calaoena; entele hudisetʼ tahẽkana onḍe do Jihudikoakʼ sunạgog menakʼtakoa mente. Ar onḍe okoeko maejiuko jarwa akan tahẽkan onko ṭhen duṛupʼkate galmaraole ehopʼena.

Aposkạmi 16:10

Ado Pạul noa dorsone ńelketʼ khan ale do Makedoniạte calakʼ lạgitʼ unregele sapṛaoena, entele bujhạu daṛeada Makedoniạren hoṛko ṭhen Mạsi reaṅ bhage sombat porcar lạgitʼ Isor doe hohoale kana.

Aposkạmi 9:30

Ado biswạsi boehako noako ańjomketʼ khan Kạisạriạ nagrahateko idikedea ar tayomte Tạrsus nagrahateko kolkadea.

Aposkạmi 28:11

Niạ pe cando tayom ale do mitʼṭen jahajtele mohnḍayena. Ona jahaj do inạ diprege rabaṅ dine ṭalao akatʼ tahẽkana. Ona do Alekasndriạ nagraha reakʼ jahaj tahẽkana ar ona reakʼ bohokʼre jawa debakʼ muṭhạn tahẽkana.

Aposkạmi 27:1

Ado jahajte Itạliạte idileko goṭaketʼ khan Pạul ar eṭakʼ adom kạidiko do Julius ńutuman mitʼṭen subedarakʼ tireko jimạkatʼlea. Julius do maharaj Agustus palṭonko modren mitʼṭen subedare tahẽkana.

Aposkạmi 23:23

Maraṅ subeder do acʼren barea subedar hohoatʼkinteye metatʼkinạ, “Bar sae palṭon, eae gel aswariko ar barsae borlom palṭonko teheń ńindạ are baja okte Kạisạriạte calakʼ lạgitʼ ben sapṛao dohokoa.

Aposkạmi 20:13

Ale do lahare senkate jahajre decʼkate Assos bondor secʼle monḍhayena. Onḍe khon ale do Pạul deje reakʼ katha tahẽkantalea. Uni do onkageye metatʼle tahẽkana, ente taṛam horte onḍe calakʼe goṭawan tahẽkana.

Aposkạmi 20:6

Ar bin khamianakʼ piṭhạ porob tayom ale do Philipi khon jahajtele mohnḍayena ar mõṛẽ din tayom onko sãote Troasrele ńapamena. Ar Troasre ale do eae dinle tahẽkana.

Aposkạmi 18:22

Ado Kạisạriạ nagrahateye seṭeren khan jahaj khon pheḍekate uni do Jerusalemteye calaoena. Ar onḍe manḍerren hoṛkoe joharatʼko tayom uni do Antiokiạteye senena.

Aposkạmi 16:16

Mitʼ din ona koejoṅ jaegatele calakʼkan tahẽkanre mitʼṭen kạ̃ṛmĩ sãotele ńapamena. Uni do mitʼṭen bạṛicʼ jiue ńamakawan tahẽkante darakan dinko reakʼ sanamakʼe lại daṛeakʼkan tahẽkana. Onate acʼren kisạ̃ṛakʼ do ạḍi lab hoyokʼkantae tahẽkana.

Aposkạmi 10:1

Kạisạriạ nagrahare Kornelius ńutuman mitʼṭen hoṛ do Itạliạ Palṭon dolren subedare tahẽkana.

Aposkạmi 21:16

Kạisạriạren adom celako hõ ale sãoteko calaoena ar Manason ńutuman Kupros dipren mitʼ hoṛakʼ oṛakʼteko idiketʼlea. Ar aleakʼ tahen reakʼ katha do uniakʼ oṛakʼrege tahẽkantalea. Uni do pạhil celako modren mitʼ hoṛe tahẽkana.