Aposkạmi 20:6 - Santali Common Language New Testament

⁶ Ar bin khamianakʼ piṭhạ porob tayom ale do Philipi khon jahajtele mohnḍayena ar mõṛẽ din tayom onko sãote Troasrele ńapamena. Ar Troasre ale do eae dinle tahẽkana.

সান্তালী বাইবেল

⁶ Ar bin khamiyanakʼ piṭhạ porob tayom ale do Philipi khon jahajtele mohnḍayena ar mõṛẽ din tayom onko sãote Troasrele ńapamena. Ar Troasre ale do eae dinle tahẽkana.

Aposkạmi 20:6 Referans Kwoze

Aposkạmi 12:3

Onate Jihudikoko kusi akana menteye ńelketʼ khan uni do Patras hõ sabe lạgitʼe calaoena. Noa ghoṭna do bin khạmianakʼ piṭhạ porob jokhecʼ hoelena.

Aposkạmi 16:12

Ar onḍe khon ale do Philipi nagrahatele calaoena. Noa Philipige Makedoniạ ṭoṭha reakʼ maraṅ nagraha tahẽkana. Ar onḍenko hoṛ do Rom rajren porjako tahẽkana. Ale do thoṛa din ona nagraharele tahẽyena.

2Timothi 4:13

Troasre Karpos ṭhen hoṛmo reakʼ okaṭakʼ kicricʼ iń hiṛiń oṭowatʼ tahẽkan, hijukʼ jokhecʼ ona baṛe ạgu daraeme. Ona chaḍa guṛhe dohoakan puthiko, biseskaete hartare olakʼ, onako soṅge daraeme.

1 Thessalonikikko 2:2

Ar noa katha hõpe baḍaegea, noa lahare ale do Philipi nagraharele khed ocolena ar bemanot hõle bemanot ocolena. Menkhan noa tạkicʼakʼko tahẽkanre hõ aboren Isor ṭhen khon dil ńamkate uniakʼ bhage sombat reakʼ katha ale do khulạsategele lạiyatʼpe tahẽkana.

Philipiko lạgitʼ Pạul apostolakʼ ciṭhi 1:1

Timothi ar iń Pạul do Jisu Mạsiren golam kanaliń. Ạliń do Jisu Mạsi tulucʼ kolom mitʼ akan Isorren okoeko hoṛ do Philipi nagrahare menakʼko onkoren gupiko ar sapʼdapʼko ṭhenliń oleda.

Aposkạmi 28:14

Onḍe do thoṛa biswạsi boehakole ńamketʼkoa. Onko do ako sãote mitʼ hapta tahen lạgitʼko nehõratʼlea. Nonkate ale do Romtele hecʼena.

Aposkạmi 21:8

Dosar hilokʼ dole oḍokente Kạisạriạtele hecʼena ar bhage sombat poporcaricʼ Philipakʼ oṛakʼrele tahẽyena. Uni do Jerusalem manḍerren eae goṭen sapʼ dapʼko modren mitʼ hoṛe tahẽkana.

Aposkạmi 21:4

Ado onḍenko celale sendra ńamketʼko khan onko sãote eae dinle tahẽyena. Onko do sonot Jiu hotete Pạulko nehõradea jemon Jerusalemte aloe calakʼ.

Aposkạmi 16:8

Onate onko do Musiạ talate Troas nagrahateko calaoena.

Aposkạmi 16:10

Ado Pạul noa dorsone ńelketʼ khan ale do Makedoniạte calakʼ lạgitʼ unregele sapṛaoena, entele bujhạu daṛeada Makedoniạren hoṛko ṭhen Mạsi reaṅ bhage sombat porcar lạgitʼ Isor doe hohoale kana.

Aposkạmi 20:5

Nokoko hoṛ do lahare senkate Troas nagrahare ale lạgitʼko tạṅgi akatʼ tahẽkana.

Aposkạmi 20:16

Asiạ Prodeshre Pạul jemon aloe bilomokʼ onate uni do Ephesusre teṅgo baṅkate ona aṛete parom calakʼe goṭa akatʼ tahẽkana. Uni do Jerusalemte seṭerokʼ lạgitʼe usạrayetʼ tahẽkana jemon hoedaṛeakʼ khan penṭekosṭ hilokʼ do onḍeye tahẽdaṛeakʼ.