Aposkạmi 2:9 - Santali Common Language New Testament

⁹ Parthiko, Mediko, Elamiko ar Mesopotamiare berelakan hoṛko, Jihudạ ar Kapadokiạren, Pontos ar Asiạren,

সান্তালী বাইবেল

⁹ Parthiko, Mediko, Elamiko ar Mesopotamiare berelakan hoṛko, Jihudạ ar Kapadokiạren, Pontos ar Asiạren,

Aposkạmi 2:9 Referans Kwoze

1 Patras 1:1

Isorren bachao akan okoeko hoṛ do Pontus, Galatiạ, Kapadokiạ, Asiạ ar Bithuniạ Prodesre chir chạtur akan upriạ hoṛ lekako girạbasokʼkan, onko ṭhen iń Jisu Mạsiren apostol Patras do noa ciṭhiń oleda.

Johan sodor 1:4

Iń Johan do Ạsiạ reakʼ eae goṭen manḍerko ṭheniń oleda. Okoe menae, okoeye tahẽkan ar okoeye hijukʼkan uni ar uniakʼ siṅghạson samaṅre okoe eae goṭen Jiuko tahenkan, onko ar Jisu Mạsi do daya ar sulukko dan apema.

2Timothi 1:15

Noa dom baḍaegea, Ạsiạ disạmren sanamkoge ińko dea giḍiakadińa. Onko modre Phugelus ar Hermogenes hõ menakʼkinạ.

Aposkạmi 18:2

Onḍe do Akuilạ ńutuman mitʼṭen Jihudi sãoteye ńapamena. Nui Akuilạ do Pontus disạmreye janamlena. Maharaj Klạudius do sanam Jihudiko Rom khon oḍok calakʼ lạgitʼe hukumatʼko tahẽkana. Onate thoṛa din lahare Akuilạ do acʼren bạhu Priskillạ soṅgekate Itạliạ khon Korinth nagrahateye hecʼakan tahẽkana. Ar Pạul do unkin ṭhene calaoena.

Aposkạmi 16:6

Pạul ar uni sãotenko do sonot Jiu hoteteko mana ocoyente Asiạre do bako porcarleda. Unre onko do Phrugiạ ar Galatiạ Prodes reakʼ sanam jaegateko calaoena.

Aposkạmi 19:10

Ado bar bochor hạbicʼ onkage hoe idiyena. Onate okoe Jihudi ar Junạniko Asiạ Prodesreko tahẽkan onko sanamkoge Probhuakʼ kathako ańjomkeda.

Aposkạmi 6:9

Ar okaṭakʼ sunạgog do sạdhin hoṛkoakʼ sunạgogko metakʼkan tahẽkan ona sunạgogren adom hoṛko do Stephan birudreko teṅgoyena. Onko do Kureni ar Alekasndriạ nagraharen ar Kilikiạ ar Asiạ disạmren Jihudikoko tahẽkana.

Johan sodor 1:11

Uni doe metadińạ, “Okaṭakʼem ńel ona do mitʼṭen puthire olme, ar Ephesus, Smurnạ, Pergamom, Thuạtirạ, Sạrdis, Philạdelphiạ, ar Laodhar, noa eae goṭen nagraha reakʼ eae goṭen manḍer ṭhen kolme.”

2 Korinthiko 1:8

Ạsiạ Prodesre ale do oka santaorele paṛaolen, asjoṅ kanale ape hõ ona jemonpe baḍae daṛeakʼ. Onḍe do sahao daṛeakʼ khon hõ bạ̃ṛti caprele paṛaolena, ar bańcaokʼ reakʼ asge baṅ tahẽkantalea.

1 Korinthiko 16:19

Ạsiạ reakʼ manḍerrkoren hoṛko do apeko joharape kana. Akuilạ, ar Priskilạ do Probhure ạḍikin joharapekana, ạkinakʼ oṛakʼre menakʼ manḍerrenko salakʼ.

Romiko lạgitʼ Pạul Apostolakʼ ciṭhi 16:5

Unkinakʼ oṛakʼre okoe do manḍerren lekate mitʼ ṭhenko jarwakʼkan onko hõ joharakope. Ińren dulạṛiạ gate Epaenetos hõ joharaepe, ente Asiạre unige pạhilte Mạsiye ataṅledea.

Aposkạmi 20:18

Ado onko onḍeko seṭeren khan Pạul do onkoe metatʼkoa, “Asiạ disạmreń hecʼen pạhil din khon ape sãote jaoge cetʼ lekań khemaoletʼ ona dope baḍaegea.

Aposkạmi 20:16

Asiạ Prodeshre Pạul jemon aloe bilomokʼ onate uni do Ephesusre teṅgo baṅkate ona aṛete parom calakʼe goṭa akatʼ tahẽkana. Uni do Jerusalemte seṭerokʼ lạgitʼe usạrayetʼ tahẽkana jemon hoedaṛeakʼ khan penṭekosṭ hilokʼ do onḍeye tahẽdaṛeakʼ.

Aposkạmi 19:31

Ona disạmren adom raj kạmiyạko do Pạulren gateko tahẽkana. Onko hõ Pạul ṭhen khoborko kolketʼte uniko nehõradea jemon bạisite aloe calakʼ.

Aposkạmi 19:27

Noate eken aboakʼ ạsulokʼakʼ rojgar cabakʼa ona do baṅ, bickom maraṅ debi Artemis reakʼ mundil hõ ạuṛiagokʼa. Ar Asiạ disạmren sanam hoṛko, se dhạrtiren sanamkoge okoe debko sewawaekan uni hõ maraṅ do bae tahena.”

Aposkạmi 7:2

Stephan do roṛ ruạṛketʼteye menkeda, “E boehako ar babako ińakʼ katha ańjompe. Aboren hapṛam Abraham do Haran nagrahare ạuriye berelokʼre Mesopotamiạ disạmreye tahẽkana ar unre ṭhonokren Isor do uni ṭhen ńel ocoyenteye metade tahẽkana,

Aposkạmi 2:8

Ar onka kan khan abo do cekate apan ạpin pạrsite onkoakʼ moca khon katha bon ańjomeda?

Aposkạmi 20:4

Ado Beroearen Puros hopon Sopatros, Thessoloniki khon Aristarkhos ar Sekundus, Derberen Gaius, Timothi ar Asiạ khon Tukhikus ar Trophimus noko hõ Pạul sãoteko calaoena.

Aposkạmi 21:27

Ado saphakʼ lạgitʼ ona eae din purạu lạgidokʼ kan tahẽkanre Asiạ Prodesren adom Jihudiko do mundilre Pạulko ńelkedea. Onko do onḍe sanam hoṛko ạulạuketʼkoa ar Pạulko sapʼkedea.

Aposkạmi 24:18

Ado ińiń saphayen tayom tinre onań kạmikan tahẽkana unre onko do mundilreko ńelledińa. Ar iń ṭhen hoṛko hõ bako ṭhạurạulena se iń iạte jãhãn gulmal hõ baṅ hoelena.

Aposkạmi 27:2

Ale do Adramuttium bondorre mitʼṭen jahajre decʼkatele mohnḍayena. Ona do Asiạ reakʼ eṭakʼ eṭakʼ bondorkote calakʼ lạgitʼ sapṛaoge tahẽkana. Makedoniạ disạmren Thessalonikiạ nagraharen Aristarkhos hõ ale sãoteye tahẽkana.