Aposkạmi 2:47 - Santali Common Language New Testament

⁴⁷ Onko do jao ghuṛi Isorko sarhaoede tahẽkana ar sanam hoṛge onkoko manotetʼkokan tahẽkana. Ar okoe kại khon bańcaokʼko ńametʼ tahẽkan Probhu do biswạsiko tulucʼ jao hilokʼ onkoe juṭucʼ idiketʼkoa.

সান্তালী বাইবেল

⁴⁷ Onko do jao ghuṛi Isorko sarhaoede tahẽkana ar sanam hoṛge onkoko manotetʼko tahẽkana. Ar okoe kại khon bańcaokʼko ńametʼ tahẽkan Probhu do biswạsiko tulucʼ jao hilokʼ onkoe juṭucʼ idiketʼkoa.

Aposkạmi 2:47 Referans Kwoze

Aposkạmi 16:5

Nonkate manḍerren hoṛko do biswạsreko keṭecʼ idiyena ar dinke dinko saṅge idiyena.

1 Korinthiko 1:18

Okoe nosṭokʼ reakʼ horteko taṛametʼ onko ṭhen Mạsiakʼ gujukʼ reakʼ katha do lelhawakʼ chaḍa ar cetʼge baṅkana; menkhan okoe bańcao bon ńam lạgidokʼkan abo ṭhen ona do Isorakʼ daṛe kana;

Aposkạmi 2:41

Ado uniakʼ kathare okoeko pạtiạuen onko doko bạptisena ar enhilokʼ onko sãote pe hajar hoṛko juṭucʼena.

Aposkạmi 2:39

Ape lạgitʼ, aperen gidrạ lạgitʼ ar okoe do sạṅgińre menakʼko, metakʼme aboren Probhu Isor do okoeko acʼren hoṛ hoyokʼ lạgitʼe hohoako, onko sanamko lạgitʼ noa gokʼakʼ do emakana.”

Romiko lạgitʼ Pạul Apostolakʼ ciṭhi 14:18

Okoe nonkate Mạsi ṭhen golame khaṭaokʼkan, Isor do unireye kusikʼkana ar hoṛko hõ uni do bhageko metaekana.

Aposkạmi 11:24

Barnabas do mitʼṭen bhage hoṛe tahẽkana uni do sonot Jiu ar biswạste hõ perecʼ akane tahẽkana. Unre Probhu do ḍher hoṛge acʼ apnar ṭhene ạguletʼkoa.

Aposkạmi 13:48

Noa katha ańjomkate boṅgan hoṛ jạtrenko doko rạskạyena ar Probhuakʼ kathako sarhaokeda; ar jaejug jion ńam lạgitʼ Isor tinạkʼe niṭ dohoakatʼko tahẽkan onko doko pạtiạuena.

Romiko lạgitʼ Pạul Apostolakʼ ciṭhi 9:27

Jesaea nạbi hõ Israel jạtko reaṅe roṛeleda, “Israel hoponko reakʼ lekha do jalapuri reakʼ gitil unạkʼlenre hõ eken sarecʼkoge bańcaoko ńama.

Romiko lạgitʼ Pạul Apostolakʼ ciṭhi 8:30

Okoe laha khone ṭhik dohoakatʼko tahẽkan onko do hoho hõe hohoatʼkoa; ar okoeye hohoatʼko onko do dhorom mente ataṅ hõe ataṅketʼkoa; ar okoeko dhorom menteye ataṅketʼko onko do acʼakʼ ṭhonok hõe danatʼkoa.

Luk 2:52

Ar Jisu do akelte, umerte ar Isor ar manwakoakʼ dulạṛteye hara idiyena.

Aposkạmi 4:21

Unre onko do Patras ar Johan arhõ botorko udukʼatʼkinte unkin doko aṛakʼkatʼkinạ. Onko do hoṛkoko botoratʼkote bako goṭa daṛeada cetʼ lekateko sạjạikinạ mente, ente oka hoeakan onate joto hoṛge Isorko sarhaoede kan tahẽkana.

Aposkạmi 4:33

Ar apostolko do maraṅ daṛe salakʼ gohako emidiyetʼ tahẽkana je, Probhu Jisu do gocʼko khone jewetʼ beretʼ akana ar sanamko cetanre Isorakʼ maraṅ daya do tahẽkana.

Luk 19:48

menkhan cetʼlekateko cekaea ona reakʼ jãhãn upạige bako ńam totʼ daṛeada, ente hoṛko do mon lagaokate uniakʼ kathako ańjometʼ tahẽkana.

Aposkạmi 4:4

Menkhan okoeko Patrasakʼ kathako ańjomletʼ onko modren ḍher hoṛgeko pạtiạuena; ar nonkate biswạsikoko ḍher idiyente mõṛẽ hajarko hoyena.

Aposkạmi 6:1

Inạko dinre celako doko saṅge idikʼkan tahẽkana. Unre celako modre okoe Jihudiko Junạni pạrsiteko roṛetʼkan tahẽkana onko do Ibri pạrsite roroṛkan Jihudiko nonka mente dusikoko ehopʼena je, dinạmge jomakʼ emokʼ jokhecʼ onkoren rạnḍi maejiuko do cetʼge bako ńametʼa.

Aposkạmi 6:7

Nonkate Isorakʼ katha do pasnao idiyena, ar Jerusalemre celako do lekhare ạḍi usạrako saṅge idiyena ar ạḍi utạr naekeko hõ Mạsiakʼ dhoromreko pạtiạuena.

Aposkạmi 9:31

Ona oktere Jihudạ, Gạlil ar Samariạ disạm reakʼ manḍerkore suluk tahẽkana, ar ona manḍerko benao rakabokʼkan tahẽkana. Onate Probhu botoraete ar sonot Jiu reakʼ uskurte onko doko saṅge idikʼkan tahẽkana.

Aposkạmi 9:35

Unre Ludda ar Sharon atoren sanam hoṛ do Aeneasko ńelkede khan Probhu secʼko ạcurena.

Aposkạmi 11:21

Isorakʼ ti onko cetanre tahẽkante ạḍi utạr hoṛ do Probhureko pạtiạuente uni secʼko ạcurena.

Aposkạmi 14:1

Ikonium nagrahare Pạul ar Barnabas do ạkinakʼ cạli leka Jihudikoakʼ sunạgogkote kin boloyena. Unkin do onḍe nonkan kathakin galmaraoatʼkoa je, Jihudiko ar Junạniko khon ạḍi utạr hoṛko pạtiạuena.

Aposkạmi 14:21

Ado Derbere bhage sombat porcarkate Pạul ar Barnabas do ạḍi utạrkin celaketʼkoa. Ona tayom Lustra, Ikonium ar Pisidiạ Prodes reakʼ Antiokiạte ruạṛ senkate onḍenko celakoakʼ biswạskin kajakketʼte onkokin daṛe ocoketʼkoa ar pạtiạure ṭarhao tahen lạgitʼkin udgạuketʼkoa. Unkinkin menkeda, “Isorakʼ rajte bolokʼ lạgitʼ ạḍi utạr duk jojom hoyokʼ tabona.”

Aposkạmi 17:12

Unre ạḍi utạr Jihudiko do Jisureko pạtiạuena; ona chaḍa aema bhodro Junạni maejiuko ar herel hoponko hõko pạtiạuena.