Aposkạmi 2:46 - Santali Common Language New Testament

⁴⁶ Onko do din hilokʼ mundilreko jarwakʼkan tahẽkana ar oṛakʼ oṛakʼ piṭhạ kecag tulucʼ rạskạ salakʼ soṛa monte mitʼteko jom ńũiyetʼ tahẽkana.

সান্তালী বাইবেল

⁴⁶ Onko do din hilokʼ mundilreko jarwakʼkan tahẽkana ar oṛakʼ oṛakʼ piṭhạ kecag tulucʼ rạskạ salakʼ soṛa monte mitʼteko jom ńũiyetʼ tahẽkana.

Aposkạmi 2:46 Referans Kwoze

Aposkạmi 5:42

Onko do jaoge mundilre ar oṛakʼ oṛakʼ senkate cetʼakoko ehopʼena ar Jisuge Mạsi kanae mente noa bhage sombat porcar iditegeko tahẽyena.

Aposkạmi 2:42

Onkoko hoṛ do apostolkoakʼ cecetʼakʼko ańjometʼkan tahẽkana, ar onko sãote mitʼte Probhu kedokʼko ataṅetʼ tahẽkana ar koejoṅre jamaṛ akanko tahẽyena.

Aposkạmi 20:7

Ado hapta reakʼ pạhil din Probhuakʼ bhoj ataṅ lạgitʼ ale do mitʼ ṭhenle jarwayena. Unre Pạul do hoṛko porcarakoe ehopʼena. Uni do dosar hilokʼ calakʼ reakʼ katha tahẽkantaete tala ńindạ hạbicʼe galmarao idikeda.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

Aposkạmi 16:34

Ona tayom uni do acʼakʼ oṛakʼte Pạul ar Silạse idiketʼkinte unkine jom-ńũ ocoketʼkinạ. Ar acʼ gharońjrenko do Isorreko biswạsente ạḍitetʼko rạskạyena.

Kolossiko lạgitʼ Pạul Apostolakʼ ciṭhi 3:22

E golamko ape do jotowakʼre noa dhạrtiren kisạ̃ṛko ṭhen tabe akan tahenpe. Eken mẽtʼ samaṅre golam khaṭaokʼte hoṛ khusi ocoko leka do alo, menkhan khạṭi monte Probhu botorae tulucʼ onkore tabe akan tahenpe.

Romiko lạgitʼ Pạul Apostolakʼ ciṭhi 12:8

okoe sikhạu paṛhao reakʼ daṛeye ńamakatʼ uni doe sikhạu paṛhaokoma; okoe eṭakʼko danako reakʼ daṛeye ńamakatʼ, uni do soṛa monteye emokʼma; okoe mukhiyạ hoyokʼ reakʼ daṛeye ńamakatʼ uni do jidkateye calaoma; ar okoe eṭakʼko goṛowako lạgitʼ daṛeye ńamakatʼ uni do kharsala monteye goṛoakoma.

Luk 24:53

Ar jaoge mundilre hecʼkate Isorko sarhaoedekan tahẽkana.

2 Korinthiko 11:3

Menkhaniń botorokʼ kana, uni biń do acʼakʼ bạṛicʼ phorphundite cetʼleka Hawae bulạulede onkage Mạsire menakʼtape soṛatetʼ ar napaetetʼ khon apehõko bulạu botecʼpe.

Aposkạmi 5:21

Onko do ona katha lekage ạḍi setakʼre mundilteko boloyena ar hoṛko lại cetʼkoko ehopʼena. Ar maraṅ naeke ar acʼ sãoten Sạdukiko do maraṅ bạisiko hohokeda, metakʼme Israelren murubiko dolren jotogeko hoho jarwaketʼkoa. Ona tayom apostolko ạguko lạgitʼ adom kạmiạkoko kolketʼkoa.

Aposkạmi 3:1

Mitʼ din Patras ar Johan do tarasiń okte reakʼ koejoṅre mundiltekin rakapʼ calakʼkan tahẽkana.

Luk 24:30

Ado unkin tulucʼ jojome duṛupʼenre uni do piṭhạ ataṅkate Isore gunmanao joharadea are kecakʼketʼteye ematʼkinạ.

Mathae 6:22

‘‘Mẽtʼ do hoṛmo reakʼ diuhe kana. Onate amakʼ mẽtʼ nirolage khan amakʼ goṭa hoṛmo hõ marsalte perejokʼa.

Ephesiko lạgitʼ Pạul Apostolakʼ ciṭhi 6:5

E golamko, ape do Mạsirepe gobol akante botor ar manot seletʼ ontor khon niạ dhạrtiren kisạ̃ṛkoakʼ batao takope.

Luk 11:41

Ape do thạri ar bạṭi reakʼ bhitrire oka menakʼ onage boroṅ dan emokʼpe; enḍekhan sanamakʼ saphakʼtapea.

1 Korinthiko 10:16

Probhu kedokʼ okte gunmanao joharate oka bhoranakʼ bạṭi khon bon ńũi, ona do cetʼ Mạsiakʼ mãyãmre bakhra seledokʼ leka do baṅkana? Ar oka piṭhạ kecakʼ katebon jometʼkan ona hõ cetʼ Mạsiakʼ hoṛmore bakhra seledokʼ leka do baṅkana?