Aposkạmi 2:4 - Santali Common Language New Testament

⁴ Onate onko jotoge sonot Jiuteko perecʼena ar uni Jiue danatʼko daṛe leka eṭakʼ eṭakʼ pạrsite roroṛko ehopʼena.

সান্তালী বাইবেল

⁴ Onate onko jotoge sonot Jiuteko perecʼena ar uni Jiue danatʼko daṛe leka eṭakʼ eṭakʼ pạrsite roroṛko ehopʼena.

Aposkạmi 2:4 Referans Kwoze

Mark 16:17

Okoeko pạtiạukʼ onkore do noako cinhạ ńelogokʼa, onko do iń ńutumte bạṛicʼ jiukoko oḍok giḍikoa, ar nawa nawa pạrsite kathako roṛa,

Aposkạmi 13:52

Menkhan onḍenko cela do rạskạ ar sonot Jiuteko perecʼena.

Aposkạmi 4:31

Ado oka jaegare onkoko jarwa mitʼakan tahẽkan, koejoṅ tayom ona jaega do dal dalaoena. Ar onko sanamkoge sonot Jiuteko perecʼente dil salakʼ Isorakʼ katha lạlạiko ehopʼena.

Ephesiko lạgitʼ Pạul Apostolakʼ ciṭhi 5:18

Alope ńu bulokʼa, onate bin sambṛaokʼkope hoyokʼa. Ona khon bickom sonot Jiu tabere tahenpe,

1 Korinthiko 12:10

ar adomko do judạ judạ pạrsite roṛ reakʼ daṛe se judạ judạ pạrsite torjoma reakʼ daṛe ini mitʼ Jiugeye kạmi ocoyeda.

Johan 14:26

Uni sohotʼicʼ sonot Jiu one okoe do Baba iń ńutumteye kolape, unige sanamakʼkoe cetʼapea, ar okakoń lạiakawatʼpe onako joto doe disạ ocopea.

Aposkạmi 19:6

Ar Pạul do onkoe capoketʼko khan onkore sonot Jiue hecʼena, ar onko do eṭakʼ eṭakʼ pạrsite roroṛkan ar nạbi leka Isorakʼ katha lạlạiko ehopʼena.

Aposkạmi 10:46

Onko do onako bujhạu daṛeada ente noko be-Jihudiko hõ eṭakʼ eṭakʼ pạrsite roroṛkan ar Isor sabasiaekanko ańjomketʼkoa. Unre Patrase menkeda,

Aposkạmi 9:17

Unre Ananiạs do senkate ona oṛakʼteye boloyena ar tikin capoadeteye metadea, “E boeha Sạul, nonḍe hijukʼ jokhecʼ horre okoe do am ṭhene ńel ocolen uni doe Probhu Jisu kana. Unige iń doe kol akadińạ jemon am dom ńeńel ar sonot Jiutem perejokʼ.”

Aposkạmi 7:55

Menkhan Stephan do sonot Jiuteye perecʼen khan serma secʼe beṅgetʼkeda ar Isorakʼ ṭhonoke ńel ńamkeda. Uni do Isorakʼ jojomsa aṛere Jisu teṅgo akane ńelkede khane menkeda,

Aposkạmi 1:5

Johan do dakʼteye bạptisetʼko tahẽkana, menkhan thoṛa din khange ape do Babawakʼ ona gokʼakʼ lekate sonot Jiutepe bạptis ocokʼa.”

1 Korinthiko 13:8

Dulạṛ do tisge baṅ mucạdokʼa. Nạbi lekate roṛ reakʼ ektiạri cabakʼa, ar eṭakʼ pạrsite roṛ reakʼ ektiạri menakʼ khan ona do adokʼa; ar baḍaeakʼ menakʼ khan ona hõ mạutạkʼa;

1 Korinthiko 13:1

Manwakoakʼ ar serma goḍetkoakʼ pạrsiteń roṛlere hõ dulạṛ bạnukʼtiń khan, raṛaṅ raṛaṅokʼkan ghonṭa ar chaṅ chaṅokʼkan kortaliń hoeakana.

Aposkạmi 13:9

Unre Sạul okoe do Pạulko metaekan uni do sonot Jiuteye perecʼente Eluma secʼ beṅgetʼ uricʼkateye metadea,

Aposkạmi 2:11

Kret dipren hoṛko ar Arobrenko; abo sanamkoge coṅ aboakʼ nij nij pạrsite Isorakʼ maraṅ kạmiko reakʼ katha roroṛkan bon ańjometʼko.”

Luk 12:12

Ente unre cetʼ roroṛ hoyokʼa ona do sonot Jiugeye cetʼapea.”

1 Korinthiko 14:18

Iń do ape jotoko khon bạ̃ṛti eṭakʼ eṭakʼ pạrsiteń roṛ daṛeakʼkante Isoriń gunmanao joharae kana.

Romiko lạgitʼ Pạul Apostolakʼ ciṭhi 15:13

Okoe ase dan abon kan uni Isor do apeakʼ biswạs hotete asambheṛ rạskạ ar sulukteye perecʼpema. Enḍekhan sonot Jiu reakʼ daṛete apeakʼ ontor reakʼ as do sareṛokʼtapea.

Aposkạmi 4:8

Unre Patras do sonot Jiuteye perecʼente onkoe metatʼkoa, “Maraṅ naekeko ar murubiko,

Johan 20:22

Noa menkate uni do celako oṅatʼkoteye metatʼkoa, “Sonot Jiu hatao joṅpe.

Luk 4:1

Jisu do sonot Jiuteye perecʼen khan, Jordan gaḍa khone calaoena. Ar sonot Jiu reakʼ ạyurte pongel din hạbicʼ hahaṅkar jaegakoreye tahẽyena.

1 Patras 1:12

Menkhan Isor doe udukʼatʼko tahẽkana je, onko okako kathako menletʼ ona hotete apnar lạgitʼ sapʼsor baṅkate apegeko sapʼsoratʼpe tahẽkana. Serma khon kolocoyicʼ sonot Jiuakʼ ạyurte okoe ape ṭhen Mạsi reaṅ bhage sombatko porcarakatʼ onko do nạbikoakʼ kathage apeko baḍae ocoakatʼpea. Ar serma goḍetko hõ noako reaṅ baḍae joṅ lạgitʼgeko gagojlena.

1 Korinthiko 14:5

Ińakʼ sana do jotoko jemon eṭakʼ eṭakʼ pạrsitepe roṛ daṛeakʼ, menkhan arhõ bạ̃ṛtiń khojkana nạbi lekate jemon kathape roṛ daṛeakʼ. Eṭakʼ pạrsikote roroṛicʼ do manḍerren hoṛko benao rakapʼko lạgitʼ bae torjomae khan, enḍekhan uni khon nạbi lekate okoe kathae roṛetʼ unigeye sorosa.

Aposkạmi 11:15

“Sonot Jiu etohopʼre cetʼleka aboko cetanreye hecʼlen, onkage galmaraoiń ehopʼketʼ khan onko cetanreye hecʼena.

Aposkạmi 6:5

Ado dolren sanamkoge noa katha do mońjko metatʼa. Onko do biswạs ar sonot Jiute perecʼakan Stephanko bachaokedea. Ona chaḍa Philip, Prokhorus, Nikanor, Timon, Parmenas ar Antiokiạren Nikolas hõko bachaokedea. Nui Nikolas do boṅgan jạtrene tahẽkanre hõ Jihudi dhorome pańjayetʼkan tahẽkana.

Aposkạmi 6:3

E boehako, ape modkhon Jiu ar akelte perecʼ akan ar sanam hoṛko manotko nonkan eae goṭen hoṛ bachao joṅpe. Ale do onkoge noa sapʼ dapʼ kạmi reakʼ dạyikle emakoa ar ale do koejoṅ ar Isorakʼ katha porcar lạgitʼ jamaṛ akanle tahena.”

Aposkạmi 1:8

Menkhan sonot Jiu apereye hecʼlenre ape do daṛepe ńama, ar Jerusalem, goṭa Jihudạ, Samariạre, hẽ, dhạrti reakʼ mucạtʼ simạ hạbicʼge ińren gohakope hoyokʼa.”

Luk 1:15

Ente Probhuakʼ mẽtʼãhã samaṅre uni do maraṅe hoyokʼa. Uni do tishõ darkha rasa se eṭakʼ jãhãn bubulakʼko bae ńũiya ar eṅgatakʼ kukhire tahen khonge sonot Jiuteye perejokʼa.

Ephesiko lạgitʼ Pạul Apostolakʼ ciṭhi 6:18

Sonot Jiu hotete ạyur ocokʼte mon ar ontorte jao ghuṛi koejoṅpe. Onate jagwar akae tahente Isorren sanam hoṛko lạgitʼ mitʼ talao koejoṅre jamaṛ akae tahenpe.

Ephesiko lạgitʼ Pạul Apostolakʼ ciṭhi 3:19

Mạsiakʼ dulạṛ do budte oho baḍaelena; enhõ iń doń koejoṅ kana jemon ona dulạṛpe bujhạu daṛeakʼ, ar Isorakʼ goṭa perecʼakʼtepe perejokʼ.

Aposkạmi 11:24

Barnabas do mitʼṭen bhage hoṛe tahẽkana uni do sonot Jiu ar biswạste hõ perecʼ akane tahẽkana. Unre Probhu do ḍher hoṛge acʼ apnar ṭhene ạguletʼkoa.

Aposkạmi 6:8

Stephan do Isorakʼ daya ar daṛeteye perecʼente hoṛko talare ạḍi lekan cinhạko ar hahaṛa kạmiko kạmiye ehopʼena.

Luk 21:15

ente iń do nonkan katha ar nonkan akeliń emapea, onape roṛ ruạṛakore aperen bạiriko do cetʼ hõ bako roṛ daṛeakʼa, ar ona hõ bako baṅ daṛeakʼa.

Luk 1:67

Tayomte gidrạren apat Sakariạ do sonot Jiuteye perecʼen khan, nạbi lekate noa katha roroṛe ehopʼena,

Luk 1:41

Elisabet do Mạriạmakʼ johare ańjomketʼ khan acʼakʼ kukhiren bale gidrạ doe keṭel gotʼena.

Mathae 10:19

Hoṛkoko soprot lepere alope bhabnakʼa cetʼ leka se cetʼkope roṛa mente. Ente cetʼko roroṛ hoyokʼa ona do unregepe lại ocokʼa.

2 Patras 1:21

ente nạbiko do akoakʼ sana leka jãhãn katha bako roṛakada; onko do sonot Jiu reakʼ ạyurtege Isorakʼ kathako roṛakada.

Aposkạmi 2:3

Ar celakoko ńelkeda seṅgel reakʼ alaṅ leka cetʼ coṅ hạṭińokʼkana ar onako do hoṛo hoṛo apʼatʼkoa.

Aposkạmi 8:17

Unre Patras ar Johan do onkokin capoketʼkoa, ar onko do sonot Jiuko ńamkedea.

Aposkạmi 10:47

“Dakʼte bạptisokʼ lạgitʼ noko hoṛ do cetʼ jãhãeye akoṭ daṛekea? Onko hõ coṅ abo leka sonot Jiuko ńamakade.”

Aposkạmi 15:8

Isor do sanam hoṛkoakʼ mone baḍaea. Uni do cetʼleka sonot Jiue danatʼbon tahekan, onkage boṅgan hoṛ jạtrenko hõe danatʼkote gohae emakada je, onko hõ kại khon bańcaoko ńamakada.