Aposkạmi 2:23 - Santali Common Language New Testament

²³ Isor, okoe do laharege jotowakʼe baḍaekan, uni do laharegeye ṭhik dohoakatʼ tahẽkana je, apeakʼ tire Jisui soprotea. Ar ape hõ bạṛicʼ hoṛko hotete unipe kruskedea arpe gocʼ ocokedea.

সান্তালী বাইবেল

²³ Isor, okoe do laharege jotowakʼe baḍaekan, uni do laharegeye ṭhik dohoakatʼ tahẽkana je, apeakʼ tire Jisui soprotea. Ar ape hõ bạṛicʼ hoṛko hotete unipe kuruskedea arpe gocʼ ocokedea.

Aposkạmi 2:23 Referans Kwoze

Luk 22:22

Isor okae niṭ dohoakatʼ onkage Manwa Hopon do gujukʼ hoyokʼtaea; menkhan hae uni hoṛ lạgitʼ do, one okoe do uniye soprot ocoye!”

Aposkạmi 4:28

Amakʼ daṛe ar sanate oka hoyokʼa mentem goṭa doholetʼ tahẽkan onko do onageko onkakeda.

Aposkạmi 3:18

Menkhan Isor do ḍher din lahare sanam nạbiko hoteteye roṛleda Mạsi do duk jojom hoyokʼtaea; ar Isor do ona katha nonkageye purạukeda.

1 Patras 1:20

Dhạrti ạuri sirjạurege Isor do noa lạgitʼe ṭhik doho akade tahẽkana, menkhan niạ mucạtʼ oktere uni do ape lạgitʼgeye sodorena.

Aposkạmi 13:27

Jerusalemren hoṛko ar onkoren mukhiyạko do Jisu bako oromledea. Noa chaḍa nạbikoakʼ okaṭakʼ katha jirạukʼ mãhãre jaoge paṛhao idikʼkan tahẽkan, ona katha hõ onko do bako bujhạu daṛeada; onate Jisuko dusikedete ona kathako purạukeda.

Mathae 26:24

Manwa Hopon reaṅ sonot sostorre okaleka olakan onkage uni doe gujukʼa, menkhan uni hoṛre do hae hae, okoe bạirikoakʼ tire Manwa Hopone soprot ocoye! Uni do aloe janamlen khange honaṅ boge hoekokʼtaea.”

Romiko lạgitʼ Pạul Apostolakʼ ciṭhi 4:17

Sonot sostorre olakan leka, “Iń do ạḍi utạr jạtkoren babageń hoe ocoakatʼmea,” Ona lekate Isor samaṅre Abraham do abo sanamkoren baba kanae. Okoe gocʼkoe jiwetʼetʼko ar bạnukʼakʼko hõ menakʼakʼko lekae metakʼkan uni Isorrege Abraham doe pạtiạulena.

Aposkạmi 5:30

Ape do okoeṭakʼ kaṭre aka katepe gocʼlede aboren hapṛamkoren Isor do uni Jisuge gocʼko khone jiwetʼ beretʼakadea.

Johan sodor 13:8

Okoe doko noa dhạrtirenkan, metakʼme dhạrti rehetʼ khon gocʼ ocolen Bheḍa Hoponakʼ jion puthire okoekoakʼ ńutum ol bạnukʼtako onko sanamko do Isor leka uniko sewawaea.

Jihudạwakʼ ciṭhi 1:4

Noa do jạruṛgea, ente sedaere okoe hoṛkoakʼ sạjại reaṅ katha sostorre olakan onko do ape talare hape hapeteko bolo akana. Noko hoṛkore Isor bhokti do bạnukʼanaṅ; ar aboren Isorakʼ daya do lucạ lamoṭ menteko ạnḍuṅeda ar okoe aboren mitʼ goṭen mạlik are Probhu kan uni Jisu Mạsi do bako aṅgoc edekana.

1 Patras 1:2

Isor Baba do acʼakʼ monsubạ lekage apeye bachao akatʼpea, ar acʼ lạgitʼge sonot Jiu do apeye begar dohoakatʼpea. Noa reakʼ monsubạ do hoyokʼ kana, jemon ape do Jisu Mạsirepe gobolokʼ ar uniakʼ mãyãm reakʼ chiṭiạu hotetepe sapha ocokʼ. Isor do aema daya ar suluke danape ma.

Aposkạmi 15:18

Ar ḍher din laha khon noa do uniakʼ monre tahẽkana.”

Luk 24:20

Aleren maraṅ naekeko ar sostor baḍaeko do Romren hoṛkoakʼ tireko soprotledea jemon bicạrete gujukʼ sạjạiko emae. Ar Jihudi mukhiyạko do uniko kruskedea.

Luk 22:37

Sonot sostorre olakana, ‘uni do kại hoṛko sãoteye lekhayena.’ Ińiń metapekana, noa katha do ińrege hoe purạukʼa, ente iń reaṅ okako olakan ona do purạu lạgidokʼ kana.”

Aposkạmi 7:52

Nonkan jãhãe nạbi menakʼkoa, one okoe do aperen hapṛamko bako santao akatʼko? Se uni dhoromicʼ hoṛ, metakʼme Mạsiakʼ hijukʼ reakʼ katha okoe doko lại lahaletʼ, onko hõko gocʼketʼkoa. Ar ńitokʼ ape do bạirikoakʼ tire Jisupe sapʼ ocokedete uni hõpe khũn ocokedea.

Johan 19:24

Ona ńelte palṭonko do akoreko menjoṅana, “Noa do babon oṛeja bickom gulibãṭkate bon ńela okoeakʼ hoyokʼa mente.” Noa do hoyena sonot sostor reakʼ katha jemon purạukʼ, Onko do ako talare ińakʼ kicricʼko hạṭińana, ińakʼ aṅgrop doko gulibãṭkeda. Ar palṭonko do sạrigeko onkakeda.

1 Patras 2:8

Sostor reakʼ noa katha hõ ṭhikgea, Ona do nonkan dhiri kana, one okaṭakʼ do hoṛkoakʼ tohodokʼ reakʼ karon hoyokʼ. Hoṛko do Isorakʼ katha bebatao iạteko tohodokʼ kana, ar ona iạtegeko dohoakana.

Mathae 20:19

onko doko bicạrea ar gujukʼ lek kanae menteko dusi ṭarhaoea. Arko siṛogaea, arko cạbukea ar kruskae lạgitʼ boṅgan hoṛ jạtrenkoakʼ tireko soprotea; ar pe mãhã hilokʼre uni do gocʼko khone jiwetʼ beredokʼa.”

Mathae 27:35

Ado Jisuko kruskede khan palṭonko do gulibãṭkate uniakʼ kicricʼko hạṭińana.

Mark 15:24

Inạ tayom onko do Jisuko kruskedea. Ar palṭonko do uniakʼ kicricʼ hạṭińjoṅa menteko gulibãṭkeda.

Luk 23:33

Ado khạpriko metakʼ jaegako seṭeren khan Jisu ar unkin banar dusi hoṛ hõko krus ketʼkinạ, mitʼ hoṛ do Jisuakʼ jojomti secʼre ar eṭagicʼ do uniakʼ leṅgati secʼre.

Johan 19:18

Onko do onḍe Jisuko kruskedea ar uni dene banar secʼre bar hoṛ hõko krusketʼkinạ.

Aposkạmi 2:36

“Onate sanam Israel jạtko noa katha khạṭiteko baḍaema je, ape okoepe kruslede Isor do uni Jisuge Probhu hõ ar Mạsi hõe hoeoco akedea.”

Aposkạmi 5:28

“Uni hoṛ reaṅ alo cetʼako lạgitʼ kajaktele hukumatʼpe tahẽkana, menkhan ape do apeakʼ cecetʼakʼte Jerusalempe perecʼ akada ar uni hoṛakʼ mãyãm alere paṛao ocoepe mone akada.”

Romiko lạgitʼ Pạul Apostolakʼ ciṭhi 2:12

Moseakʼ ạn-ạri bahre tahẽkate okoeko kạiyetʼkan onko do begor ạntegeko nosṭokʼa. Menkhan okoe ạn bhitrire tahẽkateko kạiyetʼ onkoakʼ bicạr do ạn hotetege hoyokʼa.

1 Thessalonikikko 2:15

Onko Jihudikoge Probhu Jisu ar nạbikoko gocʼ letʼkoa, ar ale hõko khedletʼlea. Onko do Isorko monduk ocoakadea, ar sanam manwako cetanre bạiri mon menakʼtakoa.