Aposkạmi 2:22 - Santali Common Language New Testament

²² “E Israelko, noa katha ańjompe. Nasaretren Jisu hotete Isor do ape talare bhage ar hahaṛa kạmikote ape ṭhene sạbud akada je, uni do Jisui kolledea; ar noa katha do ape hõpe baḍaegea.

সান্তালী বাইবেল

²² “E Israelko, noa katha ańjompe. Nasaretren Jisu hotete Isor do ape talare bhage ar hahaṛa kạmikote ape ṭhene sạbud akada je, uni do Jisui kolledea; ar noa katha do ape hõpe baḍaegea.

Aposkạmi 2:22 Referans Kwoze

Johan 3:2

Uni do mitʼ din ńindạ jokhecʼ Jisu ṭhen hecʼkateye menkeda, “E Guru, alele baḍaea am do mitʼṭen cecetʼicʼ leka Isor ṭhen khonem hecʼakana, ente okako hahaṛawakʼ kom kạmikan, ona do Isor soṅgete bae tahẽlen khan okoe hõ ohoe kạmi daṛelea.”

Aposkạmi 4:10

Enḍekhan ape ar sanam Israelko noa katha baḍae dohokakʼpe je, Nasaretren Jisu Mạsi, okoe dope kruslede ar okoe do gocʼko khon Isore jiwetʼ beretʼkede, uniakʼ daṛetege nui hoṛ doe bogeyente ape samaṅreye teṅgo akana.

Luk 11:20

Menkhan Isorakʼ daṛete bhutkoń oḍok giḍiyetʼko khan enḍekhan Isorakʼ raj do ape ṭhen seṭer akana.

Mathae 12:28

Menkhan Isorren Jiu hotete bhutkoń oḍok giḍiyetʼko khan enḍekhan Isorakʼ raj do apere hecʼakana.

Mathae 9:8

Ar hoṛko do noa ńelte botor caṛhaoatʼkoa, ar manwa nonkan ektiạriye emakawadete Isor sarhaoeko ehopʼena.

Ibriko 2:4

Ona salakʼ Isor hõ ạḍi utạr cinhạko ar hahaṛawakʼko ar daṛe kạmiko ar acʼakʼ monejoṅ leka sonot Jiuakʼ daya dankote ona reaṅ gohae emakada.

2 Korinthiko 12:12

Ạḍi sombhuri salakʼ ape talare cinhạko ar hahaṛawakʼko ar daṛe kạmikote apostol kạnạń menteń sạbud akada.

Aposkạmi 26:26

Ente raj do noakoe baḍaegea ar iń do uni sãote sohosateń roṛ daṛeakʼa. Noa katha do khạṭigeń baḍaea je, noako mod khon okaṭakʼ hõ uni khon do baṅ okoakana, ente danaṅre noako do baṅ hoeakan.

Aposkạmi 26:9

“Iń do apnargeń pạtiạukʼkan tahẽkana, Nasaretren Jisu birudre okań daṛeakʼ ona jotoge kạmi lek tińạ mente,

Aposkạmi 24:5

“Alele ńṭoṭhadea nui hoṛ do mitʼṭen jhamelayicʼ kanae; uni do jao okte gulmale ehopʼeda. Uni do goṭa dhạrtiren Jihudiko talare gulmale ehopʼakada. Uni do Nasario dolren mitʼṭen ạyuricʼ kanae.

Aposkạmi 22:8

‘‘Iń doń kulikedea, ‘Probhu am dom okoe kana?’ Uni doe roṛ ruạṛkeda, ‘iń do Nasaretren Jisu kạnạń, one okoeyem khedeńkan.’

Aposkạmi 21:28

Ar ãṭ aṛaṅte nonka memenko ehopʼena, “E Israelko, dela hijukʼpe. Sanam jaegaren hoṛko ṭhen aboakʼ jạt ar aboakʼ ạn-ạri ar mundil birudre okoe doe cetʼakokan uni hoṛ doe nui kangea. Ona chaḍa mundilre Junạnikoe aderetʼkote uni do noa sonot jaegaye bhõnḍ akada.”

Aposkạmi 14:27

Ado Antiokiạtekin seṭeren khan unkin do manḍerren sanamko mitʼ ṭhenkin jarwaketʼkoa ar Isor ạkin hotete okakoe kạmiketʼ ona sanamakʼ kin lạiatʼkoa. Ar cetʼlekate Isor do boṅgan hoṛ jạtrenko Mạsire biswạs reakʼ duạre jhicʼ akawatʼko ona reakʼ hõkin lạiatʼkoa.

Aposkạmi 13:16

Unre Pạul doe teṅgoyena ar ti tulkateye menkeda, “E Israelko ar Isor botoraekan boṅgan hoṛ jạtrenko ańjompe baṛe.

Aposkạmi 6:14

Ale do noa katha roroṛle ańjomakadea, Nasaretren uni Jisu do noa mundile rạputʼ giḍia ar Mose oka ạn-ạrikoe emakatʼbon onako hõe pheraoa.”

Aposkạmi 5:35

Ona tayom maraṅ bạisiren hoṛkoe metatʼkoa, “E Israelko, men sontorokʼpe, noko hoṛko cetanre okaṭakʼ kạmipe menjoṅkan.

Aposkạmi 3:12

Unre onko do Solomonakʼ pinḍạreko tahẽkana. Ar Patras do onae ńelketʼ khan hoṛkoe metatʼkoa, “E Israelko, noa iạte cedakʼpe hahaṛakʼ kana? Ạlińakʼ daṛete se Isorakʼ bhoktite nui liń taṛam daṛe ocokedete cedakʼpe beṅgetʼ uricʼ ạliń kana?

Johan 19:19

Ar Pilạt do mitʼṭen olakʼre olkate Jisuakʼ krus cetanreye bạisạu ocokeda. Onare ol tahẽkana, “Nasaretren Jisu Jihudikoren raj.”

Johan 15:24

Okako kạmi okoe tisge bako kạmiakatʼ onako kạmi onko samaṅre bạń kạmi lekhan onkoakʼ dos do oho hoekokʼa. Menkhan ńitokʼ onko do iń ar ińren Baba hõko ńelakadea arko kurud ạliń kana.

Johan 12:17

Ado topa dander khon Lasare hoho oḍokkede ar gocʼko khone beretʼkede jokhecʼ okoeko hoṛ Jisu ṭhenko tahẽkan onkoge Lasarakʼ jiwetʼ beredokʼ reaṅ gohako emkeda.

Johan 11:47

Unre maraṅ naekeko ar Phạrusiko do maraṅ bạisiren hoṛkoko jarwaketʼkoteko metatʼkoa, “Ńitokʼ do cetʼ bo cekaea? Nui hoṛ do ạḍi utạr hahaṛa kạmikoe kạmi kana.

Johan 10:37

Ińren Babawakʼ kạmiko bạń kạmiyetʼ khan alope pạtiạuạńạ.

Johan 9:33

Uni do Isor ṭhen khon bae hecʼlen khan honaṅ cetʼge ohoe ceka daṛelea.”

Johan 7:31

Menkhan ḍher hoṛge Jisure pạtiạuenteko menkeda, “Nui do aema hahaṛawakʼkoe kạmi kana. Mạsiye hecʼlenre noako khon hõ bạ̃ṛti hahaṛawakʼko cetʼ bae kạmiya?”

Johan 6:27

Menkhan oka jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniakʼge menakʼtaea mente.

Johan 6:14

Jisuakʼ noa hahaṛa kạmi ńelte gadel hoṛkoko menkeda, “Dhạrtite okoeṭakʼ nạbi hijukʼ reakʼ katha menakʼtae sạrige uni nạbi doe nuikangea.”

Johan 5:36

Menkhan Johanakʼ khon hõ ińakʼ do maraṅ goha menakʼtińạ, ente okako kạmi Babae emakawạdiń onakogeń kạmi kana. Ar onako do iń reaṅ noa gohae emeda je, Babageye kolakadińạ.

Johan 4:48

Jisu do uni raj kạmiạ hoṛe metadea, “Jãhãn cinhạ se hahaṛa kạmi bape ńellekhan ape do okalekate hõ ohope pạtiạulena.”

Johan 1:45

Philip do Nathanaele sendra ńamkedeteye metadea, “Mose do okoeakʼ katha ạn-ạrikoreye ol oṭo akatʼ ar nạbiko hõ okoe reaṅko olakatʼ uni do alele ńam akadea. Uni do Nasareth atoren Josephren hopon Jisu kanae.”

Luk 24:18

Unre unkin modre Kleopa ńutuman mitʼ hoṛ do Jisui kulikedea, “Am eskarge cetʼ Jerusalemre upriạ menama ar niạko dinre onḍe hoeakanakʼko bam baḍaea?”

Mathae 2:23

ar Nasaretko metakʼ mitʼṭen atore senkateye berelena. Noa do hoyena nạbiko hotete roṛlenakʼ katha jemon purạukʼ: enkathae, “Uni do Nasario menteye hoho ocokʼa.”

Aposkạmi 2:19

Iń do coṭ sermare hahaṛawakʼ ghoṭnakoń uduga, ar dhạrtire hõ ạḍilekan cinhạkoń hoeocoya; metakʼme mãyãm, seṅgel ar aema dhuạ̃ń ńel ocoya.

Aposkạmi 2:43

Ar sanamkoge botor caṛhaoatʼkoa, ar apostolko do ạḍi utạr hahaṛa kạmi ar cinhạ kạmiko ehopʼena.

Aposkạmi 3:6

Unre Patrase menkeda, “Sona ar rupạ do bạnukʼtińạ, menkhan okaṭakʼ menakʼtiń onageń emamkana. Nasaretren Jisu Mạsiakʼ ńutumte beretʼme ar taṛamme.”

Luk 18:37

Adoko lạiadea, Nasaretren Jisu noa horteye paromokʼ kana.