Aposkạmi 19:22 - Santali Common Language New Testament

²² Tayomte Timothi ar Erastus ńutuman acʼren barea goṛokin do Makedoniạteye kolketʼkinạ, ar acʼ do arhõ thoṛa din Asiạreye tahẽyena.

সান্তালী বাইবেল

²² Tayomte Timothi ar Erastus ńutuman acʼren barea goṛokin do Makedoniạteye kolketʼkinạ, ar acʼ do arhõ thoṛa din Asiạreye tahẽyena.

Aposkạmi 19:22 Referans Kwoze

2Timothi 4:20

Erastus do Korinthreye tahẽyena, menkhan Trophimus do Miletusre ruạkʼgeń bạgi oṭoadea.

Romiko lạgitʼ Pạul Apostolakʼ ciṭhi 16:23

Ar iń okoeakʼ oṛakʼreń tahenkan ar manḍerren hoṛko okoeakʼ oṛakʼrele jarwa midokʼkan, uni Gaius hõ apekoe joharape kana. Noa nagrahare ṭaka-poesa hisạb dohoe reakʼ bhar okoe cetanre menakʼ uni Erastus ar aboren boeha Kuartus hõ apekin joharape kana.

Aposkạmi 19:29

Ar goṭa nagraha do usạra ạulạu cabayena. Unre Gạius ar Aristarkhos ńutuman Makedoniạren okoekin hoṛ do Pạul sãotekin calakʼkan tahẽkan, hoṛko do unkinko sapʼketʼkinạ ar sanamkoge bạisiteko gad gadao boloyena.

Aposkạmi 19:10

Ado bar bochor hạbicʼ onkage hoe idiyena. Onate okoe Jihudi ar Junạniko Asiạ Prodesreko tahẽkan onko sanamkoge Probhuakʼ kathako ańjomkeda.

Aposkạmi 18:5

Silạs ar Timothi Makedoniạ khonkin hecʼen khan Pạul do eken Isorakʼ katha porcarte acʼakʼ okteko khemaoe ehopʼena. Uni do Jihudiko ṭhen Jisuge Mạsi kanae mente gohae emetʼ tahẽkana.

Aposkạmi 16:3

Ar Pạul do soṅgete Timothi iditoraye menjoṅante uniye khatna ocokedea, ente onako ṭoṭhare okoe Jihudikoko tahenkan tahẽkan onko doko baḍaekan tahẽkana Timothiren apattetʼ do mitʼṭen Junạni hoṛ kanae.

Aposkạmi 16:1

Tayomte Pạul do Derbe ar Lustrạ nagrahateye calaoena. Onḍe Timothi ńutuman mitʼṭen celae tahẽkana. Uniren eṅgattetʼ hõ Mạsire pạtiạu akan mitʼṭen Jihudi maejiue tahẽkana, menkhan apattetʼ do mitʼṭen Junạni hoṛge.

Aposkạmi 13:5

Salamisre seṭerkate unkin do Jihudikoakʼ sunạgogkore Isorakʼ kathakin porcarkeda. Unre goṛoyicʼ lekate Johan hõ unkin sãoteye tahẽkana.

1 Thessalonikikko 1:8

Eken Makedoniạ ar Akhaea Prodes motorege ape ṭhen khon Probhuakʼ katha pasnao akana ona do baṅ, menkhan Isorre apeakʼ biswạs reakʼ katha hõ sanam jaegarege seṭer akana. Ar noa babotre aleakʼ do mementeakʼ cetʼge jạruṛ bạnukʼtalea,

2 Korinthiko 8:1

E boehako, Makedoniạ reakʼ manḍerkore Isor ṭhen khon oka daya ńamakan ona reaṅle baḍae ocoyetʼpea.

2 Korinthiko 1:16

Iń doń goṭa akatʼ tahẽkana, Makedoniạte calakʼ jokhecʼ ape sãoteń ńapam torakʼa ar Makedoniạ khon arhõ ape ṭheniń ruạṛ hijukʼa, jemon apege Jihudạte koleń reakʼpe bebostawạń.

Aposkạmi 20:1

Gulmalko thiren khan Pạul do celakoe hoho ạguketʼkoa. Ar onkoe udgạuketʼko khan onko ṭhen khon bidạ hataokate uni do Makedoniạ secʼe mohnḍayena.

2 Korinthiko 11:9

Ape ṭhen tahẽkateń ṭonṭalenre okoe hõ bhar do bạń ladeatʼpe tahẽkana, ente Makedoniạ khon okoe boehako hecʼlen onkoge ińakʼ ṭonṭawakʼko purunletʼa. Ar okalekate hõ iń do aperen bojha bạń hoyokʼa ar bạń hoeakana.

2 Korinthiko 2:13

Menkhan enrehõ monre suluk bạń ńamletʼa, ente ińren boeha Titus do onḍe bae tahẽkana. Ona iạte iń do Troasren hoṛko ṭhen khon bidạ hataokate Makedoniạteń calaoena.

Aposkạmi 19:21

Ado noako hoe baṛayen khan Pạul do Makedoniạ ar Akhaea secʼte Jerusalemte calakʼ reakʼe goṭawana. Uni doe menkeda, “Jerusalemte calao tayom iń do Rom nagrahate hõ calakʼ hoyokʼ tińạ.

Aposkạmi 20:34

Ape dope baḍaegea, noa banar ti do ińakʼ ar ińren sãotenkoakʼ sanam jạruṛokʼakʼe meṭao akada.

2 Korinthiko 8:19

Niạ manḍerrenko hõ eken uniko sarhao edekana ona do baṅ, ale sãote noa dan idi lạgitʼ hõ manḍerrenko do uniko bachao akadea. Probhu gunmanao joharae ar eṭakʼko goṛowako lạgitʼ khaṛa mon menakʼtaete ale do noa dan idi lạgitʼle goṭa akadea.