Aposkạmi 19:21 - Santali Common Language New Testament

²¹ Ado noako hoe baṛayen khan Pạul do Makedoniạ ar Akhaea secʼte Jerusalemte calakʼ reakʼe goṭawana. Uni doe menkeda, “Jerusalemte calao tayom iń do Rom nagrahate hõ calakʼ hoyokʼ tińạ.

সান্তালী বাইবেল

²¹ Ado noako hoy baṛayen khan Pạul do Makedoniạ ar Akhaea secʼte Jerusalemte calakʼ reakʼe goṭawana. Uni doe menkeda, “Jerusalemte calao tayom iń do Rom nagrahate hõ calakʼ hoyokʼtińạ.

Aposkạmi 19:21 Referans Kwoze

Aposkạmi 20:22

“Sonot Jiureń tolakante iń do ńitokʼ Jerusalemiń calakʼ kana. Onḍe iń cetanre cetʼ hoyokʼa ona do bạń baḍaea.

Aposkạmi 20:16

Asiạ Prodeshre Pạul jemon aloe bilomokʼ onate uni do Ephesusre teṅgo baṅkate ona aṛete parom calakʼe goṭa akatʼ tahẽkana. Uni do Jerusalemte seṭerokʼ lạgitʼe usạrayetʼ tahẽkana jemon hoedaṛeakʼ khan penṭekosṭ hilokʼ do onḍeye tahẽdaṛeakʼ.

Aposkạmi 23:11

Dosar hilokʼ ńindạ Probhu do Pạul ṭhen teṅgoyenteye metadea, “Dil joṅme, Jerusalemre cetʼleka iń reaṅ goham emakatʼ onkage Romre hõ ińakʼ goha emokʼ hoyokʼtama.”

Romiko lạgitʼ Pạul Apostolakʼ ciṭhi 1:13

E boehako, noa katha baḍaepe, ḍher dhao ape ṭhen calakʼ sanaledińre hõ ńit hạbicʼ akoṭakʼko do hecʼạń kangea. Cetʼleka eṭakʼ eṭakʼ jaegakore boṅgan hoṛ jạtrenko talare porcarkate jo iń ńamakatʼ, onkage apeko talare hõ thoṛa jo ńam reakʼ aste ape ṭhen calakʼ iń menjoṅ kana.

Aposkạmi 18:21

Menkhan onḍe khon calakʼ jokhecʼ uni doe metatʼkoa, “Isorakʼ sana hoelen khan iń do arhõń ruạṛ hijukʼa.” Ar ona tayom uni do Ephesus khon jahajteye mohnḍayena.

1 Thessalonikikko 1:7

Onate Makedoniạ ar Akhaea Prodesren sanam biswạsiko ṭhen ape do mitʼṭen nạmunape hoeakana.

Galathiko lạgitʼ Pạul Apostolakʼ ciṭhi 2:1

Gelpon bochor tayom iń do Barnabas sãote arhõ Jerusalemteń calaoena, ar Titus hõń soṅge torakedea.

1 Korinthiko 16:5

Makedoniạ Prodes talateń sen paromokʼre iń do ape ṭheniń hijukʼa, ente iń do Makedoniạ talategeń parom calakʼa.

Romiko lạgitʼ Pạul Apostolakʼ ciṭhi 1:15

Onate okoe Romre menakʼpe ape ṭhen hõ Jisu Mạsi reaṅ bhage sombat jạhirape lạgitʼ doń khaṛagea.

Aposkạmi 28:16

Ar Romtele seṭeren khan Pạul do acʼ eskar mitʼṭen oṛakʼre tahen lạgitʼ hukume ńamkeda. Ar mitʼṭen palṭon do uniye pahrayede kan tahẽkana.

Aposkạmi 27:24

‘E Pạul, alom botorokʼa. Am do Kạisạr samaṅre teṅgokʼ hoyokʼtama. Ar noa jahajre tinạkʼ do am sãoteko calakʼkan onko sanamkoakʼ jiwi Isor do dayateye dan akawatʼmea.’

Aposkạmi 27:1

Ado jahajte Itạliạte idileko goṭaketʼ khan Pạul ar eṭakʼ adom kạidiko do Julius ńutuman mitʼṭen subedarakʼ tireko jimạkatʼlea. Julius do maharaj Agustus palṭonko modren mitʼṭen subedare tahẽkana.

Aposkạmi 21:17

Ado Jerusalemtele seṭeren khan biswạsi boehako do kusiteko ataṅ daramketʼlea.

Aposkạmi 21:4

Ado onḍenko celale sendra ńamketʼko khan onko sãote eae dinle tahẽyena. Onko do sonot Jiu hotete Pạulko nehõradea jemon Jerusalemte aloe calakʼ.

Aposkạmi 18:12

Ado Gallio tinre Akhaearen disạm cakʼlaoicʼ tahẽkana unre Jihudiko do jomkao mitʼkate Pạulko sapʼkedea ar bicạre lạgitʼ adalotteko ạgukedea.

Aposkạmi 16:12

Ar onḍe khon ale do Philipi nagrahatele calaoena. Noa Philipige Makedoniạ ṭoṭha reakʼ maraṅ nagraha tahẽkana. Ar onḍenko hoṛ do Rom rajren porjako tahẽkana. Ale do thoṛa din ona nagraharele tahẽyena.

Aposkạmi 19:22

Tayomte Timothi ar Erastus ńutuman acʼren barea goṛokin do Makedoniạteye kolketʼkinạ, ar acʼ do arhõ thoṛa din Asiạreye tahẽyena.

Aposkạmi 19:29

Ar goṭa nagraha do usạra ạulạu cabayena. Unre Gạius ar Aristarkhos ńutuman Makedoniạren okoekin hoṛ do Pạul sãotekin calakʼkan tahẽkan, hoṛko do unkinko sapʼketʼkinạ ar sanamkoge bạisiteko gad gadao boloyena.

Romiko lạgitʼ Pạul Apostolakʼ ciṭhi 1:11

Ar ape daṛe ocope lạgitʼ jemon jãhãn Jiuanakʼ daya daniń em hạṭiń daṛeape onate ape tulucʼ ńapamokʼ iń menjoṅ kana.

1 Korinthiko 4:19

Menkhan Probhuakʼ sana hoelen khan ạḍi usạrage ape ṭheniń hijukʼa, ar onko phulạu akankoakʼ katha do baṅ, menkhan onkoakʼ daṛe hõ ńel lạgitʼgeń hijukʼa.

2 Korinthiko 10:16

Onate ape ṭhen khon senkate sạṅgiń jaegakore arhõ bhage sombatle porcar daṛeakʼa. Onate okoe hõ bako men daṛeakʼa, ale do eṭakʼ hoṛko kạmi akatʼ ṭhenakʼ iạtele sarhaokʼ kana.