Aposkạmi 17:28 - Santali Common Language New Testament

²⁸ ente uniakʼ daṛetege jion bon khemaoeda arbon dãṛãn kana ar jiwetʼ hõ menakʼ bona. Aperen adom sereń joṛaokoko menakada, ‘abon hõ uniren hoponko kana bon.’

সান্তালী বাইবেল

²⁸ ente uniyakʼ daṛetege jion bon khemaoeda arbon dãṛãn kana ar jiwetʼ hõ menakʼ bona. Aperen adom sereń joṛaokoko menakada, ‘abon hõ uniren hoponko kana bon.’

Aposkạmi 17:28 Referans Kwoze

Kolossiko lạgitʼ Pạul Apostolakʼ ciṭhi 1:17

Uni do sanamakʼko khon laharen kanae ar unirege jotowakʼ do ṭarhao mitʼakana.

Ibriko 1:3

Isorakʼ sanam gun do uni Hopontetʼrege menakʼa; ar Hopontetʼ kangeae Isorren purạ nạmuna do. Hopon do acʼakʼ ektiạranakʼ kathate jotowakʼe calaoetʼ kana. Manwakoakʼ kại reakʼ puruchun meṭaokate Hopon do coṭ utạricʼren Isorakʼ jojomsa aṛereye duṛupʼena.

Luk 20:38

Menkhan Isor do gocʼkoren Isor doe baṅkana, uni do jiwetʼkoren Isorge. Uni lạgitʼge sanam hoṛ do jiwetʼko tahena.”

Johan 5:26

Ente, Baba do cetʼleka acʼre jion menakʼtae onkage uni do Hopon hõ jion tahentae lạgitʼe emakawadea.

Johan 11:25

Jisu do uniye metadea, “Ińge beretʼ ruạṛokʼtetʼ ar jion do. Okoe ińreye pạtiạukʼ uni doe gocʼlenre hõ jiwetʼe tahena.

Ibriko 12:9

Ona chaḍa bon ńelakada, dhạrtiren babako do aboko ḍanṭaoetʼbon tahẽkana ar abo do onko bon manotetʼkokan tahẽkana. Enḍekhan okoe do sanam jiukoren Baba kane unire gobol tahen do cetʼ artetʼge lek baṅkan tabona, jemon jion bon ńam?

Luk 3:38

Kenan do Enosren hopon, Enos do Sethren hopon, Seth do Adamren hopon, Ar Adam do Isorren hopon.

Titus lạgitʼ Pạul Apostolakʼ ciṭhi 1:12

Onko modren mitʼṭen nạbi do noa kathae meneda, “Kret dipren hoṛko doko eṛegea, bir janwar lekanako, asaṅpoḍa arko lebṛagea.”

Ibriko 2:11

Ente sonot ocoicʼ hõ ar sonot ocokʼko hõ mitʼṭen khon kangeako. Onate Jisu do onko hoṛko boeha mente hohowako do bae lajaokʼ kana.