Aposkạmi 16:6 - Santali Common Language New Testament

⁶ Pạul ar uni sãotenko do sonot Jiu hoteteko mana ocoyente Asiạre do bako porcarleda. Unre onko do Phrugiạ ar Galatiạ Prodes reakʼ sanam jaegateko calaoena.

সান্তালী বাইবেল

⁶ Pạul ar uni sãotenko do sonot Jiu hoteteko mana ocoyente Asiạre do bako porcarleda. Unre onko do Phrugiạ ar Galatiạ Prodes reakʼ sanam jaegateko calaoena.

Aposkạmi 16:6 Referans Kwoze

Aposkạmi 18:23

Antiokiạre thoṛa din khemaokate onḍe khone mohnḍayente Galatiạ ar Phorugiạ Prodesh reakʼ mitʼ jaega khon eṭakʼ jaegae dãṛãketʼte celakoakʼ pạtiạue kajakketʼtakoa.

Galathiko lạgitʼ Pạul Apostolakʼ ciṭhi 1:2

Iń ar iń soṅgete okoe biswạsi boehako menakʼko, ale sanamkoge Galatiạ manḍerrenko lạgitʼ ciṭhile oleda.

Aposkạmi 16:7

Ado Musiạ aṛeteko hecʼen khan onko do Bethaniạ disạmte calakʼko kurumuṭukeda, menkhan Jisuren Jiu do bae sen ocowatʼkoa.

Aposkạmi 11:12

Unre sonot Jiu do begor digdhạte onko sãote calakʼe metadińạ. Ar iń tulucʼ noko turui boeha hõko sen toralena. Ale do uni hoṛakʼ oṛakʼtele boloyena one okoe do ińe hohowạdiń tahẽkan.

1 Patras 1:1

Isorren bachao akan okoeko hoṛ do Pontus, Galatiạ, Kapadokiạ, Asiạ ar Bithuniạ Prodesre chir chạtur akan upriạ hoṛ lekako girạbasokʼkan, onko ṭhen iń Jisu Mạsiren apostol Patras do noa ciṭhiń oleda.

2Timothi 4:10

ente Demas do nonḍenakʼ dhạrtiye dulạṛetʼkante iń bạgikate Thessolonikiteye calaoena. Ona chaḍa Kreskes do Galatiạteye calaoena ar Titus do Dalmatiạte;

Galathiko lạgitʼ Pạul Apostolakʼ ciṭhi 3:1

E bebuj Galatiko, okoeye ahaketʼpea? Ape ma coṅ pusṭạutegeń porcar akatʼpe, Jisu Mạsi doe krus ocolena mente.

Aposkạmi 19:10

Ado bar bochor hạbicʼ onkage hoe idiyena. Onate okoe Jihudi ar Junạniko Asiạ Prodesreko tahẽkan onko sanamkoge Probhuakʼ kathako ańjomkeda.

Johan sodor 1:11

Uni doe metadińạ, “Okaṭakʼem ńel ona do mitʼṭen puthire olme, ar Ephesus, Smurnạ, Pergamom, Thuạtirạ, Sạrdis, Philạdelphiạ, ar Laodhar, noa eae goṭen nagraha reakʼ eae goṭen manḍer ṭhen kolme.”

Johan sodor 1:4

Iń Johan do Ạsiạ reakʼ eae goṭen manḍerko ṭheniń oleda. Okoe menae, okoeye tahẽkan ar okoeye hijukʼkan uni ar uniakʼ siṅghạson samaṅre okoe eae goṭen Jiuko tahenkan, onko ar Jisu Mạsi do daya ar sulukko dan apema.

Ibriko 11:8

Isor do Abrahame hohoade tahẽkanre biswạs iạtege Isorakʼ kathareye gobolena ar ạidạṛi lekate okaṭakʼ jaega ńam reakʼ katha tahẽkantae ona jaegateye calaolena. Unre bae bujhạu akatʼ tahẽkana okateye calakʼkana mente ar enhõ uni doe monḍhalena.

2Timothi 1:15

Noa dom baḍaegea, Ạsiạ disạmren sanamkoge ińko dea giḍiakadińa. Onko modre Phugelus ar Hermogenes hõ menakʼkinạ.

2 Korinthiko 1:8

Ạsiạ Prodesre ale do oka santaorele paṛaolen, asjoṅ kanale ape hõ ona jemonpe baḍae daṛeakʼ. Onḍe do sahao daṛeakʼ khon hõ bạ̃ṛti caprele paṛaolena, ar bańcaokʼ reakʼ asge baṅ tahẽkantalea.

1 Korinthiko 16:1

Nitokʼ do Isorren hoṛko goṛowako lạgitʼ canda uṭhạu reaṅ iń metapekana. Galatiạ Paradesh reakʼ manḍerren hoṛko cetʼ lekań hukum akatʼko ape hõ onkaepe baṛe.

1 Korinthiko 12:11

Noako joto kạmi do ini sonot Jiugeye kạmiyeda. Uni do cetʼleka sanayede kan onkage onako dan mimitʼko judạ judạye emako kana.

Aposkạmi 20:28

Ape do apnar lạgitʼ sontor akae tahenpe, ar okoe sonot Jiu biswạsikoren horhoyicʼ lekate ape cetanreye emakan onko lạgitʼ hõ sontor akae tahenpe. Gupiyicʼ do cetʼleka acʼakʼ palren bhiḍikoe ńel todarotetʼko onkage ape hõ Isorakʼ manḍerko ńel todarotpe. Ente Isor do acʼakʼ mãyãmte onako manḍerre kirińakada.

Aposkạmi 20:16

Asiạ Prodeshre Pạul jemon aloe bilomokʼ onate uni do Ephesusre teṅgo baṅkate ona aṛete parom calakʼe goṭa akatʼ tahẽkana. Uni do Jerusalemte seṭerokʼ lạgitʼe usạrayetʼ tahẽkana jemon hoedaṛeakʼ khan penṭekosṭ hilokʼ do onḍeye tahẽdaṛeakʼ.

Aposkạmi 20:4

Ado Beroearen Puros hopon Sopatros, Thessoloniki khon Aristarkhos ar Sekundus, Derberen Gaius, Timothi ar Asiạ khon Tukhikus ar Trophimus noko hõ Pạul sãoteko calaoena.

Aposkạmi 10:19

Patras do unhõ dorson reakʼ kathae hudiskan tahẽkana, unre sonot Jiu do uniye metadea, “Ńelme, pe hoṛ amko khojetʼmea.

Aposkạmi 6:9

Ar okaṭakʼ sunạgog do sạdhin hoṛkoakʼ sunạgogko metakʼkan tahẽkan ona sunạgogren adom hoṛko do Stephan birudreko teṅgoyena. Onko do Kureni ar Alekasndriạ nagraharen ar Kilikiạ ar Asiạ disạmren Jihudikoko tahẽkana.

Aposkạmi 8:29

Unre sonot Jiu do Philipe metadea, “Do ona gạḍi ṭhen sorokʼme ar uni sãote calakʼme.”

Aposkạmi 21:27

Ado saphakʼ lạgitʼ ona eae din purạu lạgidokʼ kan tahẽkanre Asiạ Prodesren adom Jihudiko do mundilre Pạulko ńelkedea. Onko do onḍe sanam hoṛko ạulạuketʼkoa ar Pạulko sapʼkedea.

Romiko lạgitʼ Pạul Apostolakʼ ciṭhi 16:5

Unkinakʼ oṛakʼre okoe do manḍerren lekate mitʼ ṭhenko jarwakʼkan onko hõ joharakope. Ińren dulạṛiạ gate Epaenetos hõ joharaepe, ente Asiạre unige pạhilte Mạsiye ataṅledea.

1 Korinthiko 16:19

Ạsiạ reakʼ manḍerrkoren hoṛko do apeko joharape kana. Akuilạ, ar Priskilạ do Probhure ạḍikin joharapekana, ạkinakʼ oṛakʼre menakʼ manḍerrenko salakʼ.