Aposkạmi 16:23 - Santali Common Language New Testament

²³ Onko do kajak dalko dalketʼkinte hajotreko bhoraokatʼkinạ, ar kajakte pahrae lạgitʼ hajotren darogako hukumadea.

সান্তালী বাইবেল

²³ Onko do kajak dalko dalketʼkinte hajotreko bhoraokatʼkinạ, ar kajakte pahrae lạgitʼ hajotren darogako hukumadea.

Aposkạmi 16:23 Referans Kwoze

Johan sodor 2:10

Am do okako dukem jom lạgidokʼkan onate thoṛa hõ alom botorokʼa. Ańjomme, Soetan do ape modren adomko biḍạupe lạgitʼ hajotreye bhoraopea, ar gel din hạbicʼ ape do kosṭope joma. Am do gujukʼ hạbicʼ pạtiạr akae tahenme, enḍekhan jitạukʼ reakʼ mala leka jioniń emama.

2Timothi 2:9

ar noa bhage sombat porcar iạte iń do duk sasetiń jomakada; ar dusiakatʼ hoṛ leka tol hõń tol ocolena. Menkhan Isorakʼ katha do baṅ tolakana.

Philimon 1:9

enhõ dulạṛ iạte iń do ona bodolte amiń nehõram kana. Mitʼṭen haṛam hoṛ lekate ar ńitokʼ Jisu Mạsi lạgitʼiń bondi akante iń Pạul do am ṭhen ińren hopon Onesimus lạgitʼ iń nehõram kana. Hajotre ińakʼ bondi dosare uni do biswạsi lekate ińren hopone hoeakana.

Ephesiko lạgitʼ Pạul Apostolakʼ ciṭhi 4:1

Onate Probhure kạidi akanicʼ iń nehõrape kana, Isor oka lạgitʼe hohoakawatʼpe ona reakʼ lek leka colonpe.

Ephesiko lạgitʼ Pạul Apostolakʼ ciṭhi 3:1

Noa iạte iń Pạul do Isor ṭheniń koejoṅ kana. Ape okoe do boṅgan hoṛ jạtrenko kanpe ape lạgitʼge iń do Mạsi Jisuren kạidiń hoeakana.

Aposkạmi 16:36

Unre daroga do Pạule metadea, “Disạm cakʼlaoicʼ do Silạs ar am aṛakʼ ben lạgitʼe roṛgotʼ akada. Onate ma ńitokʼ do oḍokokʼ ben ar sulukte calao joṅben.”

Aposkạmi 16:27

Unre hajot oṛakʼren daroga doe ebhenena ar hajot oṛakʼ reakʼ silpińko jhicʼgeye ńelketʼ khan tarwaṛe bocʼkate acʼte gujukʼe menana. Uni doe hudiskeda sanam kạidikoko dạṛ cabakeda.

Aposkạmi 12:18

Ado setakʼen khan Patrase okayena mente palṭonko talare gulmal hoyena.

Aposkạmi 12:4

Uni do Patras sapʼkate hajotreye bhoraokedea. Ar popon hoṛkate pạri pạrite horhoye lạgitʼ palṭonkoe bharatʼkoa. Herod doe goṭakeda, sen-parom porob tayom bicạre lạgitʼ Patras do hoṛko samaṅreye oḍok ạguyea.

Aposkạmi 8:3

Menkhan Sạul do onako manḍer marao lạgitʼ oṛakʼ oṛakʼ bolokate manḍerren herel ar maejiuko or totʼkate hajotre bhoraokoe ehopʼena.

Aposkạmi 5:23

Unre onko do ruạṛ hecʼkate noako lạikeda, “Ale dole ńelkeda hajot reakʼ duạr do kulup kajakge menakʼa ar duạr duạrkore pahradarko hõko teṅgo akana, menkhan duạrle jhicʼketʼ khan bhitrire do celege bale ńamletʼkoa.”

Aposkạmi 5:18

Onko do apostolko sapʼkate hajotreko bhoraokatʼkoa.

Luk 21:12

“Noako hoyokʼ lahare hoṛko do apeko sapʼpea arko santaopea. Ar bicạrpe lạgitʼ sunạgogreko idipea ar hajotreko bhoraopea. Iń iạte rapajko ar disạm cakʼlaoko samaṅreko idipea,

Mathae 26:48

Jisu bạirikoakʼ tire okoeye sapʼ ocoye uni do onko tulucʼ mitʼṭecʼ cinhại ṭhik dohoakatʼ tahẽkana; uni doe metatʼko tahẽkana, “Jãhãeṭakʼgeń cokʼae, uni kangea, ape do unigepe sabeya.”

Johan sodor 1:9

Iń aperen boeha Johan do Jisu tulucʼ iń kolom mitʼ akante ape tulucʼ inạ duk, inạ rajosṭi ar inạ soboriren bhạgiạdariń hoeakana. Iń do Isorakʼ katha ar Jisuakʼ gohań porcarletʼte Patmosko metakʼ dipreń doho ocolena.

2 Korinthiko 6:5

dal jomre, hajotkore, hulmalre, khaṭaokʼre, jagwarre ar upạsre.

2 Korinthiko 11:23

Onko do cetʼ Mạsiren sapʼ dapʼko kanako? Iń do arhõ ḍhertetʼ kạnạń. Disạipe, iń do bạulạha hoṛ lekań roṛeda. Mạsiakʼ sapʼdapʼ kạmire iń do onko khon ḍheriń khaṭao akana, ar ạḍi dhaoiń hajot akana, arhõ ạḍi dhao daleń jomakada, ar ạḍi dhao gujukʼ dạkhilreń paṛaolena.