Aposkạmi 15:5 - Santali Common Language New Testament

⁵ Unre Phạrusikoren thoṛa hoṛ hõ biswạsiko tahẽkana. Onko do teṅgoyenteko menkeda, “Boṅgan hoṛ jạtrenko do khatnakʼ jạruṛgetakoa ar Moseakʼ ạn-ạri jemonko pańjae ona lạgitʼ hukum emako jạruṛa.”

সান্তালী বাইবেল

⁵ Unre Phạrusikoren thoṛa hoṛ hõ biswạsiko tahẽkana. Onko do teṅgoyenteko menkeda, “Boṅgan hoṛ jạtrenko do khatnakʼ jạruṛgetakoa ar Moseyakʼ ạn-ạri jemonko pańjae ona lạgitʼ hukum emako jạruṛa.”

Aposkạmi 15:5 Referans Kwoze

Aposkạmi 15:1

Jihudạ disạm khon adom hoṛ do Siriạ disạm reakʼ Antiokiạteko hecʼena ar biswạsi boehako noa menkate cetʼakoko ehopʼena, “Moseakʼ ạn-ạri lekate bape khatna ocolen khan kại khon bańcao do ohogepe ńamlea.”

Aposkạmi 21:20

Noa kathako ańjomketʼ khan onko murubiko do Isorko sarhaokedea ar Pạulko metadea, “E boeha, am mam ńeletʼkokange, tinạkʼ hajar hajar Jihudiko do Jisureko pạtiạu akana, ar onko sanamkoge Moseakʼ ạn-ạri pańja lạgitʼ ạḍiko ahkaokʼ kana.

Aposkạmi 15:24

“Alele ańjomkeda je, aleko mod khon adom hoṛ do senkate ạḍi lekan kathate apeakʼ monko ạulạuetʼte kosṭoko emapekana, menkhan ale do nonkan kạmi bale menakatʼkoa.

Aposkạmi 24:5

“Alele ńṭoṭhadea nui hoṛ do mitʼṭen jhamelayicʼ kanae; uni do jao okte gulmale ehopʼeda. Uni do goṭa dhạrtiren Jihudiko talare gulmale ehopʼakada. Uni do Nasario dolren mitʼṭen ạyuricʼ kanae.

Mathae 3:7

Ar ạḍi utạr Phạrusiko ar Sạdukiko hõ bạptisokʼ lạgitʼ acʼ ṭhen hijukʼkane ńelketʼkoa. Uni doe metatʼkoa, “Eya kạrinạṅgin hoponko, Isorakʼ daraekan sạjại khon ńirjoṅ lạgitʼ bud do okoeye ematʼpea?

Aposkạmi 5:17

Unre maraṅ naeke ar acʼ sãoten Sạdukiko do ạḍi bạṛicʼko edreyena.

Aposkạmi 24:14

Iń do noa katha am ṭheniń aṅgoceda je, Jisu Mạsiakʼ hor, okaṭakʼ do onko dhorom birudko metakʼkan, iń do ona horrege ińren hapṛamkoren Isoriń sewawae kana. Moseakʼ ạn-ạri sãote okaṭakʼ juri menakʼ onare ar nạbikoakʼ olakʼre hõń pạtiạukʼ kana.

Aposkạmi 28:22

Menkhan ale do amakʼ mon reakʼ kathakole ańjomtama, ente alele baḍaea joto jaegarege hoṛko do ona dol reakʼ birudre kathako roṛeda.”

1 Korinthiko 7:18

Jãhãe hoṛ khatna akane hoho ocoakana? Enḍekhan aloe bin khatna ruạṛokʼma? Bin khatnage jãhãeye hoho ocoakana? Enḍekhan uni do aloe khatnakʼma.

Galathiko lạgitʼ Pạul Apostolakʼ ciṭhi 2:11

Patras do Siriạ Prodes reakʼ Antiokiạteye hecʼen khan, samaṅregeń roṛ daramkedea, ente uni doe behok akatʼ tahẽkana.

Galathiko lạgitʼ Pạul Apostolakʼ ciṭhi 2:14

Menkhan iń do, bhage sombat reakʼ sạriakʼtetʼ tulucʼ onkoakʼ kạmi reakʼ jãhãn jurige bạń ńelletʼre sanamko samaṅre Kephas iń metadea, “Am do Jihudi hoekate boṅgan hoṛ jạtrenko lekam colonetʼkan khan cekate boṅgan hoṛ jạtrenko do Jihudiko leka colon lạgitʼem ajhãṭetʼkoa?