Aposkạmi 15:22 - Santali Common Language New Testament

²² Unre apostolko, manḍerren murubiko ar manḍerren eṭakʼ sanam hoṛkoko goṭakeda je, onko do akoren adom hoṛko bachaokate Pạul ar Barnabas sãote Antiokiạteko kolkoa. Onko do Jihudạ ar Silạs tạkinko bachaoketʼkinạ. Nui Jihudạge Barsabako metaekan tahẽkana. Ente biswạsi boehako modre nukin bana hoṛge mukhiyạkin tahẽkana.

সান্তালী বাইবেল

²² Unre apostolko, manḍerren murubbiko ar manḍerren eṭakʼ sanam hoṛkoko goṭakeda je, onko do akoren adom hoṛko bachaokate Pạul ar Barnabas sãote Antiokiạteko kolkoa. Onko do Jihudạ ar Silạs tạkinko bachaoketʼkinạ. Nui Jihudạge Barsabako metaekan tahẽkana. Ente biswạsi boehako modre nukin bana hoṛge mukhiyạkin tahẽkana.

Aposkạmi 15:22 Referans Kwoze

Aposkạmi 15:27

Ale do Jihudạ ar Silạs tạkinle kolketʼkinạ jemon okale olakatʼ ona do mocate hõ kin lạiape.

Aposkạmi 15:40

Unre Antiokiạren boehako do Pạul ar Silạs tạkin Probhuakʼ tireko jimạketʼkin khan unkin dokin mohḍhayena.

1 Patras 5:12

Siluạnus, okoe do ińren pạtiạrạnicʼ boehań metaekan, uni hotete noa ciṭhi do thoṛa kathate ape ṭheniń olkeda, jemon iń do apeń udgạu daṛeape ar Isorakʼ sạriạkʼ reakʼ dayaren gohań em daṛeakʼ. Ape do Isorakʼ noa dayare ṭarhao akan tahenpe.

2 Thessalonikiko 1:1

Isor Baba ar Probhu Jisu Mạsire kolom mitʼakan Thessoloniki manḍerrenko ṭhen iń Pạul, Siluạnus ar Timothi do noa ciṭhile oleda.

1 Thessalonikikko 1:1

Isor Baba ar Probhu Jisu Mạsi tulucʼ mitʼakan Thessaloniki manḍerrenko ṭhen, Siluạnus, Timothi, ar iń Pạul do noa ciṭhile oleda. Aboren Isor Baba ar Probhu Jisu Mạsi do daya ar suluke dan ape ma.

Aposkạmi 18:5

Silạs ar Timothi Makedoniạ khonkin hecʼen khan Pạul do eken Isorakʼ katha porcarte acʼakʼ okteko khemaoe ehopʼena. Uni do Jihudiko ṭhen Jisuge Mạsi kanae mente gohae emetʼ tahẽkana.

Aposkạmi 15:32

Jihudạ ar Silạs apnarhõ nạbi kin tahẽkana; onate unkin do aemakin galmaraoatʼkote onḍenko boehakin udgạuketʼkoa ar onkoakʼ pạtiạukin keṭecʼ ocoketʼtakoa.

Aposkạmi 1:23

Unre celako do bar hoṛko teṅgoketʼkina, Barsabako metae Joseph, one okoe do Justuse bahnayen ar Mạthiạ.

Aposkạmi 17:14

Unre biswạsi boehako do jalapuri aṛe secʼ Pạulko kolgotʼkadea, menkhan Silạs ar Timothi do Beroea regekin tahẽyena.

Aposkạmi 17:10

Ńindạyen khan biswạsi boehako do Pạul ar Silạs tạkin Beroeateko kolkatʼkinạ. Unkin do onḍe seṭerkate Jihudikoakʼ sunạgogtekin boloyena.

Aposkạmi 17:4

Noa katha ańjomkate adom Jihudiko doko pạtiạuente Pạul ar Silạs tạkin sãoteko mitʼena. Ona chaḍa Isor botorae aema Junạniko ar bhodro maejiuko hõ unkin sãoteko mitʼena.

Aposkạmi 16:29

Unre daroga do mitʼ hoṛ diuhe ạguye metadea ar acʼ do bhitriteye ńir boloyena ar botorte thar tharaokʼkan tulucʼ Pạul ar Silạs tạkinakʼ jaṅgareye giḍiyena.

Aposkạmi 16:25

Un jokhecʼ do tala ńindạ okte tahẽkana. Pạul ar Silạs do Isorkin sarhaoedekan tahẽkana arkin koejoṅkan tahẽkana. Ar eṭakʼ kạidiko hõ onako ańjomkan tahẽkana.

Aposkạmi 16:19

Ado rojgar cabayena menteko ńelketʼ khan uni kuṛiren kisạ̃ṛko do Pạul ar Silạs sapʼkate nagraharen mukhiyạ ṭhenko or idiketʼkinạ.

Aposkạmi 15:25

Onate ale sanamkoge mitʼkate thoṛa hoṛ bachaokate aleren dulạṛiạ gate Barnabas ar Pạul sãote ape ṭhenle kolketʼkoa.

Aposkạmi 15:23

Ado onko hotete noa ciṭhiko kolkeda: Antiokiạ, Siriạ ar Kilikiạren biswạs akan boṅgan hoṛ jạtren boehako ṭhen ale apostolko ar manḍerren murubiko, metakʼme aperen boehako do noa ciṭhile olape kana. Apeakʼ suluk hoyokʼma.

Aposkạmi 11:22

Ado Jerusalem manḍerren hoṛko noa sombatko ańjomketʼ khan onko do Antiokiạte Barnabasko kolkadea.

Aposkạmi 8:14

Ado Jerusalemren apostolko do tinreko ańjomkeda Samariạren hoṛko Isorakʼ kathako ataṅakada unre Patras ar Johan onko ṭhenko kolkatʼkinạ.

Aposkạmi 11:19

Ado Stephan babot hoyen santao iạte okoekoko chir chạtur akan tahẽkan onko do Phoenikiạ, Kupros ar Siriạ disạm reakʼ Antiokiạ hạbicʼ senkate eken Jihudiko ṭhenge Isorakʼ kathako lạikeda.

Aposkạmi 11:20

Menkhan onko modre adomko do Antiokiạte senkate Junạni pạrsiren hoṛko ṭhen hõ Probhu Jisu reaṅ bhage sombat porcarko dhurạuena. Noko do Kupros dip ar Kurene nagraharen hoṛko tahẽkana.

Aposkạmi 11:27

Onako dinre adom nạbiko do Jerusalem khon Antiokiạteko hecʼena.

Aposkạmi 15:3

Antiokiạ manḍerrenko do onkoakʼ calakʼ reakʼko bebostakeda. Ado Phoenikiạ ar Samariạ Prodes talate calakʼ jokhecʼ Pạul ar Barnabas do hoṛkokin baḍae ocoketʼkoa, boṅgan hoṛ jạtrenko do Isor secʼ cetʼlekako ạcurokʼ kana mente. Ar noa khobor ańjomkate sanam biswạsikoge ạḍiko kusiyena.

Aposkạmi 15:30

Ado Pạul, Barnabas ar unkin hoṛko kolketʼkin khan onko do Antiokiạteko calaoena. Onḍe onko do manḍerren hoṛko mitʼ ṭhenko jarwaketʼkote ona ciṭhiko ematʼkoa.

2 Korinthiko 1:19

Okoeakʼ katha Siluạnus, Timothi ar iń do ape ṭhenle porcar akatʼ uni Jisu Mạsi, Isorren Hopon do mitʼ ghuṛire “Hẽ” ar “Baṅ” doe baṅkana;