Aposkạmi 14:2 - Santali Common Language New Testament

² Menkhan okoeko Jihudi bako pạtiạulen onko do boṅgan hoṛ jạtrenkoko uskạuketʼkote biswạsi boehako birudre onkoakʼ monko bạṛicʼketʼtakoa.

সান্তালী বাইবেল

² Menkhan okoeko Jihudi bako pạtiạulen onko do boṅgan hoṛ jạtrenkoko uskurketʼkote biswạsi boehako upạrte onkoakʼ monko bạṛicʼketʼtakoa.

Aposkạmi 14:2 Referans Kwoze

Aposkạmi 13:50

Menkhan Jihudiko do Isor bhoktiae bhodro maejiuko ar nagraharen manotan hoṛkoko udgạuketʼkoa. Nonkate onko do Pạul ar Barnabas upạrte khedko calaoketʼte ona ṭoṭha khonko oḍok gotʼkatʼ kinạ.

Aposkạmi 17:5

Menkhan Jihudiko do hiskạte bajar khon adom bạṛicʼ hoṛko ńam jarwaketʼkote nagrahare gulmalko ehopʼkeda. Ona tayom Pạul ar Silạs ńamkate hoṛko ṭhen ạgukin lạgitʼ onko do Jasonakʼ oṛakʼre jhapko emkeda,

Aposkạmi 14:19

Ado Antiokiạ ar Ikonium khon adom Jihudiko hecʼkate Pạul ar Barnabas birudre hoṛkoko bhiṅgṛạuketʼkoa. Unre Pạul do dhiriteko tińkedea ar gocʼenae hudiskate nagraha bahreteko or idikadea.

Aposkạmi 13:45

Ar nunạkʼ hoṛakʼ bhiṛ ńelte Jihudiko do hiskạteko perecʼena ar Pạul okae menetʼkan tahẽkan ona birudre aema lekan kathakote nisṛạueko ehopʼena.

Aposkạmi 17:13

Thessalonikiạren Jihudiko do Pạul Beroeare Isorakʼ kathae porcareda menteko ańjomketʼ khan onko do onḍeko calaoena ar onḍenko hoṛko ạulạuketʼkote gulmalko hoe ocokeda.

Aposkạmi 18:12

Ado Gallio tinre Akhaearen disạm cakʼlaoicʼ tahẽkana unre Jihudiko do jomkao mitʼkate Pạulko sapʼkedea ar bicạre lạgitʼ adalotteko ạgukedea.

Johan 3:36

Hoponre pạtiạukʼicʼ do jaejug jion menakʼtaea, menkhan Hopon reakʼ bebataoicʼ do jion ohoe ńamlea, bickom Isorakʼ edre uni cetanre paṛaokʼa.

Aposkạmi 1:15

Onako dinre Patras do Mạsire pạtiạu akan mitʼ sae bargel hoṛko talare teṅgoyente menkeda,

Aposkạmi 14:4

Onate nagraharen hoṛko doko begarena; adomko do Jihudiko secʼ ar adomko do apostol secʼko calaoena.

Aposkạmi 14:5

Unre boṅgan hoṛ jạtrenko ar Jihudikoren mukhiyạko do jarwa mitʼkate Pạul ar Barnabas santaokin ar dhirite tińkin lạgitʼko solhawana.

1 Thessalonikikko 2:14

E boehako, Jihudạ Prodesre Mạsi Jisure kolom mitʼakan Isorakʼ oka manḍerko menakʼ, onkage ape hõpe hoeakana. Jihudikoakʼ tite onko do oka duk ar kosṭoko jomakatʼ, onkage ape hõ apnar disạmren hoṛkoakʼ tite duk ar kosṭope jomakada.