Aposkạmi 14:19 - Santali Common Language New Testament

¹⁹ Ado Antiokiạ ar Ikonium khon adom Jihudiko hecʼkate Pạul ar Barnabas birudre hoṛkoko bhiṅgṛạuketʼkoa. Unre Pạul do dhiriteko tińkedea ar gocʼenae hudiskate nagraha bahreteko or idikadea.

সান্তালী বাইবেল

¹⁹ Ado Antiokiạ ar Ikonium khon adom Jihudiko hecʼkate Pạul ar Barnabas upạrte hoṛkoko bhiṅgṛạuketʼkoa. Unre Pạul do dhiriteko tińkedea ar gocʼenae hudiskate nagraha bahreteko or idikadea.

Aposkạmi 14:19 Referans Kwoze

2Timothi 3:11

Ona chaḍa Antiokiạre, Ikoniumre ar Lustrạre paṛao ạdiń tahẽkan santaokoń sahao akatʼ reakʼ katha hõm baḍaegea, menkhan Probhu do onako khone rukhiyạ akadińạ.

2 Korinthiko 11:25

bẽtte pe dhaoiń dal ocolena. Dhirite mitʼ dhaoiń tiń ocolena; ar pe dhao ińakʼ jahaj unumlena. Mitʼ siń mitʼ ńindạ doreão reakʼ athantar dakʼreń tahẽkana.

Aposkạmi 14:5

Unre boṅgan hoṛ jạtrenko ar Jihudikoren mukhiyạko do jarwa mitʼkate Pạul ar Barnabas santaokin ar dhirite tińkin lạgitʼko solhawana.

Aposkạmi 13:45

Ar nunạkʼ hoṛakʼ bhiṛ ńelte Jihudiko do hiskạteko perecʼena ar Pạul okae menetʼkan tahẽkan ona birudre aema lekan kathakote nisṛạueko ehopʼena.

2 Korinthiko 11:23

Onko do cetʼ Mạsiren sapʼ dapʼko kanako? Iń do arhõ ḍhertetʼ kạnạń. Disạipe, iń do bạulạha hoṛ lekań roṛeda. Mạsiakʼ sapʼdapʼ kạmire iń do onko khon ḍheriń khaṭao akana, ar ạḍi dhaoiń hajot akana, arhõ ạḍi dhao daleń jomakada, ar ạḍi dhao gujukʼ dạkhilreń paṛaolena.

Aposkạmi 7:58

Onko do dhirite tińe lạgitʼ nagraha bahreteko or oḍokkedea, ar gohako do akoakʼ kicricʼ totʼkate Sạul ńutuman mitʼṭen juạn hoṛakʼ jaṅga ṭhenko dohokeda.

1 Korinthiko 15:31

E boehako, aboren Probhu Jisu Mạsire ape reaṅ okaṭakʼle suhukʼetʼkan ona suhukʼre iń do dinạm hilokʼgeń gujukʼ kana.

Aposkạmi 17:13

Thessalonikiạren Jihudiko do Pạul Beroeare Isorakʼ kathae porcareda menteko ańjomketʼ khan onko do onḍeko calaoena ar onḍenko hoṛko ạulạuketʼkote gulmalko hoe ocokeda.

Aposkạmi 9:16

Ar iń iạte tinạkʼ duk jojom hoyokʼtaea onań udukʼaea.”

Aposkạmi 22:20

Ar amren gohayicʼ Stephanko gojekan tahẽkanre onḍegeń teṅgo akan tahẽkana ar uni gocʼ ocokʼre iń hõ rạjigeń tahẽkana, ar okoe uniko gojekan tahẽkana onkoakʼ kicricʼkoń horhoyetʼ tahẽkana.’

Aposkạmi 14:21

Ado Derbere bhage sombat porcarkate Pạul ar Barnabas do ạḍi utạrkin celaketʼkoa. Ona tayom Lustra, Ikonium ar Pisidiạ Prodes reakʼ Antiokiạte ruạṛ senkate onḍenko celakoakʼ biswạskin kajakketʼte onkokin daṛe ocoketʼkoa ar pạtiạure ṭarhao tahen lạgitʼkin udgạuketʼkoa. Unkinkin menkeda, “Isorakʼ rajte bolokʼ lạgitʼ ạḍi utạr duk jojom hoyokʼ tabona.”

Aposkạmi 13:14

Tayomte onko do Perga khon Pisidiạ disạm reakʼ Antiokiạ nagrahateko senena ar jirạukʼ mãhãre sunạgogre bolokateko duṛupʼena.

Aposkạmi 14:1

Ikonium nagrahare Pạul ar Barnabas do ạkinakʼ cạli leka Jihudikoakʼ sunạgogkote kin boloyena. Unkin do onḍe nonkan kathakin galmaraoatʼkoa je, Jihudiko ar Junạniko khon ạḍi utạr hoṛko pạtiạuena.

Aposkạmi 14:2

Menkhan okoeko Jihudi bako pạtiạulen onko do boṅgan hoṛ jạtrenkoko uskạuketʼkote biswạsi boehako birudre onkoakʼ monko bạṛicʼketʼtakoa.

Aposkạmi 14:4

Onate nagraharen hoṛko doko begarena; adomko do Jihudiko secʼ ar adomko do apostol secʼko calaoena.

Aposkạmi 14:18

Noako katha kin galmaraoatʼkore hõ janwar dãṛẽ khon hoṛko thir ocoko lạgitʼ unkin do ạḍi haronokʼ hoyentạkina.

Aposkạmi 14:26

Ar Attaliạ khon jahajte Siriạ disạm reakʼ Antiokiạ tekin ruạṛ hecʼena. Ar oka kạmi ńitkin mucạtʼketʼ ona kạmi lạgitʼge noa Antiokiạ khonge Isorakʼ dayarekin jimạ ocolena.

Aposkạmi 15:26

Barnabas ar Pạul do aboren Probhu Jisu Mạsi iạte gujukʼrekin paṛaolena.

2 Korinthiko 11:26

Aema disạmiń dãṛã akada. Ḍubạ dakʼ, ḍạkuko hotete, apnar jạtren hoṛ ar boṅgan hoṛ jạtrenko hotete muhinreń paṛaolena. Ona chaḍa iń do nagrahakore, hahaṅkar jaegare, doreãore ar phạsiạra boehako talarehõ muhinreń paṛaolena.

1 Thessalonikikko 2:14

E boehako, Jihudạ Prodesre Mạsi Jisure kolom mitʼakan Isorakʼ oka manḍerko menakʼ, onkage ape hõpe hoeakana. Jihudikoakʼ tite onko do oka duk ar kosṭoko jomakatʼ, onkage ape hõ apnar disạmren hoṛkoakʼ tite duk ar kosṭope jomakada.